ಟೈಮ್ಸ್-100, ವಿಶ್ವದ ಅತ್ಯಂತ ಪ್ರಭಾವಿ ಕಂಪನಿಗಳ ಪಟ್ಟಿಯಲ್ಲಿ ಮೂರು ಭಾರತೀಯ ಸಂಸ್ಥೆಗಳು

Time's Magazine 100 Most Influential Companies 2024: ಟೈಮ್ಸ್ ಮ್ಯಾಗಝಿನ್ 2024 ವರ್ಷದ ವಿಶ್ವದ ಅತ್ಯಂತ ಪ್ರಭಾವಿ ಕಂಪನಿಗಳ ಪಟ್ಟಿ ಪ್ರಕಟಿಸಿದ್ದು, ಇದರಲ್ಲಿ ಮೂರು ಭಾರತೀಯ ಸಂಸ್ಥೆಗಳು ಸ್ಥಾನ ಪಡೆದಿವೆ. ಟೈಟಾನ್ಸ್ ಕೆಟಗರಿಯಲ್ಲಿ ಟಾಟಾ ಗ್ರೂಪ್ ಮತ್ತು ರಿಲಾಯನ್ಸ್ ಇಂಡಸ್ಟ್ರೀಸ್ ಇವೆ. ಪಯೋನೀರ್ಸ್ ಕೆಟಗರಿಯಲ್ಲಿ ಸೀರಂ ಇನ್ಸ್ಟಿಟ್ಯೂಟ್ ಮುಂಚೂಣಿಯಲ್ಲಿದೆ. ಭಾರತದ ಮೂಲದ ವ್ಯಕ್ತಿಯೊಬ್ಬರು ಅಮೆರಿಕದಲ್ಲಿ ಆರಂಭಿಸಿದ ಭೂಮಿತ್ರಾ ಎಂಬ ಕಂಪನಿ ಕೂಡ ಟೈಮ್ಸ್ ಮ್ಯಾಗಝಿನ್ ಪಟ್ಟಿಯಲ್ಲಿದೆ. ಮಲೇರಿಯಾ ರೋಗಕ್ಕೆ ಔಷಧ ರೂಪಿಸಿರುವ ಕಾರಣಕ್ಕೆ ಸೀರಂಗೆ ಈ ಗೌರವ ಸಿಕ್ಕಿದೆ.

ರಿಲಾಯನ್ಸ್ ಇಂಡಸ್ಟ್ರೀಸ್

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: May 31, 2024 | 11:11 AM

ನವದೆಹಲಿ, ಮೇ 31: ಮುಕೇಶ್ ಅಂಬಾನಿ ಒಡೆತನದ ರಿಲಾಯನ್ಸ್ ಗ್ರೂಪ್ಗೆ ಸೇರಿದ ಸಂಸ್ಥೆಯೊಂದು ಎರಡನೇ ಬಾರಿ ಟೈಮ್ಸ್ ಮ್ಯಾಗಝಿನ್ನ ವಿಶ್ವದ 100 ಅತಿ ಪ್ರಭಾವಿ ಕಂಪನಿಗಳ ಪಟ್ಟಿಯಲ್ಲಿ (Time’s 100 Most Influential companies 2024) ಸ್ಥಾನ ಪಡೆದಿದೆ. 2024ರ ಈ ಪಟ್ಟಿಯಲ್ಲಿ ರಿಲಾಯನ್ಸ್ ಇಂಡಸ್ಟ್ರೀಸ್, ಟಾಟಾ ಗ್ರೂಪ್ ಮತ್ತು ಸೀರಂ ಇನ್ಸ್ಟಿಟ್ಯೂಟ್ ಸಂಸ್ಥೆಗಳು ಸ್ಥಾನ ಪಡೆದಿವೆ. ಈ ಮೊದಲು ರಿಲಾಯನ್ಸ್ ಜಿಯೋ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿತ್ತು. ಈ ಟೈಮ್ಸ್ ಪ್ರಭಾವಿ ಕಂಪನಿಗಳ ಪಟ್ಟಿಯಲ್ಲಿ ಎರಡು ಬಾರಿ ಸ್ಥಾನ ಪಡೆದ ಮೊದಲ ಸಂಸ್ಥೆ ರಿಲಾಯನ್ಸ್ ಗ್ರೂಪ್. ಐದು ವಿಭಾಗದಲ್ಲಿ ನೀಡಲಾಗಿರುವ ಈ ವರ್ಷದ ಪಟ್ಟಿಯಲ್ಲಿ ರಿಲಾಯನ್ಸ್ ಇಂಡಸ್ಟ್ರೀಸ್ ಮತ್ತು ಟಾಟಾ ಗ್ರೂಪ್ ಸಂಸ್ಥೆಗಳು ಟೈಟಾನ್ಸ್ ಕೆಟಗರಿಯಲ್ಲಿ ಸ್ಥಾನ ಪಡೆದಿವೆ. ಸೀರಂ ಸಂಸ್ಥೆ ಇನ್ನೋವೇಟರ್ಸ್ ಕೆಟಗರಿಯಲ್ಲಿ ಸೇರ್ಪಡೆಯಾಗಿದೆ.

ಭಾರತ ಮೂಲದ ಆದಿತ್ ಮೂರ್ತಿ ಎಂಬುವವರು ಸ್ಥಾಪಿಸಿದ ಭೂಮಿತ್ರಾ (Boomitra) ಎಂಬ ಸಂಸ್ಥೆಯೂ ಕೂಡ 2024ರ ಟೈಮ್ಸ್ ಅತ್ಯಂತ ಪ್ರಭಾವಿ ಕಂಪನಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ರೈತರಿಗೆ ಕಾರ್ಬನ್ ಕ್ರೆಡಿಟ್ ಆದಾಯ ಒದಗಿಸುವಂತಹ ವಿನೂತನ ಯೋಜನೆಯನ್ನು ಈ ಭೂಮಿತ್ರಾ ರೂಪಿಸಿದೆ. ಡಿಸ್ರಪ್ಟರ್ಸ್ ಕೆಟಗರಿಯಲ್ಲಿ ಟೈಮ್ಸ್ ಮ್ಯಾಗಝಿನ್ ಈ ಕಂಪನಿಯನ್ನು ಪಟ್ಟಿ ಮಾಡಿದೆ.

ಶಿಯೋಮಿ, ಹುವಾವೇ, ಟಿಕ್ ಟಾಕ್, ಬೈಡು ಮೊದಲಾದ ಚೀನೀ ಕಂಪನಿಗಳಿವೆ. ಮೈಕ್ರೋಸಾಫ್ಟ್, ಓಪನ್ಎಐ, ಗೂಗಲ್, ಎಎಂಡಿ, ಸೆರಿಬ್ರಲ್ ಸಿಸ್ಟಮ್ಸ್ ಮೊದಲಾದ ಟೆಕ್ನಾಲಜಿ ಕಂಪನಿಗಳು ಟೈಮ್ಸ್ ಮ್ಯಾಗಝಿನ್ ಪಟ್ಟಿಯಲ್ಲಿವೆ.

ಇದನ್ನೂ ಓದಿ: ಹೂಡಿಕೆದಾರ ಮೀನಾಕ್ಷಿ ಶ್ರೀಕಾಂತ್ ಷೇರು ಒಲ್ಲೆ ಎನ್ನುವುದೇಕೆ? ಪಿರಾಮಿಡ್ ಸ್ಟ್ರಕ್ಚರ್ ರೀತಿಯಲ್ಲಿದೆ ಅವರ ಇನ್ವೆಸ್ಟ್ಮೆಂಟ್ ಸ್ಟ್ರಾಟಿಜಿ