ಕೋಲಾರದಲ್ಲಿ ಅಪರೂಪದ ‘ಆಲಿವ್ ನೀರು ಹಾವು’ ಪತ್ತೆ! ಸುರಕ್ಷಿತವಾಗಿ ಕಾಡಿಗೆ ರವಾನೆ

ಕೋಲಾರ, ಅಕ್ಟೋಬರ್ 02: ಕೋಲಾರದ ಮಾಸ್ತಿ ಬಡಾವಣೆಯಲ್ಲಿರುವ ಪಶುವೈದ್ಯ ಡಾ. ರಾಹುಲ್ ಅವರ ಮನೆಯ ಆವರಣದಲ್ಲಿ ಅತ್ಯಂತ ಅಪರೂಪದ ಹಾಗೂ ವಿರಳವಾಗಿ ಕಂಡುಬರುವ ‘ಆಲಿವ್ ನೀರು ಹಾವು’ (Olive Keelback) ಪ್ರತ್ಯಕ್ಷವಾಗಿದೆ. ವಿಷರಹಿತವಾದ ಈ ನೀರಾವು ಮನೆಯ ಅಂಗಳದಲ್ಲಿ ಸದ್ದು ಮಾಡದೆ ಕಾಣಿಸಿಕೊಂಡಿದ್ದು, ಮನೆಯವರು ತಕ್ಷಣವೇ ಉರಗ ರಕ್ಷಕ ನಾಗರಾಜ್ ಅವರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಧಾವಿಸಿದ ಉರಗ ರಕ್ಷಕ ನಾಗರಾಜ್, ಜಾಗರೂಕತೆಯಿಂದ ಹಾವನ್ನು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬಳಿಕ ಈ ಅಪರೂಪದ ನೀರಾವನ್ನು ಸುರಕ್ಷಿತವಾಗಿ ಸಮೀಪದ ಅರಣ್ಯ ಪ್ರದೇಶಕ್ಕೆ ತಂದು ಬಿಡಲಾಗಿದೆ. ಹಾವನ್ನು ಯಶಸ್ವಿಯಾಗಿ ರಕ್ಷಿಸಿದ್ದಕ್ಕೆ ಸ್ಥಳೀಯರು ಹಾಗೂ ಅರಣ್ಯ ಪ್ರೇಮಿಗಳು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ