ಮನೆಯ ಸದಸ್ಯನಾದ ಕೋತಿ: ಪ್ರತಿನಿತ್ಯ ಮನೆಯ ಮಕ್ಕಳ, ಯಜಮಾನನ ಜೊತೆ ಆಟ

ದಾವಣಗೆರೆ, ಡಿಸೆಂಬರ್​ 30: ಚನ್ನಗಿರಿ (Channagiri) ತಾಲೂಕಿನ ಬೆಳ್ಳಿಗನೂಡು ಗ್ರಾಮದ ರೈತ ಕೈದಾಳ್ ನಾಗರಾಜ್ ಎಂಬುವರ ಮನೆಯಲ್ಲಿ ಕೋತಿಯೊಂದು (Monkey) ನೆಲೆಸಿದೆ. ಇದು ಅಕ್ಷರಶಃ ಮನೆಯ ಸದಸ್ಯನಂತಾಗಿದೆ. ಈ ಕೋತಿ ಕಳೆದ ಆರು ತಿಂಗಳಿಂದ‌ ಕೈದಾಳ್ ನಾಗರಾಜ್ ಅವರ ಮನೆಯಲ್ಲೇ ‌ನೆಲೆಸಿದೆ. ಈ ಕೋತಿ ಬೆಳಿಗ್ಗೆ ಸಂಜೆ ಮಕ್ಕಳೊಂದಿಗೆ ಆಟವಾಡುತ್ತದೆ. ಮಕ್ಕಳು ಶಾಲೆಗೆ ಹೋದ ಬಳಿಕ ಮನೆ ಮನೆಯ ಯಮಾನರ ಜೊತೆ ಆಟವಾಡುತ್ತದೆ. ಈ ಕೋತಿಯ ಮೇಲೆ ಮನೆ ಮಂದಿಗೆ ಬಹಳ ಪ್ರೀತಿ. ಕೋತಿ ಆಟ ಮತ್ತು ಮನೆಯವರೊಂದಿಗೆ ಇರುವುದನ್ನು ಕಂಡು ಗ್ರಾಮಸ್ಥರು ಬೆರಗಾಗಿದ್ದಾರೆ. ಸದ್ಯ ಕೋತಿ ಗ್ರಾಮದಲ್ಲಿ ಮನೆ ಮಾತಾಗಿದೆ.

Published On - 1:05 pm, Sat, 30 December 23