Independence Day: ಸರ್ಕಾರಿ ಬಸ್​ಗೆ ಅಲಂಕಾರ ಮಾಡಿ ಸ್ಪೆಷಲ್ ಆಗಿ ಸ್ವಾತಂತ್ರ್ಯ ದಿನ ಆಚರಿಸಿದ ಕಲಬುರಗಿ ತಾಂಡಾ ಯುವಕರು

ಕಲಬುರಗಿ, ಆ. 15: ಇಂದು ಇಡೀ ಭಾರತದಲ್ಲಿ 77ನೇ ಸ್ವಾತಂತ್ರ್ಯೋತ್ಸವದ ಸಂಭ್ರಮ ಮನೆ ಮಾಡಿದೆ. ಎಲ್ಲೆಡೆ ತಿರಂಗ ಹಾರಾಡುತ್ತಿದೆ. ಜನತೆ ದೇಶ ಪ್ರೇಮ ಮೆರೆಯುತ್ತಿದ್ದಾರೆ. ಮತ್ತೊಂದೆಡೆ ಕಲಬುರಗಿ ತಾಲೂಕಿನ ಪಾಣೇಗಾಂವ್ ಬಸವನ ತಾಂಡಾದ ಯುವಕರು ವಿಶೇಷವಾಗಿ ಸ್ವತಂತ್ರ ದಿನ ಆಚರಿಸಿದ್ದಾರೆ. ತಮ್ಮೂರಿಗೆ ಬಂದ ಸರ್ಕಾರಿ ಬಸ್​ಗೆ ತಳಿರು ತೋರಣ ಕಟ್ಟಿ, ಬಸ್​ನೊಳಗೆ ಅಲಂಕಾರ ಮಾಡಿ ಬಸ್​ಗೆ ರಾಷ್ಟ್ರ ಧ್ವಜ ಕಟ್ಟಿ ಸಂಭ್ರಮಿಸಿದ್ದಾರೆ. ಬಸ್​ನಲ್ಲಿ ಸ್ವತಂತ್ರ ಹೋರಾಟಗಾರರ ಭಾವಚಿತ್ರಗಳು, ದೇಶಭಕ್ತಿ ಗೀತೆಗಳನ್ನು ಹಾಕಿ ತಾಂಡಾ ಯುವಕರು ಸಂಭ್ರಮಿಸಿದ್ದಾರೆ.