ಕೆಲವೊಮ್ಮೆ ಕಣ್ಣಲ್ಲಿ ನೋಡಿದ್ದರೂ ನಂಬಲು ಕಷ್ಟವಾಗುವಂತಹ ಅಚ್ಚರಿಗಳು ಘಟಿಸಿಬಿಡುತ್ತವೆ. ಅದೊಂದು ರೀತಿಯಲ್ಲಿ ಊಹೆಗೂ ಮೀರಿದ ವಿಚಾರ. ಹಾಗಾಗಿ ಅಂತಹ ಘಟನೆಗಳಿಗೆ ಮನುಷ್ಯರೇ ಕಾರಣರಾಗಿದ್ದರೂ ದೇವರೇ ಆ ರೂಪದಲ್ಲಿ ಬಂದಿದ್ದು ಎಂದು ಉದ್ಘರಿಸುತ್ತೇವೆ. ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ವಿಡಿಯೋ ಒಂದಕ್ಕೆ ಇಂತಹದ್ದೇ ಪ್ರತಿಕ್ರಿಯೆಗಳು ಬರುತ್ತಿವೆ. ವೀಲ್ ಚೇರ್ನಲ್ಲಿದ್ದ ವ್ಯಕ್ತಿ ಪ್ಲಾಟ್ಫಾರ್ಮ್ನಿಂದ ಆಕಸ್ಮಿಕವಾಗಿ ರೈಲ್ವೇ ಟ್ರ್ಯಾಕ್ ಮೇಲೆ ಬಿದ್ದಾಗ ಅತ್ತ ಶರವೇಗದ ರೈಲು ಆಗಮಿಸುವ ಸದ್ದು ಕೇಳುತ್ತಿದ್ದರೆ ಇತ್ತ ಪವಾಡ ಸದೃಶ ರೀತಿಯಲ್ಲಿ ಅವನನ್ನು ಬಚಾವು ಮಾಡಲಾಗಿದೆ.
ಈ ಘಟನೆ ನ್ಯೂಯಾರ್ಕ್ನಲ್ಲಿ ನಡೆದಿದ್ದು, ಹಳಿಗೆ ಬಿದ್ದಾತನನ್ನು ದೇವರಂತೆ ಬಂದ ವ್ಯಕ್ತಿಯೊಬ್ಬ ಬಚಾವು ಮಾಡಿದ್ದಾನೆ. ರೈಲಿನ ಹಾರ್ನ್ ಒಂದೆಡೆ ಕೇಳುತ್ತಿದ್ದರೆ ಅಲ್ಲಿ ಜಮಾಯಿಸಿದ್ದವರೆಲ್ಲಾ ಆತಂಕಿತರಾಗಿ ನಡೆಯುತ್ತಿರುವುದನ್ನು ನೋಡುತ್ತಿದ್ದರು. ರೈಲ್ವೇ ಟ್ರ್ಯಾಕ್ ಮೇಲೆ ಬಿದ್ದವನನ್ನು ಎತ್ತಲೆಂದು ವ್ಯಕ್ತಿಯೋರ್ವ ಧಾವಿಸಿದಾಗ ಅಲ್ಲಿ ಇಬ್ಬರ ಜೀವವೂ ಅಪಾಯದಲ್ಲಿದ್ದಂತೆಯೇ ಆಗಿತ್ತು. ಆ ಭಯ ಸುತ್ತ ನೆರೆದಿದ್ದವರ ಕಣ್ಣಲ್ಲೂ ಗೋಚರಿಸುತ್ತಿತ್ತು. ಆದರೆ, ಮಿಂಚಿನ ವೇಗದಲ್ಲಿ ಬರುತ್ತಿದ್ದ ರೈಲಿಗೇ ಸೆಡ್ಡು ಹೊಡೆಯುವಂತೆ ತ್ವರಿತವಾಗಿ ಅಲ್ಲಿ ರಕ್ಷಣಾ ಕಾರ್ಯ ನಡೆದುಹೋಗಿದೆ. ರೈಲು ಬರುವುದಕ್ಕೆ ಕೆಲ ಸೆಕೆಂಡುಗಳ ಮುಂಚೆಯೇ ಇಬ್ಬರೂ ಸುರಕ್ಷಿತವಾಗಿ ಮೇಲೆ ಬಂದಿದ್ದಾರೆ. ಉಸಿರು ಬಿಗಿಹಿಡಿದುಕೊಂಡು ಈ ವಿಡಿಯೋವನ್ನೊಮ್ಮೆ ನೋಡಿಬಿಡಿ.
ಇದನ್ನೂ ನೋಡಿ:
Viral Video: ಚಲಿಸುತ್ತಿದ್ದ ರೈಲು ಹತ್ತಲು ಮುಂದಾದ ಮಹಿಳೆ;ಆಮೇನಾಯ್ತು?