ನಟ ಕಿಚ್ಚ ಸುದೀಪ್ ಮತ್ತು ನಿರ್ಮಾಪಕ ಸೂರಪ್ಪ ಬಾಬು ಕಾಂಬಿನೇಷನ್ನಲ್ಲಿ ‘ಕೋಟಿಗೊಬ್ಬ 2’ ಮತ್ತು ‘ಕೋಟಿಗೊಬ್ಬ 3’ ಚಿತ್ರಗಳು ಮೂಡಿಬಂದಿವೆ. ಹಲವು ವಿಘ್ನಗಳನ್ನು ದಾಟಿಕೊಂಡು ‘ಕೋಟಿಗೊಬ್ಬ 3’ ತೆರೆಕಾಣಬೇಕಾದ ಪರಿಸ್ಥಿತಿ ಬಂತು. ಅದಕ್ಕೆ ನಿರ್ಮಾಪಕ ಸೂರಪ್ಪ ಬಾಬು ಅವರು ಅಭಿಮಾನಿಗಳಲ್ಲಿ ಕ್ಷಮೆಯನ್ನೂ ಕೇಳಿದ್ದಾಯ್ತು. ತಮಗೆ ಮೋಸ ಮಾಡಿ, ರಿಲೀಸ್ಗೆ ಅಡ್ಡಿ ಉಂಟು ಮಾಡಿದವರ ವಿರುದ್ಧ ಕಾನೂನು ಸಮರ ಕೈಗೊಳ್ಳುವುದು ಖಚಿತ ಎಂದು ಸೂರಪ್ಪ ಬಾಬು ಹೇಳಿದ್ದಾರೆ. ‘ಕೋಟಿಗೊಬ್ಬ 4’ ಸಿನಿಮಾದ ಪ್ಲ್ಯಾನ್ ಬಗ್ಗೆಯೂ ಅವರು ಮಾತನಾಡಿದ್ದಾರೆ.
‘ಸುದೀಪ್ ಜತೆ ‘ಕೋಟಿಗೊಬ್ಬ 4’ ಚಿತ್ರ ಮಾಡಲು ನಾನು ಸಿದ್ಧನಿದ್ದೇನೆ. ಆದರೆ ಅದನ್ನು ನಾನು ತೀರ್ಮಾನ ಮಾಡುವುದಲ್ಲ. ಸೂಕ್ತವಾದ ಕಥೆ ಬೇಕು. ಅದನ್ನು ಸುದೀಪ್ ಇಷ್ಟಪಡಬೇಕು. ‘ಕೋಟಿಗೊಬ್ಬ 4’ ಮಾಡಬೇಕು ಎಂಬ ಇಚ್ಛೆ ನಮ್ಮಿಬ್ಬರಿಗೂ ಇದೆ. ಯಾವುದೇ ಕಾರಣಕ್ಕೂ ಕಥೆ ಇಲ್ಲದೇ ಸಿನಿಮಾ ಮಾಡುವುದಿಲ್ಲ. ಇವತ್ತು ನಮ್ಮನ್ನು ಗೆಲ್ಲಿಸಿರುವುದೇ ಕಥೆ’ ಎಂದು ಸೂರಪ್ಪ ಬಾಬು ಹೇಳಿದ್ದಾರೆ.
ಇದನ್ನೂ ಓದಿ:
‘ಕೋಟಿಗೊಬ್ಬ 3’ ರಿಲೀಸ್ ಮಾಡಬೇಡಿ ಅಂತ ಚಿತ್ರಮಂದಿರಕ್ಕೆ ಫೋನ್ ಮಾಡಿದ್ರು: ಸುದೀಪ್ ಸ್ಫೋಟಕ ಆರೋಪ
Kotigobba 3: ಕಿಚ್ಚನ ಒಂದೇ ಒಂದು ಟ್ವೀಟ್ನಿಂದ ಹೆಚ್ಚಿತು ‘ಕೋಟಿಗೊಬ್ಬ 3’ ಕ್ರೇಜ್; ಅಂಥ ವಿಶೇಷ ಇದರಲ್ಲೇನಿದೆ?