ಮೊಟೊ ಜಿ71 5ಜಿ ಸ್ಮಾರ್ಟ್​ಫೋನ್ ರವಿವಾರ ಲಾಂಚ್ ಆಗಲಿದ್ದು ಅದರ ಬೆಲೆ ಆಗಲೇ ಬಹಿರಂಗಗೊಂಡಿದೆ!

ಕೆಲ ವಾರಗಳ ಹಿಂದೆ ನಾವು ಮೊಟೊ ಜಿ71 5ಜಿ ಸ್ಮಾರ್ಟ್ಫೋನ್ ಭಾರತದಲ್ಲಿ 2022 ರ ಜನೆವರಿಯಲ್ಲಿ ಲಾಂಚ್ ಅಗಲಿದೆ ಎಂದು ಹೇಳಿದ್ದು ನಿಮಗೆ ಹೇಳಿದ್ದು ನೆನೆಪಿರಬಹುದು. ಆ ದಿನ ಬಂದುಬಿಟ್ಟಿದೆ. ಹೌದು, ಇಂದೇ ಆಂದರೆ ರವಿವಾರ ಜನೆವರಿ 10ರಂದು ಈ ಫೋನ್ ನಮ್ಮ ದೇಶದಲ್ಲಿ ಲಾಂಚ್ ಆಗುತ್ತಿದೆ ಮಾರಾಯ್ರೇ. ಮೊಟೊರೊಲ ಕಂಪನಿಯು ಒಂದು ಅಧಿಕೃತ ಪ್ರಕಟಣೆಯ ಮೂಲಕ ಈ ಮಾಹಿತಿಯನ್ನು ಖಚಿತಪಡಿಸಿದೆ. ಮೊಟೊರೊಲ ಕಂಪನಿಯ ಜಿ31 5ಜಿ ಮತ್ತು ಜ31 ಮಾಡೆಲ್​ಗಳು ಈಗಾಗಲೇ ಭಾತದಲ್ಲಿ ಲಭ್ಯವಿದ್ದು ಜಿ71 5ಜಿ ಸ್ಮಾರ್ಟ್​ಫೋನ್ ಅವುಗಳ ಜೊತೆ ಸೇರಲಿದೆ. ಸೋಜಿಗದ ಸಂಗತಿಯೇನೆಂದರೆ, ಪೋನ್ ಲಾಂಚ್ ಆಗುವ ಮೊದಲೇ ಒಬ್ಬ ಟಿಪ್​ಸ್ಟರ್​​​​ ಕೃಪೆಯ ಮೂಲಕ ನಮಗೆ ಅದರ ಬೆಲೆ ಗೊತ್ತಾಗಿಬಿಟ್ಟಿದೆ.

ಭಾರತೀಯ ಉಪಖಂಡದಲ್ಲಿ ಮೊಟೊ ಜಿ71 5ಜಿ ಸ್ಮಾರ್ಟ್ಫೋನ್ ರೂ.18,999 ಗಳಿಗೆ ಸಿಗಲಿದೆ ಎಂಬ ಮಾಹಿತಿಯನ್ನು ಟಿಪ್​ಸ್ಟರ್​​ ಲೀಕ್ ಮಾಡಿದ್ದಾರೆ. ಅದರರ್ಥ, ಜಿ71 5ಜಿ ಸ್ಮಾರ್ಟ್​ಫೋನ್ ಜಿ51 5ಜಿ ಗಿಂತ ರೂ. 4,000 ದುಬಾರಿಯಾಗಲಿದೆ.

ಮೊಟೊ ಜಿ71 5ಜಿ ಫೋನ್ 6.4-ಇಂಚಿನ 1080×2400 ಅಮೊಲೆಡ್ ಪ್ಯಾನೆಲ್ ಹೊಂದಿದ್ದು ಅದಕ್ಕೆ ಹೆಚ್ಚಿನ ರಿಫ್ರೆಶ್ ದರವಿಲ್ಲ. ಸ್ನಾಪ್‌ಡ್ರಾಗನ್ 695 5ಜಿ ಚಿಪ್‌ಸೆಟ್ (ಇದು ವಾಸ್ತವವಾಗಿ ಈ ಎಸ್ಓಸಿ ನೊಂದಿಗೆ ಭಾರತದ ಮೊದಲ ಸ್ಮಾರ್ಟ್‌ಫೋನ್ ಆಗಿರುತ್ತದೆ).

6ಜಿಬಿ ಱಮ್ (2ಜಿಬಿ “ಱಮ್ ಬೂಸ್ಟ್” ಜೊತೆಗೆ), 128ಜಿಬಿ ಸ್ಟೋರೇಜ್, ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ವ್ಯವಸ್ಥೆ (50 ಮೆಗಾಪಿಕ್ಸೆಲ್ ಮುಖ್ಯ, 8 ಎಮ್ಪಿ ಅಲ್ಟ್ರಾವೈಡ್, 2 ಎಮ್ಪಿ ಮ್ಯಾಕ್ರೋ), 16 ಎಮ್ಪಿ ಸೆಲ್ಫೀ ಶೂಟರ್, ಮತ್ತು 30ಡಬ್ಲ್ಯೂ ವೇಗದ ಚಾರ್ಜಿಂಗ್‌ನೊಂದಿಗೆ 5,000 ಎಮ್ ಎ ಎಚ್ ಬ್ಯಾಟರಿ ಮೊದಲಾದವುಗಳನ್ನು ಹೊಂದಿದೆ. ಈ ಫೋನ್ ಆ್ಯಂಡ್ರಾಯ್ಡ್ 11ರೊಂದಿಗೆ ರನ್ ಅಗುತ್ತದೆ.

ಇದನ್ನೂ ಓದಿ:   ಬಾಯಿ ಮುಚ್ಚಿಕೊಳ್ಳಿ, ಅಧಿಕ ಪ್ರಸಂಗ ಮಾಡಬೇಡ; ಮೈಸೂರಿನಲ್ಲಿ ಚೆಸ್ಕಾಂ ಅಧಿಕಾರಿ ವಿರುದ್ಧ ಶಾಸಕ ಡಾ.ಯತೀಂದ್ರ ಸಿದ್ದರಾಮಯ್ಯ ಗರಂ! ವಿಡಿಯೋ ಇದೆ