ಐತಿಹಾಸಿಕ ಸಾಧನೆ: ಸೂರ್ಯನನ್ನು ಸ್ಪರ್ಶಿಸಿದ ನಾಸಾ ಬಾಹ್ಯಾಕಾಶ ನೌಕೆ, ಹೇಗೆ ನಡೆಯಿತು ಈ ಕಾರ್ಯ?

ನ್ಯಾಷನಲ್ ಏರೋನಾಟಿಕ್ಸ್ ಅಂಡ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (NASA) ಉಡಾವಣೆ ಮಾಡಿದ ಬಾಹ್ಯಾಕಾಶ ನೌಕೆಯು (spacecraft) ಅಸಾಧ್ಯವೆಂದು ಭಾವಿಸಿದ್ದ ಸಾಧನೆಯನ್ನು ಮಾಡಿದೆ. ಇತಿಹಾಸದಲ್ಲಿ ಮೊದಲ ಬಾರಿಗೆ  ಬಾಹ್ಯಾಕಾಶ ನೌಕೆಯು ಸೂರ್ಯನ ಕೊರೊನಾವನ್ನು (corona) ಮುಟ್ಟಿದೆ. ಇದು ಸುಮಾರು 2 ಮಿಲಿಯನ್ ಡಿಗ್ರಿ ಫ್ಯಾರನ್‌ಹೀಟ್‌ನ ವಿಪರೀತ ಪರಿಸರವಾಗಿದ್ದು ಅದನ್ನು ನೌಕೆ ಸ್ಪರ್ಶಿಸಿರುವುದು ವಿಜ್ಞಾನ ಜಗತ್ತಿನ ಮೈಲುಗಲ್ಲು. ಅಷ್ಟೇ ಅಲ್ಲದೆ ಗಗನಯಾನ ಸಂಸ್ಥೆಯ ಪ್ರಮುಖ ಹೆಜ್ಜೆ ಮತ್ತು ಮನುಕುಲ ಮತ್ತು ಸೌರ ವಿಜ್ಞಾನಕ್ಕೆ ಒಂದು ದೊಡ್ಡ ಹೆಜ್ಜೆಯಾಗಿದೆ. ಪಾರ್ಕರ್ ಸೋಲಾರ್ ಪ್ರೋಬ್ (ParkerSolarProbe) ಎಂದು ಕರೆಯಲ್ಪಡುವ ರಾಕೆಟ್‌ಶಿಪ್, ಏಪ್ರಿಲ್ 28 ರಂದು ಸೂರ್ಯನ ಮೇಲಿನ ವಾತಾವರಣದ ಕೊರೊನಾವನ್ನು ಯಶಸ್ವಿಯಾಗಿ ಪ್ರವೇಶಿಸಿ ಕೆಂಪು-ಬಿಸಿ ನಕ್ಷತ್ರದ ಮೇಲ್ಮೈಯಲ್ಲಿರುವ ಕಣಗಳು ಮತ್ತು ಕಾಂತೀಯ ಕ್ಷೇತ್ರಗಳಿಂದ ಮಾದರಿ ಸಂಗ್ರಹಿಸಿತು.

ಅದು ಹೇಗೆ ಸಾಧ್ಯವಾಯಿತು?
ಸೋಲಾರ್ ಪ್ರೋಬ್ ಕಪ್ (Solar Probe Cup) ಅನ್ನು ನಿರ್ಮಿಸಿದ ಮತ್ತು ಮೇಲ್ವಿಚಾರಣೆ ಮಾಡಿದ ಹಾರ್ವರ್ಡ್ ಮತ್ತು ಸ್ಮಿತ್ಸೋನಿಯನ್​ನಲ್ಲಿರುವ ಸೆಂಟರ್ ಫಾರ್ ಆಸ್ಟ್ರೋಫಿಸಿಕ್ಸ್ (CfA)ಸದಸ್ಯರು ಸೇರಿದಂತೆ ವಿಜ್ಞಾನಿಗಳು ಮತ್ತು ಇಂಜಿನಿಯರ್‌ಗಳ ದೊಡ್ಡ ಸಹಯೋಗದಿಂದಾಗಿ ಐತಿಹಾಸಿಕ ಕ್ಷಣವನ್ನು ಸಾಧಿಸಲಾಗಿದೆ. ಸೋಲಾರ್ ಪ್ರೋಬ್ ಕಪ್ ಸೂರ್ಯನ ವಾತಾವರಣದಿಂದ ಕಣಗಳನ್ನು ಸಂಗ್ರಹಿಸುವ ಸಾಧನವಾಗಿದ್ದು, ಬಾಹ್ಯಾಕಾಶ ನೌಕೆಯು ಕೊರೊನಾವನ್ನು ನಿಜವಾಗಿಯೂ ದಾಟಿದೆ ಎಂದು ಪರಿಶೀಲಿಸಲು ವಿಜ್ಞಾನಿಗಳಿಗೆ ಸಹಾಯ ಮಾಡುತ್ತದೆ. ಕಪ್ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ, ಬಾಹ್ಯಾಕಾಶ ನೌಕೆಯು ಏಪ್ರಿಲ್ 28 ರಂದು ಮೂರು ಬಾರಿ ಒಂದು ಹಂತದಲ್ಲಿ ಐದು ಗಂಟೆಗಳವರೆಗೆ ಕೊರೊನಾವನ್ನು ಪ್ರವೇಶಿಸಿತು.  ಐತಿಹಾಸಿಕ ಮೈಲುಗಲ್ಲನ್ನು ವಿವರಿಸುವ ವೈಜ್ಞಾನಿಕ ಪ್ರಬಂಧವನ್ನು ಫಿಸಿಕಲ್ ರಿವ್ಯೂ ಲೆಟರ್ಸ್‌ನಲ್ಲಿ ಪ್ರಕಟಿಸಲಾಗಿದೆ. ಇದರಲ್ಲಿ CfA ಖಗೋಳ ಭೌತಶಾಸ್ತ್ರಜ್ಞ ಆಂಥೋನಿ ಕೇಸ್ ಸೋಲಾರ್ ಪ್ರೋಬ್ ಕಪ್ ಸ್ವತಃ ಎಂಜಿನಿಯರಿಂಗ್‌ನ ನಂಬಲಾಗದ ಸಾಧನೆಯಾಗಿದೆ ಎಂಬುದನ್ನು ವಿವರಿಸಿದರು.

ಪಾರ್ಕರ್ ಸೋಲಾರ್ ಪ್ರೋಬ್ ಗೆ ಹೊಡೆಯವ ಬೆಳಕಿನ ಪ್ರಮಾಣವು ಬಾಹ್ಯಾಕಾಶ ನೌಕೆ ಎಷ್ಟು ಬಿಸಿಯಾಗುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ ಎಂದು ಕೇಸ್ ವಿವರಿಸಿದರು. ” ಪ್ರೋಬ್ ಶಾಖದ ಗುರಾಣಿಯಿಂದ ರಕ್ಷಿಸಲ್ಪಟ್ಟಿದ್ದರೂ, ನಮ್ಮ ಕಪ್ ಹೊರಗುಳಿಯುವ ಮತ್ತು ಯಾವುದೇ ರಕ್ಷಣೆಯಿಲ್ಲದ ಕೇವಲ ಎರಡು ಉಪಕರಣಗಳಲ್ಲಿ ಒಂದಾಗಿದೆ. ಇದು ನೇರವಾಗಿ ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುತ್ತದೆ ಮತ್ತು ಈ ಅಳತೆಗಳನ್ನು ಮಾಡುವಾಗ ಹೆಚ್ಚಿನ ತಾಪಮಾನದಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಅಕ್ಷರಶಃ ತೀವ್ರ ಬಿಸಿಯಾಗಿರುತ್ತದೆ. ಉಪಕರಣದ ಭಾಗಗಳು 1,800 ಡಿಗ್ರಿ ಫ್ಯಾರನ್‌ಹೀಟ್‌ಗಿಂತ ಹೆಚ್ಚು [1,000 ಡಿಗ್ರಿ ಸೆಲ್ಸಿಯಸ್] ಮತ್ತು ಕೆಂಪು-ಕಿತ್ತಳೆ ಬಣ್ಣದಲ್ಲಿ ಹೊಳೆಯುತ್ತವೆ.  ಸವೆತ ತಪ್ಪಿಸಲು, ಟಂಗ್‌ಸ್ಟನ್, ನಿಯೋಬಿಯಂ, ಮಾಲಿಬ್ಡಿನಮ್ ಮತ್ತು ನೀಲಮಣಿಯಂತಹ ಹೆಚ್ಚಿನ ಕರಗುವ ಪಾಯಿಂಟ್ ಹೊಂದಿರುವ ವಸ್ತುಗಳಿಂದ ಸಾಧನವನ್ನು ನಿರ್ಮಿಸಲಾಗಿದೆ.

ಸೂರ್ಯನ ವಾತಾವರಣ
ಭೂಮಿಯಂತೆ ಸೂರ್ಯನು ಘನ ಮೇಲ್ಮೈಯನ್ನು ಹೊಂದಿಲ್ಲ. ಆದರೆ ಇದು ಗುರುತ್ವಾಕರ್ಷಣೆ ಮತ್ತು ಕಾಂತೀಯ ಬಲಗಳಿಂದ ಸೂರ್ಯನಿಗೆ ಬಂಧಿತವಾಗಿರುವ ಸೌರ ವಸ್ತುಗಳಿಂದ ಮಾಡಲ್ಪಟ್ಟ ಅತೀ ಶಾಖದ ವಾತಾವರಣವನ್ನು ಹೊಂದಿದೆ. ಏರುತ್ತಿರುವ ಶಾಖ ಮತ್ತು ಒತ್ತಡವು ಆ ವಸ್ತುವನ್ನು ಸೂರ್ಯನಿಂದ ದೂರ ತಳ್ಳುವುದರಿಂದ, ಗುರುತ್ವಾಕರ್ಷಣೆ ಮತ್ತು ಕಾಂತೀಯ ಕ್ಷೇತ್ರಗಳು ಅದನ್ನು ಹೊಂದಲು ತುಂಬಾ ದುರ್ಬಲವಾಗಿರುವ ಹಂತವನ್ನು ತಲುಪುತ್ತದೆ.
ಕೊರೊನಾ ಸೂರ್ಯನ ವಾತಾವರಣದ ಹೊರ ಪದರವಾಗಿದ್ದು, ಅಲ್ಲಿ ಬಲವಾದ ಕಾಂತೀಯ ಕ್ಷೇತ್ರಗಳು ಪ್ಲಾಸ್ಮಾವನ್ನು ಬಂಧಿಸುತ್ತವೆ ಮತ್ತು ಪ್ರಕ್ಷುಬ್ಧ ಸೌರ ಮಾರುತಗಳು ತಪ್ಪಿಸಿಕೊಳ್ಳದಂತೆ ತಡೆಯುತ್ತವೆ. ಸೌರ ವಸ್ತುವು ಗುರುತ್ವಾಕರ್ಷಣೆ ಮತ್ತು ಕಾಂತೀಯ ಕ್ಷೇತ್ರದಿಂದ ತಪ್ಪಿಸಿಕೊಳ್ಳುವ ಸ್ಥಳವನ್ನು ಆಲ್ಫ್ವೆನ್ ನಿರ್ಣಾಯಕ ಮೇಲ್ಮೈ(Alfvén critical surface) ಎಂದು ಕರೆಯಲಾಗುತ್ತದೆ ಮತ್ತು ಇದು ಸೌರ ವಾತಾವರಣದ ಅಂತ್ಯ ಮತ್ತು ಸೌರ ಮಾರುತದ ಆರಂಭವನ್ನು ಸೂಚಿಸುತ್ತದೆ.  ಅಲ್ಫ್ವೆನ್ ನಿರ್ಣಾಯಕ ಮೇಲ್ಮೈಯಿಂದ ಆಚೆಗೆ, ಸೌರ ಮಾರುತವು ಎಷ್ಟು ವೇಗವಾಗಿ ಚಲಿಸುತ್ತದೆ ಎಂದರೆ ಗಾಳಿಯೊಳಗಿನ ಅಲೆಗಳು ಸೂರ್ಯನಿಗೆ ಹಿಂತಿರುಗಲು ಸಾಕಷ್ಟು ವೇಗವಾಗಿ ಚಲಿಸುವುದಿಲ್ಲ.

‘ಹಿಂದೆಂದಿಗಿಂತಲೂ ಹತ್ತಿರವಾಗಿದೆ’
ಇಲ್ಲಿಯವರೆಗೆ, ಆಲ್ಫ್ವೆನ್ ನಿರ್ಣಾಯಕ ಮೇಲ್ಮೈ ಎಲ್ಲಿದೆ ಎಂದು ಸಂಶೋಧಕರು ನಿಖರವಾಗಿ ಖಚಿತವಾಗಿಲ್ಲ. ಕೊರೊನಾದ ದೂರದ ಚಿತ್ರಗಳ ಆಧಾರದ ಮೇಲೆ, ಇದು ಸೂರ್ಯನ ಮೇಲ್ಮೈಯಿಂದ 10 ರಿಂದ 20 ಸೌರ ತ್ರಿಜ್ಯಗಳ ನಡುವೆ 4.3 ರಿಂದ 8.6 ಮಿಲಿಯನ್ ಮೈಲುಗಳಷ್ಟು ದೂರದಲ್ಲಿದೆ.

ಏಪ್ರಿಲ್ 28, 2021 ರ ಮೊದಲು, ಪಾರ್ಕರ್ ಸೋಲಾರ್ ಪ್ರೋಬ್ ಈ ಹಂತವನ್ನು ಮೀರಿ ಹಾರುತ್ತಿತ್ತು ಆದರೆ ಈ ದಿನಾಂಕದಂದು, ಸೂರ್ಯನ ಎಂಟನೇ ಹಾರಾಟದ ಸಮಯದಲ್ಲಿ, ಬಾಹ್ಯಾಕಾಶ ನೌಕೆಯು 18.8 ಸೌರ ತ್ರಿಜ್ಯದಲ್ಲಿ (ಸುಮಾರು 8.1 ಮಿಲಿಯನ್ ಮೈಲುಗಳು) ನಿರ್ದಿಷ್ಟ ಕಾಂತೀಯ ಮತ್ತು ಕಣದ ಪರಿಸ್ಥಿತಿಗಳನ್ನು ಎದುರಿಸಿತು. ಸೌರ ಮೇಲ್ಮೈ ಮೇಲೆ ಅದು ಮೊದಲ ಬಾರಿಗೆ ಅಲ್ಫ್ವೆನ್ ನಿರ್ಣಾಯಕ ಮೇಲ್ಮೈಯನ್ನು ದಾಟಿದೆ ಮತ್ತು ಅಂತಿಮವಾಗಿ ಸೌರ ವಾತಾವರಣವನ್ನು ಪ್ರವೇಶಿಸಿದೆ.

ವಿಜ್ಞಾನ ಜಗತ್ತಿನ ಮೈಲುಗಲ್ಲು
ನಾಸಾ ಪ್ರಕಾರ, ಪಾರ್ಕರ್ ಸೋಲಾರ್ ಪ್ರೋಬ್‌ನ ಯಶಸ್ಸು ತಾಂತ್ರಿಕ ಆವಿಷ್ಕಾರಕ್ಕಿಂತ ಹೆಚ್ಚಿನದನ್ನು ಪ್ರತಿನಿಧಿಸುತ್ತದೆ. ಸೂರ್ಯನನ್ನು ಇಲ್ಲಿವರೆಗೆ ಮುಟ್ಟಲಾಗುತ್ತಿರಲಿಲ್ಲ. ಹಾಗೆ ನೋಡಿದರೆ ಬಾಹ್ಯಾಕಾಶ ನೌಕೆಯ ಹೆಗ್ಗುರುತು ಸಾಧನೆಯು ಕೆಂಪು-ಬಿಸಿ ನಕ್ಷತ್ರದ ಬಗ್ಗೆ ಹಳೆಯ-ಹಳೆಯ ರಹಸ್ಯಗಳನ್ನು ಪರಿಹರಿಸುವ ಭರವಸೆಯನ್ನು ಪುನಃಸ್ಥಾಪಿಸಿದೆ.

ಉದಾಹರಣೆಗೆ ಸೂರ್ಯನ ಹೊರಗಿನ ವಾತಾವರಣವು (2 ಮಿಲಿಯನ್ ಡಿಗ್ರಿ ಸೆಲ್ಸಿಯಸ್) ಸೂರ್ಯನಿಗಿಂತ (5,500 ಡಿಗ್ರಿ ಸೆಲ್ಸಿಯಸ್) ಏಕೆ ತುಂಬಾ ಬಿಸಿಯಾಗಿರುತ್ತದೆ ಎಂದು ನಮಗೆ ತಿಳಿದಿಲ್ಲ. ಆಸ್ಟ್ರೋಫಿಸಿಸ್ಟ್‌ಗಳಿಗೆ ಶಕ್ತಿಯು ಸೂರ್ಯನ ಮೇಲ್ಮೈ ಮೂಲಕ ಉಬ್ಬುವ ಕಾಂತೀಯ ಕ್ಷೇತ್ರಗಳಿಂದ ಬರುತ್ತದೆ ಎಂದು ತಿಳಿದಿದ್ದರೂ, ಸೂರ್ಯನ ವಾತಾವರಣವು ಈ ಶಕ್ತಿಯನ್ನು ಹೇಗೆ ಹೀರಿಕೊಳ್ಳುತ್ತದೆ ಎಂಬುದು ಇನ್ನೂ ತಿಳಿದಿಲ್ಲ.
ಇದಲ್ಲದೆ ಸೌರ ಜ್ವಾಲೆಗಳು ಮತ್ತು ಹೆಚ್ಚಿನ-ವೇಗದ ಸೌರ ಮಾರುತಗಳಂತಹ ವಿಷಯಗಳ ಮೇಲೆ ಈಗ ಹೆಚ್ಚಿನ ಒಳನೋಟವನ್ನು ನಿರೀಕ್ಷಿಸಬಹುದು. ಇದು ಸಾಮಾನ್ಯವಾಗಿ ಭೂಮಿಯ ಮೇಲೆ ನೇರ ಪರಿಣಾಮ ಬೀರುತ್ತದೆ ಅಲ್ಲಿ ಅವು ವಿದ್ಯುತ್ ಗ್ರಿಡ್‌ಗಳು ಮತ್ತು ರೇಡಿಯೊ ಸಂವಹನವನ್ನು ಅಡ್ಡಿಪಡಿಸುತ್ತವೆ.

ಕೊರೊನಾ ಮೂಲಕ ಮೊದಲ ಹಾದುಹೋಗುವಿರೆ ಮತ್ತು ಬರಲಿರುವ ಹೆಚ್ಚಿನ ಹಾರಾಟಗಳ ಭರವಸೆ – ದೂರದಿಂದ ಅಧ್ಯಯನ ಮಾಡಲು ಅಸಾಧ್ಯವಾದ ವಿದ್ಯಮಾನಗಳ ಬಗ್ಗೆ ಡೇಟಾವನ್ನು ಒದಗಿಸುವುದನ್ನು ಮುಂದುವರಿಸುತ್ತದೆ ಎಂದು ನಾಸಾ ಹೇಳಿದೆ.

ಇದನ್ನೂ ಓದಿ: Captain Varun Singh Profile ತೇಜಸ್ ವಿಮಾನ ಅಪಘಾತ ತಪ್ಪಿಸಿದ್ದಕ್ಕೆ ಶೌರ್ಯ ಚಕ್ರ ಪ್ರಶಸ್ತಿ ಪುರಸ್ಕೃತರಾಗಿದ್ದರು ಗ್ರೂಪ್ ಕ್ಯಾಪ್ಟನ್ ವರುಣ್ ಸಿಂಗ್