ಒಬ್ಬ ವ್ಯಕ್ತಿ ಮನೆಯಲ್ಲಿ ಎಷ್ಟು ನಗದು ಇಟ್ಟುಕೊಳ್ಳಲು ಅವಕಾಶವಿದೆ? ಈ ವಿಷ್ಯ ನಿಮ್ಗೆ ತಿಳಿದಿರಲಿ
ತುರ್ತು ಸಂದರ್ಭ ಎದುರಾದರೆಂದು ಮನೆಯಲ್ಲಿ ಸ್ವಲ್ಪ ಹಣವನ್ನು ಇಟ್ಟುಕೊಳ್ಳುತ್ತಾರೆ. ಆದರೆ, ಭಾರತದ ಆದಾಯ ತೆರಿಗೆ ಕಾಯ್ದೆಯ ಪ್ರಕಾರ ಮನೆಯಲ್ಲಿ ನಗದು ಹಣವನ್ನು ಇಟ್ಟುಕೊಳ್ಳಲು ಯಾವುದೇ ನಿರ್ದಿಷ್ಟ ಗರಿಷ್ಠ ಮಿತಿಯನ್ನು ವಿಧಿಸಿಲ್ಲ. ಆದರೆ ಮನೆಯಲ್ಲಿ ಇಟ್ಟುಕೊಳ್ಳುವ ಹಣಕ್ಕೆ ಆದಾಯದ ಮೂಲ ಹಾಗೂ ದಾಖಲೆಗಳು ಇರಲೇಬೇಕು.
Updated on: Sep 11, 2026 | 6:33 PM
ಮುಖ್ಯಾಂಶಗಳು
- ತುರ್ತು ಸಂದರ್ಭಗಳಿಗಾಗಿ ಇಂತಿಷ್ಟು ಹಣವನ್ನು ಮಾತ್ರ ಇಟ್ಟುಕೊಂಡಿರುತ್ತಾರೆ
- ಮನೆಯಲ್ಲಿ ಎಷ್ಟು ನಗದು ಇಟ್ಟುಕೊಳ್ಳಬಹುದು ಎಂಬುದು ಹೆಚ್ಚಿನವರಿಗೆ ತಿಳಿದಿಲ್ಲ
- ಆದಾಯ ತೆರಿಗೆ ಕಾಯ್ದೆಯಡಿಯಲ್ಲಿ ಮನೆಯಲ್ಲಿ ಇಷ್ಟೇ ನಗದು ಇಡಬೇಕು ಎನ್ನುವುದಿಲ್ಲ
ಇತ್ತೀಚೆಗಿನ ದಿನಗಳಲ್ಲಿ ಡಿಜಿಟಲ್ ಪಾವತಿಗಳು (online payment) ಹೆಚ್ಚಾಗಿವೆ. ಹೀಗಾಗಿ ಮನೆಯಲ್ಲಿ ತುರ್ತು ಸಂದರ್ಭಗಳಿಗಾಗಿ ಇಂತಿಷ್ಟು ಹಣವನ್ನು ಮಾತ್ರ ಇಟ್ಟಿಕೊಂಡಿರುತ್ತಾರೆ. ಆದರೆ ಮನೆಯಲ್ಲಿ ಎಷ್ಟು ನಗದು ಇಟ್ಟುಕೊಳ್ಳಬಹುದು ಎಂಬುದು ತಿಳಿದಿದೆಯೇ. ಹೆಚ್ಚಿನವರಿಗೆ ಈ ಬಗ್ಗೆ ತಿಳಿದೇ ಇಲ್ಲ. ಆದರೆ ದಾಖಲೆಯೊಂದಿರುವ ನಗದು ಹಾಗೂ ತೆರಿಗೆ ಪಾವತಿಸಿದ ಎಷ್ಟು ಹಣವನ್ನು ಬೇಕಾದರೂ ಮನೆಯಲ್ಲಿಡಲು ಅವಕಾಶವಿದೆ.
ಮನೆಯಲ್ಲಿ ಎಷ್ಟು ನಗದು ಇಟ್ಟುಕೊಳ್ಳಬಹುದು?
ಆದಾಯ ತೆರಿಗೆ ಕಾಯ್ದೆಯಡಿಯಲ್ಲಿ ನೀವು ಮನೆಯಲ್ಲಿ ಇಷ್ಟೇ ನಗದು ಅಥವಾ ಹಣ ಇಡಬೇಕು ಎನ್ನುವುದಿಲ್ಲ. ಆದರೆ ಮನೆಗೆ ಆದಾಯ ತೆರಿಗೆ ದಾಳಿ ನಡೆಸಿದರೆ ಆ ಸಂದರ್ಭದಲ್ಲಿ ನೀವು ನಿಮ್ಮ ಬಳಿಯಿರುವ ಹಣದ ಮೂಲವನ್ನು ತೋರಿಸಬೇಕು. ಈ ವೇಳೆ ನಿಮಗೆ ಇಷ್ಟು ಮೊತ್ತ ಎಲ್ಲಿಂದ ಬಂದಿತು ಎಂಬ ದಾಖಲೆಗಳನ್ನು ಸಲ್ಲಿಸಬೇಕು. ನೀವು ಈ ಮೊತ್ತಕ್ಕೆ ನಿಮ್ಮ ಬಳಿ ಸರಿಯಾದ ಲೆಕ್ಕಪತ್ರ ಹಾಗೂ ತೆರಿಗೆ ಪಾವತಿಸಿದ ದಾಖಲೆ ಇರುವುದು ಕಡ್ಡಾಯ.
ಇದನ್ನೂ ಓದಿ: ಟರ್ಮ್ ಇನ್ಷೂರೆನ್ಸ್ಗೆ ಏಜೆಂಟ್ಗಳು ಶಿಫಾರಸು ಮಾಡೋದು ನೋಡಿದ್ದೀರಾ? ಇಲ್ಲಿವೆ ಉತ್ತಮ ಲಾಭ ತರುವ ಕೆಲ ಹೂಡಿಕೆಗಳು
ಆದಾಯದ ಮೂಲ ಇಲ್ಲದಿದ್ದರೆ ದಂಡ ಗ್ಯಾರಂಟಿ
ನಿಮ್ಮ ಬಳಿಯಿರುವ ಹಣವು ಎಲ್ಲಿಂದ ಬಂತು ಎಂಬ ದಾಖಲೆಗಳು ಅಥವಾ ಆದಾಯದ ಮೂಲವನ್ನು ತೋರಿಸಬೇಕು, ಆದಾಯ ತೆರಿಗೆ ರಿಟರ್ನ್ಸ್ ನಲ್ಲಿ ಈ ಬಗ್ಗೆ ಉಲ್ಲೇಖಿಸಿರಬೇಕು. ಒಂದು ವೇಳೆ ಆದಾಯದ ದಾಖಲೆಗಳು ಇಲ್ಲದೇ ಹೋದಲ್ಲಿ ಆ ಹಣವನ್ನು ಅಘೋಷಿತ ಆದಾಯವೆಂದು ಪರಿಗಣಿಸಲಾಗುತ್ತದೆ. ಆದಾಯ ತೆರಿಗೆ ಇಲಾಖೆಯೂ ದೊಡ್ಡ ಮೊತ್ತದ ದಂಡ ಮತ್ತು ತೆರಿಗೆ ವಿಧಿಸುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
