ಆಗಸದಿಂದ ವೇಗವಾಗಿ ಬಂದ ಸ್ಟಾರ್​​ಶಿಪ್ ರಾಕೆಟ್ ಅನ್ನು ಹಿಡಿದು ಹೊಸ ಇತಿಹಾಸ ಸೃಷ್ಟಿಸಿದ ಸ್ಪೇಸ್​ಎಕ್ಸ್

ಟೆಕ್ಸಾಸ್, ಅಮೆರಿಕ, ನವೆಂಬರ್ 15: ಇಲಾನ್ ಮಸ್ಕ್ ಅವರ ಸ್ಪೇಸ್‌ಎಕ್ಸ್ (SpaceX) ಸಂಸ್ಥೆ ತನ್ನ ಸಾಧನೆಗಳ ಓಟ ಮುಂದುವರಿಸಿದೆ. ಇವತ್ತು ಆ ಸಂಸ್ಥೆ ಹಾಗು ತಂತ್ರಜ್ಞಾನ ಕ್ಷೇತ್ರಕ್ಕೆ ಹೊಸ ಪುಷ್ಟಿ ದೊರಕಿದೆ. ಸ್ಪೇಸ್​ಎಕ್ಸ್​ನ ಅತ್ಯಂತ ಬಲಿಷ್ಠ ‘ಸ್ಟಾರ್‌ಶಿಪ್’ (Starship) ರಾಕೆಟ್ ಸಿಸ್ಟಂ ಅನ್ನು ಯಶಸ್ವಿಯಾಗಿ ಮತ್ತು ಸುರಕ್ಷಿತವಾಗಿ ಭೂಮಿಗೆ ಇಳಿಸಲಾಗಿದೆ. ಅತ್ಯಂತ ವೇಗವಾಗಿ ಬಂದ ಸ್ಟಾರ್​ಶಿಪ್ ಅನ್ನು 2ನೇ ಲಾಂಚ್​​ಪ್ಯಾಡ್ ಮೇಲಿದ್ದ ಚಾಪ್​ಸ್ಟಿಕ್ಸ್ (Chopsticks) ಎಂದು ಕರೆಯುವ ಎರಡು ದೊಡ್ಡ ಯಾಂತ್ರಿಕ ಕೈಗಳು ಹಿಡಿದಿಟ್ಟುಕೊಂಡವು. ಈ ಮೂಲಕ ಜಗತ್ತೇ ಬೆರಗಾಗುವಂತೆ ಮಾಡಿದೆ.

ಈ ಹಿಂದೆ ಮೂರು ಬಾರಿ ಹೆವಿ ರಾಕೆಟ್ ಬೂಸ್ಟರ್​ಗಳನ್ನು ಇದೇ ರೀತಿ ಹಿಡಿದಿಟ್ಟುಕೊಂಡು ಗಮನ ಸೆಳೆದಿತ್ತು ಸ್ಪೇಸ್​ಎಕ್ಸ್. ಆದರೆ, ಈ ಬಾರಿ ಸ್ಟಾರ್​ಶಿಪ್ ರಾಕೆಟ್ ಅನ್ನು ಕ್ಯಾಚ್ ಮಾಡುವ ಕೆಲಸ ಸಾಮಾನ್ಯವಾಗಿರಲಿಲ್ಲ. ರಾಕೆಟ್ ಅನ್ನು ಸಮುದ್ರದಲ್ಲಿ ಇಳಿಸುವ ಬದಲು, ನೇರವಾಗಿ ಉಡಾವಣಾ ಸ್ಥಳದಲ್ಲೇ ಸುರಕ್ಷಿತವಾಗಿ ಮರುಬಳಕೆಗಾಗಿ ಹಿಡಿಯುವ ಈ ತಂತ್ರಜ್ಞಾನವು ಭವಿಷ್ಯದ ಬಾಹ್ಯಾಕಾಶ ಯಾನಗಳ ವೆಚ್ಚವನ್ನು ಗಣನೀಯವಾಗಿ ತಗ್ಗಿಸಲಿದೆ.

ಇದನ್ನೂ ಓದಿ: ಅಮೆರಿಕದ ಮಾರುಕಟ್ಟೆಯಲ್ಲಿ ಭಾರತದ ಮೇಲುಗೈ? ಪ್ರತಿಸ್ಪರ್ಧಿಗಳಿಗಿಂತ ಕಡಿಮೆ ಸುಂಕದ ಭರವಸೆ

ಸ್ಟಾರ್​ಶಿಪ್ ರಾಕೆಟ್​​ನಲ್ಲಿ ಅಂಥದ್ದೇನು ವಿಶೇಷತೆಗಳಿವೆ?

ಈ ಹಿಂದೆ ಸ್ಪೇಸ್​ಎಕ್ಸ್ ಸಂಸ್ಥೆಯು ತನ್ನ ಕೆಲ ಫಾಲ್ಕನ್ ರಾಕೆಟ್​ಗಳನ್ನು ಉಡಾವಣೆ ಮಾಡಿ ಮಿಷನ್ ಪೂರ್ಣಗೊಂಡ ಬಳಿಕ ಅದರ ಫಸ್ಟ್ ಸ್ಟೇಜ್ ಬೂಸ್ಟರ್ ಅಥವಾ ಕೆಳಭಾಗವನ್ನು ಸುರಕ್ಷಿತವಾಗಿ ಕೆಳಗೆ ತರಲಾಯಿತು. ಆದರೆ, ಆ ಫಾಲ್ಕನ್ ರಾಕೆಟ್​ಗೆ ಹೋಲಿಸಿದರೆ ಸ್ಟಾರ್​ಶಿಪ್ ಬಹಳ ದೊಡ್ಡ ರಾಕೆಟ್ ಸಿಸ್ಟಂ ಮತ್ತು ಅತಿಭಾರತದ್ದು.

ಅಷ್ಟೇ ಅಲ್ಲ, ಇದು ಫಾಲ್ಕನ್ ರಾಕೆಟ್​ಗಿಂತ ಬಹಳ ಎತ್ತರಕ್ಕೆ ಹೋಗಿ ಬರುತ್ತದೆ. ಭೂಮಿಯನ್ನು 22 ಗಂಟೆಗಳ ಕಾಲ 14 ಬಾರಿ ಸುತ್ತಿ, 26 ಸೆಟಿಲೈಟ್​ಗಳನ್ನು ಭೂಕಕ್ಷೆಗೆ ಬಿಟ್ಟು ಬಂದಿತ್ತು. ಗಂಟೆಗೆ 28,000 ಕಿಮೀ ವೇಗದಲ್ಲಿ ಸಾಗಿ ಬರುವ ಇದನ್ನು ಭೂಮಿಯ ಮೇಲೆ ಹಿಡಿಯುವುದು ಸಾಮಾನ್ಯ ಸಂಗತಿಯಲ್ಲ.

ಇತರ ರಾಕೆಟ್​ಗಳಂತೆ ಸ್ಟಾರ್​ಶಿಪ್ ಲಂಬವಾಗಿ ಕೆಳಗೆ ಬಂದಿಲ್ಲ. ಅಡ್ಡಡ್ಡವಾಗಿ ಬಂದ ಅದು ವಿಶೇಷ ತಂತ್ರಜ್ಞಾನದಿಂದ ನಿಧಾನಗೊಳ್ಳುತ್ತಾ ಹೋಗಿತ್ತು. ಲಾಂಚ್ ಪ್ಯಾಡ್​ಗೆ ಒಂದೆರಡು ಸೆಕೆಂಡುಗಳಿರುವಾಗ ಲಂಬಕ್ಕೆ ತಿರುಗಿತು. ಲಾಂಚ್ ಪ್ಯಾಡ್ ಮೇಲಿದ್ದ ದೈತ್ಯ ಯಾಂತ್ರಿಕ ತೋಳುಗಳ ತೆಕ್ಕೆ ಸೇರಿಕೊಂಡಿತು.

ಸ್ಟಾರ್​ಶಿಪ್ ಪ್ರಯೋಗ ಯಾಕೆ ವಿಶೇಷ ಎನ್ನುವುದಕ್ಕೆ ಮತ್ತೊಂದು ಕಾರಣ ಇದೆ. ಹಿಂದೆ ಫಾಲ್ಕನ್ ರಾಕೆಟ್​ನ ಕೆಳಗಿನ ಭಾಗವನ್ನು ಯಶಸ್ವಿಯಾಗಿ ಹಿಡಿಯಲಾಗಿತ್ತು. ಆದರೆ, ಸ್ಟಾರ್​​ಶಿಪ್​ನ ಮೇಲ್ಭಾಗವನ್ನು ಈಗ ಹಿಡಿಯಲಾಗಿದೆ. ಅಂದರೆ, ಒಂದು ರಾಕೆಟ್ ಸಿಸ್ಟಂ ಪೂರ್ಣವಾಗಿ ಮರುಬಳಕೆಗೆ ಸಿಗುತ್ತದೆ.

ಸ್ಪೇಸ್​ಎಕ್ಸ್ ಪ್ರಕಟಿಸಿದ ವಿಡಿಯೋ

Mechazilla catches Starship! Congratulations to the entire SpaceX team on this incredible achievement! https://t.co/YJzmGUZb2B

— SpaceX (@SpaceX) November 14, 2026

ಇತರ ವಿಡಿಯೋಗಳು

Congratulations SpaceX, congratulations Elon Musk

Starship Flight 15 https://t.co/KfjlPhoqe3

— ZaxtR (@AmX_ZaxTr) November 14, 2026

SPACEX HAS JUST CAUGHT STARSHIP!

This is the first-ever catch of an orbital-class upper stage spacecraft that has gone to orbit, survived reentry, and returned for recovery by the tower’s chopsticks.

CONGRATS @SpaceX!!! 🚀🚀 https://t.co/GPEAwVPJzv

— Nic Cruz Patane (@niccruzpatane) November 14, 2026

ಇದನ್ನೂ ಓದಿ: ಎನ್​ವಿಡಿಯಾ ಸಿಇಒ ಸ್ಥಾನಕ್ಕೆ ಹಲವರ ಹೆಸರು ಪರಿಗಣನೆಯಲ್ಲಿ; ಭಾರತ ಮೂಲದ ಮೂವರ ಹೆಸರೂ ಪಟ್ಟಿಯಲ್ಲಿ

ಇದರಿಂದ ಸೆಟಿಲೈಟ್ ಉಡಾವಣೆ ವೆಚ್ಚ ಹೇಗೆ ಕಡಿಮೆ ಆಗುತ್ತೆ?

ಈ ಮೊದಲು ಸೆಟಿಲೈಟ್​ಗಳನ್ನು ಆಗಸಕ್ಕೆ ಕಳುಹಿಸಬೇಕಾದರೆ ಹೊಸ ರಾಕೆಟ್ ಅನ್ನೇ ಬಳಸಬೇಕಾಗಿತ್ತು. ಈಗ ಒಂದು ರಾಕೆಟ್ ಅನ್ನು ಮರುಬಳಕೆ ಮಾಡಲು ಸಾಧ್ಯವಾದರೆ, ಹೊಸ ರಾಕೆಟ್ ನಿರ್ಮಿಸುವ ಪ್ರಮೇಯ ಇರುವುದಿಲ್ಲ. ಇದರಿಂದ ಸೆಟಿಲೈಟ್ ಕಳುಹಿಸುವ ವೆಚ್ಚ ಕಡಿಮೆ ಆಗುತ್ತದೆ.

ಇಲಾನ್ ಮಸ್ಕ್ ಅವರ ಈ ಸಾಧನೆಯು ಚಂದ್ರ ಮತ್ತು ಮಂಗಳ ಗ್ರಹದ ಮುಂದಿನ ಮಾನವ ಸಹಿತ ಯಾನಗಳಿಗೆ ಮಹತ್ವದ ಮುನ್ನುಡಿಯಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 11:18 am, Sun, 15 November 26