Gold Rate: ಚಿನ್ನದ ಬೆಲೆ 100 ರೂ ಇಳಿಕೆ; ಬೆಳ್ಳಿ ದರವೂ ಕಡಿಮೆ; ದುಬೈ, ಅಮೆರಿಕದಲ್ಲೆಷ್ಟಿದೆ ರೇಟು?

Gold And Silver Prices Come Down: ಭಾರತದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಇಳಿಕೆ ಕಂಡಿವೆ. 22 ಕ್ಯಾರಟ್ ಚಿನ್ನದ ಬೆಲೆ 10 ಗ್ರಾಂಗೆ 100 ರೂನಷ್ಟು ಕಡಿಮೆ ಆಗಿದೆ. ಬೆಳ್ಳಿ ಬೆಲೆ 100 ಗ್ರಾಂಗೆ 10 ರೂ ಕಡಿಮೆಯಾಗಿದೆ.

ಚಿನ್ನದ ದರ (ಸಾಂದರ್ಭಿಕ ಚಿತ್ರ)

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Feb 21, 2023 | 5:00 AM

ಭಾರತದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳ (Gold and Silver Prices) ಇಳಿಕೆ ಹಾದಿ ಮುಂದುವರಿದಿದೆ. ವಿಶ್ಲೇಷಕರ ಪ್ರಕಾರ, ಅಮೆರಿಕದ ಆರ್ಥಿಕತೆ ತುಸು ಉತ್ತಮಗೊಳ್ಳುತ್ತಿರುವುದರ ಪರಿಣಾಮ ಚಿನ್ನದ ಮಾರುಕಟ್ಟೆಯ ಮೇಲಾಗುತ್ತಿದೆ. ಚಿನ್ನದ ದರಗಳು ಇಳಿಕೆ ಕಾಣುತ್ತಿವೆ. ಭಾರತದಲ್ಲಿ ಇಂದು ಮಂಗಳವಾರ 22 ಕ್ಯಾರಟ್ನ ಚಿನ್ನದ ಬೆಲೆ ಪ್ರತೀ ಗ್ರಾಂಗೆ 10 ರೂನಷ್ಟು ಇಳಿಕೆಯಾಗಿದೆ. 10 ಗ್ರಾಂಗೆ 100 ರೂ ಕಡಿಮೆ ಆಗಿದೆ. ನಿನ್ನೆ 10 ಗ್ರಾಂಗೆ 52,200ರೂ ಇದ್ದ ಚಿನ್ನದ ಬೆಲೆ ಇಂದು 52,100 ರೂ ಆಗಿದೆ. ಬೆಳ್ಳಿ ಬೆಲೆ 100 ಗ್ರಾಂಗೆ 10 ರೂನಷ್ಟು ಕಡಿಮೆ ಆಗಿದೆ.

24 ಕ್ಯಾರಟ್ ಚಿನ್ನದ ವಿಚಾರಕ್ಕೆ ಬಂದರೆ 10 ಗ್ರಾಂಗೆ 120 ರೂನಷ್ಟು ಬೆಲೆ ಇಳಿಕೆಯಾಗಿದೆ. 24 ಕ್ಯಾರಟ್ನ 10 ಗ್ರಾಂ ಚಿನ್ನದ ಬೆಲೆ ಈಗ 56,830 ರೂ ಇದೆ. 24 ಕ್ಯಾರಟ್ ಚಿನ್ನ ಎಂದರೆ ಅಪರಂಜಿ ಚಿನ್ನ ಅಥವಾ ಶುದ್ಧ ಚಿನ್ನ. 22 ಕ್ಯಾರಟ್ ಚಿನ್ನ ಆಭರಣಕ್ಕೆ ಬಳಸುವ ಚಿನ್ನವಾಗಿದೆ. ಇದು ತುಸು ಬೇರೆ ವಸ್ತುಗಳ ಬೆರಕೆಯಾಗಿರುತ್ತದೆ.

ಬೆಂಗಳೂರಿನಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ ಇಂದು 10 ಗ್ರಾಂಗೆ 52,159 ರೂ ಇದ್ದರೆ 22 ಕ್ಯಾರಟ್ ಚಿನ್ನದ ಬೆಲೆ 56,890 ರೂ ಇದೆ. ದುಬೈನಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ 2,070 ರೂ ಇದೆ.