ದರ್ಶನ್​ಗೆ ವಿಶೇಷ ಆತಿಥ್ಯ, ಜೈಲು ವ್ಯವಸ್ಥೆಯ ವೈಫಲ್ಯ: ಉಮೇಶ್ ಬಣಕಾರ್

ರೇಣುಕಾ ಸ್ವಾಮಿ ಕೊಲೆ ಆರೋಪಿ, ನಟ ದರ್ಶನ್​ಗೆ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ವಿಶೇಷ ಆತಿಥ್ಯ ದೊರೆತ ಪ್ರಕರಣ ದೊಡ್ಡ ಚರ್ಚೆಗೆ ಗ್ರಾಸವಾಗಿದೆ. ವಿಶೇಷ ಆತಿಥ್ಯದ ಬಗ್ಗೆ ಇದೀಗ ಮೂರು ಪ್ರಕರಣಗಳು ದಾಖಲಾಗಿದ್ದು, ಪ್ರಕರಣದ ತನಿಖೆಗೆ ಮೂರು ವಿಶೇಷ ತಂಡಗಳನ್ನು ರಚಿಸಲಾಗಿದೆ. ಆದರೆ ಈ ವಿಶೇಷ ಆತಿಥ್ಯ ಪ್ರಕರಣವನ್ನು ಬೇರೆ ಕೋನದಲ್ಲಿಯೂ ಕೆಲವರು ಗಮಿಸಿದ್ದಾರೆ. ಪ್ರಕರಣದ ಬಗ್ಗೆ ಟಿವಿ9 ಜೊತೆಗೆ ಮಾತನಾಡಿರುವ ನಿರ್ಮಾಪಕರ ಸಂಘದ ಅಧ್ಯಕ್ಷ ಉಮೇಶ್ ಬಣಕಾರ್, ‘ಇದು ದರ್ಶನ್ ತಪ್ಪಲ್ಲ, ಬದಲಿಗೆ ಜೈಲು ವ್ಯವಸ್ಥೆಯಲ್ಲಿರುವ ಲೋಪ’ ಎಂದಿದ್ದಾರೆ. ಅಲ್ಲದೆ ದರ್ಶನ್​ ಮನವಿ ಮಾಡಿದಂತೆ ಮನೆ ಊಟ ಕೊಟ್ಟಿದ್ದಿದ್ದರೆ ಹೀಗೆ ಆಗುತ್ತಿರಲಿಲ್ಲವೇನೋ ಎಂಬ ಅಭಿಪ್ರಾಯವನ್ನೂ ಸಹ ವ್ಯಕ್ತಪಡಿಸಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ