Rakhi Sawant: ‘ನಾನು ಹಿಂದೂ ಅಂತ ಆದಿಲ್​ ಖಾನ್​ ಮನೆಯವರು ನನ್ನ ಸೇರಿಸಿಕೊಳ್ತಿಲ್ಲ’; ಮೈಸೂರಲ್ಲಿ ರಾಖಿ ಸಾವಂತ್​ ಕಣ್ಣೀರು

ನಟಿ ರಾಖಿ ಸಾವಂತ್​ (Rakhi Sawant) ಅವರು ಮೈಸೂರಿಗೆ ಬಂದು ಕಣ್ಣೀರು ಹಾಕಿದ್ದಾರೆ. ಅವರು ಮದುವೆ ಆಗಿರುವ ಆದಿಲ್​ ಖಾನ್​ ಮೈಸೂರಿನವರು. ಈ ದಂಪತಿ ನಡುವೆ ಕಿರಿಕ್​ ಉಂಟಾಗಿದೆ. ಅವರ ಸಂಸಾರದ ಗಲಾಟೆ ಕೋರ್ಟ್​ ಮೆಟ್ಟಿಲೇರಿದೆ. ಈಗ ರಾಖಿ ಸಾವಂತ್​ ಅವರು ಮೈಸೂರಿಗೆ (Mysore) ಬಂದು ನ್ಯಾಯ ಕೇಳುತ್ತಿದ್ದಾರೆ. ಅದಕ್ಕೂ ಮುನ್ನ ಅವರು ಆದಿಲ್​ ಖಾನ್​ (Adil Khan) ಅವರ ತಂದೆ ಬಳಿ ಮಾತನಾಡಿದ್ದಾರೆ. ‘ನೀನು ಹಿಂದೂ. ನಿನ್ನನ್ನು ನಾನು ಸೇರಿಸಿಕೊಳ್ಳಲು ಆಗಲ್ಲ’ ಅಂತ ಆದಿಲ್​ ಖಾನ್​ ತಂದೆ ಹೇಳಿದ್ದಾರೆ ಎಂದು ರಾಖಿ ಸಾವಂತ್​ ತಿಳಿಸಿದ್ದಾರೆ. ‘ನಾನು ಹಿಂದು ಆಗಿದ್ದೆ. ಆದರೆ ಈಗ ಇಸ್ಲಾಂ ಧರ್ಮವನ್ನು ಒಪ್ಪಿಕೊಂಡಿದ್ದೇನೆ’ ಎಂದು ಅವರು ಮಾಧ್ಯಮದ ಎದುರು ಕಣ್ಣೀರು ಇಟ್ಟಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.