JEE Main 2021: ಜು.20ರಿಂದ ನಡೆಯಲಿರುವ ಜೆಇಇ ಮುಖ್ಯ ಪರೀಕ್ಷೆಯ ಪ್ರವೇಶ ಪತ್ರ ಬಿಡುಗಡೆ; ಹೀಗೆ ಡೌನ್​ಲೋಡ್ ಮಾಡಿಕೊಳ್ಳಿ..

ಜಂಟಿ ಪ್ರವೇಶ ಮುಖ್ಯ ಪರೀಕ್ಷೆ -2021(JEE Main-2021)ಯ ಮೂರನೇ ಸೆಶನ್ಸ್​ನ ಪ್ರವೇಶ ಪತ್ರ (Admit Card)ವನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (National Testing Agency-NTA) ಬಿಡುಗಡೆ ಮಾಡಿದೆ. ಮೂರನೇ ಸೆಶನ್ಸ್​​ನ ಜೆಇಇ ಮುಖ್ಯ ಪ್ರವೇಶ ಪರೀಕ್ಷೆ ಜುಲೈ 20 ರಿಂದ 25ರವರೆಗೆ ನಡೆಯಲಿದೆ. ಈ ಪರೀಕ್ಷೆ ಏಪ್ರಿಲ್​ನಲ್ಲಿ ನಡೆಯಬೇಕಿತ್ತು. ಆದರೆ ಕೊವಿಡ್​ 19 ಕಾರಣದಿಂದ ಮುಂದೂಡಲ್ಪಟ್ಟಿತ್ತು. 2021ರ ಏಪ್ರಿಲ್​ನಲ್ಲಿ ನಡೆಯಬೇಕಿದ್ದ ಸೆಶನ್ಸ್​ ಮೂರರಲ್ಲಿ BE/BTech ಪತ್ರಿಕೆ-1 ಬರೆಯಲು ಅರ್ಜಿ ಸಲ್ಲಿಸಿದ್ದವರಿಗೆ ತಮ್ಮ ವಿವರಗಳಲ್ಲಿ ಏನಾದರೂ ಮಾರ್ಪಾಡು ಮಾಡುವಂತಿದ್ದರೆ ಮಾಡಲು ಜು.6 ರಿಂದ 8ರವರೆಗೆ ಸಮಯ ನೀಡಲಾಗಿತ್ತು ಎಂದು ಎನ್​ಟಿಎ ಹೇಳಿದೆ. ಹಾಗೇ, ಈ ಬಾರಿ ಪರೀಕ್ಷೆಗಳು ನಡೆಯಲ್ಪಡುವ ನಗರಗಳು ಮತ್ತು ಪರೀಕ್ಷಾ ಕೇಂದ್ರಗಳ ಸಂಖ್ಯೆಯನ್ನು ಎನ್​ಟಿಎ ಹೆಚ್ಚಿಸಿದೆ.

ಹಾಗೇ, ಜೆಇಇ ಮುಖ್ಯ ಪರೀಕ್ಷೆಯ ನಾಲ್ಕನೇ ಹಂತದ ಪರೀಕ್ಷೆ ಜು.27ರಿಂದ ಆಗಸ್ಟ್​2ರವರೆಗೆ ನಡೆಯಲಿದೆ. ಆದರೆ ಈ ಪರೀಕ್ಷೆಯ ಪ್ರವೇಶ ಪತ್ರ ಬಿಡುಗಡೆಯಾದ ಬಗ್ಗೆಯಾಗಲಿ, ಯಾವಾಗ ಬಿಡುಗಡೆಯಾಗಬಹುದು ಎಂಬ ಬಗ್ಗೆಯಾಗಲಿ ಇದುವರೆಗೂ ಮಾಹಿತಿ ಲಭ್ಯವಾಗಿಲ್ಲ. ಇನ್ನು JEE-Main 2021ರ ಮೊದಲ ಎರಡು ಹಂತದ ಪರೀಕ್ಷೆಗಳು ಫೆಬ್ರವರಿ ಮತ್ತು ಮಾರ್ಚ್​ ತಿಂಗಳಲ್ಲಿಯೇ ಮುಗಿದುಹೋಗಿವೆ. ಅದಾದ ನಂತರದ ಹಂತಗಳ ಪರೀಕ್ಷೆಗಳು ಕೊವಿಡ್​ 19 ಎರಡನೇ ಅಲೆಯ ಹಿನ್ನೆಲೆಯಲ್ಲಿ ಮುಂದೂಡಲಾಗಿತ್ತು.

ಇದೀಗ ಮೂರನೇ ಹಂತದ ಪರೀಕ್ಷೆ ಬರೆಯುವವರು ತಮ್ಮ ಪ್ರವೇಶ ಪತ್ರ (Admit Card) ಡೌನ್​ಲೋಡ್​ ಮಾಡಿಕೊಳ್ಳುವ ಸರಳ ವಿಧಾನ ಇಲ್ಲಿದೆ..

1.ಮೊದಲು jeemain.nta.nic.in. ವೆಬ್​ಸೈಟ್​ಗೆ ಭೇಟಿ ನೀಡಿ.
2.ಅಲ್ಲಿ ನಿಮಗೆ ಪ್ರವೇಶ ಪತ್ರ ಡೌನ್​ಲೋಡ್​ ಮಾಡಿಕೊಳ್ಳಲು ಮೂರು ಲಿಂಕ್​ಗಳು ಲಭ್ಯವಾಗುತ್ತವೆ. ಅದರಲ್ಲಿ ಯಾವುದನ್ನಾದರೂ ಪರೀಕ್ಷಾರ್ಥಿಗಳು ಆಯ್ಕೆ ಮಾಡಿಕೊಳ್ಳಬಹುದು.
3. ಯಾವುದೇ ಲಿಂಕ್​​ನ್ನೂ ಓಪನ್ ಮಾಡಿದರೂ ಒಂದು ಹೊಸ ಪೇಜ್​ ತೆರೆಯಲ್ಪಡುತ್ತದೆ.
4.ಅದರಲ್ಲಿ ನಿಮ್ಮ ಅಪ್ಲಿಕೇಶನ್​ ನಂಬರ್​​, ಹುಟ್ಟಿದ ದಿನಾಂಕ (Date Of Birth) ಮತ್ತು ಸ್ಕ್ರೀನ್​ ಮೇಲೆ ತೋರಿಸುವ ಸೆಕ್ಯೂರಿಟಿ ಪಿನ್​ನ್ನು ನಮೂದಿಸಿ.
5. ಇದೆಲ್ಲ ಆದ ಬಳಿಕ ಸಬ್​ಮಿಟ್ (Submit)ಎಂಬಲ್ಲಿ ಕ್ಲಿಕ್​ ಮಾಡಿ.
6. ನಿಮ್ಮ ಪ್ರವೇಶ ಪತ್ರ ಕಾಣಿಸುತ್ತದೆ. ಅದನ್ನು ಡೌನ್​ಲೋಡ್ ಮಾಡಿಕೊಳ್ಳಬಹುದು.

ಇದನ್ನೂ ಓದಿ: NEET UG 2021 Registration: ನೀಟ್​ ಪರೀಕ್ಷೆಗೆ ನೋಂದಣಿ ಇಂದಿನಿಂದಲೇ ಪ್ರಾರಂಭ; ಸಿಂಪಲ್​ ಆಗಿ ಅರ್ಜಿ ಸಲ್ಲಿಸುವ ವಿಧಾನ ಹೀಗಿದೆ..

JEE Main 2021 Admit card for third session released