2 ಮುಖ್ಯ ವಿಚಾರವನ್ನು ಪುಷ್ಕರ್ ಜತೆ ಚರ್ಚಿಸಿ ದೊಡ್ಡ ನಿರ್ಧಾರ ತೆಗೆದುಕೊಂಡಿದ್ದ ಪುನೀತ್
‘ಅವತಾರ ಪುರುಷ’ ಸಿನಿಮಾ ಡಿ.10ರಂದು ಬಿಡುಗಡೆ ಆಗುತ್ತಿದೆ. ಈ ಚಿತ್ರದ ಸುದ್ದಿಗೋಷ್ಠಿಯಲ್ಲಿ ಪುನೀತ್ ರಾಜ್ಕುಮಾರ್ ಬಗ್ಗೆ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಮಾತನಾಡಿದ್ದಾರೆ.
ಕನ್ನಡ ಚಿತ್ರರಂಗಕ್ಕೆ ಪುನೀತ್ ರಾಜ್ಕುಮಾರ್ (Puneeth Rajkumar) ಅವರು ನೀಡಿದ ಕೊಡುಗೆ ಅಪಾರ. ಅವರಿಂದಾಗಿ ಎಷ್ಟೋ ಹೊಸ ಪ್ರತಿಭಾವಂತರು ನೆಲೆ ಕಂಡುಕೊಂಡಿದ್ದಾರೆ. ಎಲ್ಲರ ಜೊತೆಗೂ ಪುನೀತ್ ಆಪ್ತವಾಗಿ ನಡೆದುಕೊಳ್ಳುತ್ತಿದ್ದರು. ಸಿನಿಮಾಗೆ ಸಂಬಂಧಿಸಿದಂತೆ ಉತ್ತಮ ವಿಚಾರಗಳನ್ನು ವಿನಿಮಯ ಮಾಡಿಕೊಳ್ಳುತ್ತಿದ್ದರು. ಚಂದನವನದಲ್ಲಿ ಹೊಸ ಬಗೆಯ ಸಿನಿಮಾಗಳನ್ನು ನಿರ್ಮಿಸಿ ಗುರುತಿಸಿಕೊಂಡಿರುವ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ (Pushkar Mallikarjunaiah) ಅವರ ಜೊತೆಗೂ 2 ಮುಖ್ಯ ವಿಚಾರಗಳ ಬಗ್ಗೆ ಅಪ್ಪು ಚರ್ಚೆ ಮಾಡಿದ್ದರು. ‘ಪಿಆರ್ಕೆ ಆಡಿಯೋ’ (PRK Audio) ಆರಂಭಿಸುದಕ್ಕೂ ಮುನ್ನ ಒಂದಷ್ಟು ಅಂಶಗಳ ಬಗ್ಗೆ ಅವರು ಸಲಹೆ ಪಡೆದುಕೊಂಡಿದ್ದರು. ಅಮೇಜಾನ್ ಪ್ರೈಂ ವಿಡಿಯೋಗೆ ತಮ್ಮ ಸಿನಿಮಾಗಳನ್ನು ನೀಡುವ ವಿಚಾರದಲ್ಲೂ ಪುಷ್ಕರ್ ಜೊತೆಗೆ ಪುನೀತ್ ಚರ್ಚಿಸಿದ್ದರು. ಈ ಬಗ್ಗೆ ‘ಅವತಾರ ಪುರುಷ’ (Avatara Purusha Movie) ಚಿತ್ರದ ಸುದ್ದಿಗೋಷ್ಠಿಯಲ್ಲಿ ಪುಷ್ಕರ್ ಮಾಹಿತಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ:
‘ಚುಟು ಚುಟು’ ಜೋಡಿಯ ‘ಅವತಾರ ಪುರುಷ’; ಸುನಿ-ಪುಷ್ಕರ್ ಕಟ್ಟಿಕೊಟ್ಟ ಚಿತ್ರದಲ್ಲಿ ಏನೆಲ್ಲ ಇರಲಿದೆ?