ಸ್ಪ್ಯಾನಿಷ್ ಬಾವಲಿ ಗುಹೆಯಲ್ಲಿ ಯುರೋಪಿನ 6 ಸಾವಿರ ವರ್ಷಗಳಷ್ಟು ಹಳೆಯ ಬೂಟುಗಳು ಪತ್ತೆ

ಸ್ಪ್ಯಾನಿಷ್ ಬಾವಲಿ ಗುಹೆಯಲ್ಲಿ ಯುರೋಪಿನ 6 ಸಾವಿರ ವರ್ಷಗಳಷ್ಟು ಹಳೆಯ ಬೂಟುಗಳು ಪತ್ತೆ ಪತ್ತೆಯಾಗಿವೆ. ಇಷ್ಟು ವರ್ಷಗಳ ನಂತರ ಸಿಕ್ಕ ಬೂಟುಗಳು ಸಂಪೂರ್ಣವಾಗಿ ಗಟ್ಟಿಮುಟ್ಟಾಗಿದ್ದು, ಅದರ ವಿನ್ಯಾಸ ಬೆರಗು ಮೂಡಿಸುತ್ತದೆ. ಈ ಶೂಗಳನ್ನು ನೋಡಿ ವಿಜ್ಞಾನಿಗಳು ಬೆಚ್ಚಿಬಿದ್ದಿದ್ದಾರೆ. ಈ ಆವಿಷ್ಕಾರವು ನಮ್ಮ ನವಶಿಲಾಯುಗದ ಪೂರ್ವಜರ ಅದ್ಭುತ ಕೌಶಲ್ಯ ಮತ್ತು ಕರಕುಶಲತೆಯನ್ನು ತೋರಿಸುತ್ತದೆ.

ಡೈಲಿಮೇಲ್ ವರದಿಯ ಪ್ರಕಾರ ಈ ಬೂಟುಗಳು ನೇಯ್ದ ಬುಟ್ಟಿಗಳಂತೆ ಇದೆ ಮತ್ತು ಮರದ ಕಲಾಕೃತಿಗಳೊಂದಿಗೆ ಕಂಡುಬಂದಿವೆ. ವಿಜ್ಞಾನಿಗಳ ತಂಡವು ಈ ಇತಿಹಾಸ ಪೂರ್ವ ಪ್ಲಿಮ್ಸಾಲ್‌ಗಳನ್ನು ಪರೀಕ್ಷಿಸಿದಾಗ, ಅತ್ಯಂತ ಹಳೆಯ ಶೂ ಎಸ್ಪಾರ್ಟೊ ಗ್ರಾಸ್​ ಎಂಬ ಫೈಬರ್‌ನಿಂದ ನೇಯ್ದ ಚಪ್ಪಲಿಯಾಗಿದ್ದು, ಇದು ಆಧುನಿಕ ಎಸ್ಪಾಡ್ರಿಲ್ ಶೂಗೆ ನಿಕಟ ಹೋಲಿಕೆಯನ್ನು ಹೊಂದಿದೆ ಎಂದು ಅವರು ಕಂಡುಕೊಂಡರು.

ಇದು 2008ರಲ್ಲಿ ಅರ್ಮೇನಿಯಾದಲ್ಲಿ ಪತ್ತೆಯಾದ 5,500 ವರ್ಷಗಳಷ್ಟು ಹಳೆಯದಾದ ಲೆದರ್ ಶೂಗಿಂತ ಈ ಶೂ ಹಳೆಯದಾಗಿದೆ. ಕಾರ್ಬನ್ ಡೇಟಿಂಗ್ ಕಲಾಕೃತಿಗಳ ಸಂಗ್ರಹವು ಹಿಂದೆ ಯೋಚಿಸಿದ್ದಕ್ಕಿಂತ ಸರಿಸುಮಾರು 2,000 ವರ್ಷಗಳಷ್ಟು ಹಳೆಯದಾಗಿದೆ ಎಂದು ತಂಡ ಹೇಳಿದೆ.

ಗುಹೆಯೊಳಗೆ ಕಂಡುಬರುವ ಇತರ ವಸ್ತುಗಳೆಂದರೆ ನೇಯ್ದ ಬುಟ್ಟಿಗಳು ಮತ್ತು ಸುತ್ತಿಗೆಗಳು ಮತ್ತು ಮೊನಚಾದ ಕೋಲುಗಳಂತಹ ಮರದ ಉಪಕರಣಗಳು. 76 ವಸ್ತುಗಳ ಪೈಕಿ ಕೆಲವು 9,500 ವರ್ಷಗಳ ಹಿಂದೆ ತಯಾರಿಸಲ್ಪಟ್ಟವು ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ, ಇದು ಬೇಟೆಗಾರರ ಸಮಾಜಗಳಲ್ಲಿ ಬುಟ್ಟಿ ತಯಾರಿಕೆಯ ಮೊದಲ ಪುರಾವೆಯಾಗಿದೆ.

ಈ ಬೂಟುಗಳ ಬಗ್ಗೆ ಅತ್ಯಂತ ಆಶ್ಚರ್ಯಕರ ವಿಷಯವೆಂದರೆ 6000 ವರ್ಷಗಳ ನಂತರವೂ ಅವುಗಳನ್ನು ಸಂಪೂರ್ಣವಾಗಿ ಸಂರಕ್ಷಿಸಲಾಗಿದೆ. ಅಷ್ಟಕ್ಕೂ, ಆ ಬೂಟುಗಳನ್ನು ಇಷ್ಟು ವರ್ಷಗಳ ಕಾಲ ಹೇಗೆ ಸಂರಕ್ಷಿಸಲಾಗಿದೆ? ಗುಹೆಯ ರಚನೆ ಮತ್ತು ಸ್ಥಳದಿಂದಾಗಿ ಇದು ಸಾಧ್ಯವಾಯಿತು. ತಂಪಾದ ಮತ್ತು ಶುಷ್ಕ ಗಾಳಿಯು ಗುಹೆಯ ಮೂಲಕ ಹಾದುಹೋಗುತ್ತದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ .

ಇದು ಅದರೊಳಗಿನ ತೇವಾಂಶವನ್ನು ಕಡಿಮೆ ಮಾಡುತ್ತದೆ ಮತ್ತು ಬ್ಯಾಕ್ಟೀರಿಯಾ ಹರಡುವುದನ್ನು ತಡೆಯುತ್ತದೆ, ಇದು ಈ ಕಲಾಕೃತಿಗಳನ್ನು ಉತ್ತಮವಾಗಿಡಲು ಸಹಕಾರಿಯಾಗಿದೆ. ಸಂಶೋಧಕರು ಸಂಗ್ರಹದಲ್ಲಿರುವ ಹಲವಾರು ಬುಟ್ಟಿಗಳು ಮತ್ತು ಇತರ ಮರದ ಕಲಾಕೃತಿಗಳನ್ನು ಸಹ ಅಧ್ಯಯನ ಮಾಡಿದರು.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ