ಮಧುರೈನಲ್ಲಿ ಶ್ರೀಲಂಕಾದ ಹುಡುಗಿಗೆ 12 ನೇ ತರಗತಿಯಲ್ಲಿ 600 ಕ್ಕೆ 591 ಅಂಕ; ಆದರೆ ನಿರಾಶ್ರಿತರಾಗಿರುವುದರಿಂದ ವೈದ್ಯಕೀಯ ಅಧ್ಯಯನ ಮಾಡಲು ಸಾಧ್ಯವಿಲ್ಲ
ವಿದ್ಯಾರ್ಥಿನಿ ಯು ತ್ರಿತುಷಾ ತನ್ನ ಅಂಕಗಳ ಬಗ್ಗೆ ಸಂತೋಷವಾಗಿದ್ದರೂ, ತನ್ನ "ನಿರಾಶ್ರಿತರ ಸ್ಥಿತಿ/ರೆಫ್ಯೂಜಿ ಸ್ಟೇಟಸ್" ನಿಂದ ತನ್ನ ಕನಸನ್ನು ಸಾಧಿಸಲು ಸಾಧ್ಯವಾಗಿಲ್ಲ ಎಂದು ಹೇಳಿದರು.
Updated on:May 11, 2023 | 11:06 AM
ಭಾರತದಲ್ಲಿ ವಾಸಿಸುವ ಶ್ರೀಲಂಕಾದ ತಮಿಳು ನಿರಾಶ್ರಿತರು (Sri Lankan Tamil Refugee) ಶಿಕ್ಷಣ ಮತ್ತು ಆರೋಗ್ಯಕ್ಕೆ ಸೀಮಿತ ಪ್ರವೇಶವನ್ನು ಒಳಗೊಂಡಂತೆ ಹಲವಾರು ಸವಾಲುಗಳನ್ನು ಎದುರಿಸುತ್ತಾರೆ. ಈ ಕಷ್ಟಗಳ ನಡುವೆಯೂ ತಮಿಳುನಾಡಿನ ಮಧುರೈ (Madurai) ಜಿಲ್ಲೆಯ ಅನಯೂರ್ ನಿರಾಶ್ರಿತರ ಶಿಬಿರದ 16 ವರ್ಷದ ವಿದ್ಯಾರ್ಥಿನಿ ಯು ತ್ರಿತುಷಾ (U Tritusha) ಅದ್ಭುತ ಸಾಧನೆ ಮಾಡಿದ್ದಾರೆ. ಅವರು 12 ನೇ ತರಗತಿಯ ಬೋರ್ಡ್ ಪರೀಕ್ಷೆಗಳಲ್ಲಿ 600 ಅಂಕಗಳಿಗೆ 591 ಅಂಕಗಳನ್ನು ಗಳಿಸಿದರು, ಎಲ್ಲಾ ಆರು ವಿಷಯಗಳಲ್ಲಿ 95 ಕ್ಕಿಂತ ಹೆಚ್ಚು ಅಂಕಗಳನ್ನು ಗಳಿಸಿದರು. ಆದರೆ, ನಿರಾಶ್ರಿತರ ಸ್ಥಿತಿಯಿಂದಾಗಿ ವೈದ್ಯೆಯಾಗುವ ಕನಸನ್ನು ನನಸಾಗಿಸಲು ಸಾಧ್ಯವಾಗುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.
ಶ್ರೀಲಂಕಾ ತಮಿಳು ನಿರಾಶ್ರಿತರು ಭಾರತದಲ್ಲಿ ಎದುರಿಸುತ್ತಿರುವ ಹೋರಾಟಗಳ ಮೇಲೆ ತ್ರಿತುಷಾ ಅವರ ಸಾಧನೆ ಬೆಳಕು ಚೆಲ್ಲಿದೆ. “10ನೇ ತರಗತಿ ಮುಗಿದ ನಂತರ ನಾನು ವಿಜ್ಞಾನವನ್ನು ಆರಿಸಿಕೊಂಡು ವೈದ್ಯೆಯಾಗಬೇಕೆಂದು ಬಯಸಿದ್ದೆ. ಆದರೆ ನಾನು ನಿರಾಶ್ರಿತರ ಶಿಬಿರದಿಂದ ಬಂದಿರುವ ಕಾರಣ ನಮಗೆ ವೈದ್ಯಕೀಯ ಅಧ್ಯಯನ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ವಾಣಿಜ್ಯಶಾಸ್ತ್ರ ಓದಿದ್ದೇನೆ. ನನಗೆ ಆಡಿಟರ್ ಆಗುವ ಆಸೆ ಇದೆ” ಎಂದು ತ್ರಿತೂಷಾ ಹೇಳಿದ್ದಾರೆ.
ಶ್ರೀಲಂಕಾದಲ್ಲಿನ ಅಂತರ್ಯುದ್ಧದ ನಂತರ ಭಾರತವು 1980 ರ ದಶಕದಿಂದಲೂ ಶ್ರೀಲಂಕಾದ ತಮಿಳು ನಿರಾಶ್ರಿತರಿಗೆ ಮನೆಯಾಗಿದೆ. ಈ ನಿರಾಶ್ರಿತರಲ್ಲಿ ಹಲವರು ದಶಕಗಳಿಂದ ಶಿಬಿರಗಳಲ್ಲಿ ವಾಸಿಸುತ್ತಿದ್ದಾರೆ, ಮೂಲಭೂತ ಸೌಕರ್ಯಗಳು ಮತ್ತು ಅವಕಾಶಗಳಿಗೆ ಸೀಮಿತ ಪ್ರವೇಶವನ್ನು ಎದುರಿಸುತ್ತಿದ್ದಾರೆ. ಭಾರತ ಸರ್ಕಾರವು ಆಹಾರ ಪಡಿತರ ಮತ್ತು ಮೂಲಭೂತ ಆರೋಗ್ಯ ರಕ್ಷಣೆಯಂತಹ ಕೆಲವು ಬೆಂಬಲವನ್ನು ಒದಗಿಸುತ್ತದೆ, ನಿರಾಶ್ರಿತರು ಶಿಕ್ಷಣ ಮತ್ತು ಉದ್ಯೋಗಾವಕಾಶಗಳಿಗೆ ಸೀಮಿತ ಪ್ರವೇಶವನ್ನು ಒಳಗೊಂಡಂತೆ ಹಲವಾರು ಸವಾಲುಗಳನ್ನು ಎದುರಿಸುತ್ತಾರೆ.
ನಿಯಮಗಳ ಪ್ರಕಾರ, ಶ್ರೀಲಂಕಾದ ತಮಿಳು ನಿರಾಶ್ರಿತರು ವೈದ್ಯಕೀಯ ಕೋರ್ಸ್‌ಗಳನ್ನು ಮುಂದುವರಿಸಲು ಸರ್ಕಾರಿ ಕೋಟಾದ ಅಡಿಯಲ್ಲಿ ಅರ್ಹರಲ್ಲ, ಆದಾಗ್ಯೂ, ಅವರು ರಾಜ್ಯದಲ್ಲಿ BE/B TECH ಮತ್ತು ಇತರ ಕಲೆ ಮತ್ತು ವಿಜ್ಞಾನ ಕೋರ್ಸ್‌ಗಳನ್ನು ಅಧ್ಯಯನ ಮಾಡಲು ಆಯ್ಕೆ ಮಾಡಬಹುದು.
ತ್ರಿತುಷಾ ದಿನಗೂಲಿ ಮಾಡುವವರ ಮಗಳು ಮತ್ತು ಮಧುರೈನ ಕೂಡಲ್‌ನಗರ ಪ್ರದೇಶದ ಸೇಂಟ್ ಅಂತೋನಿ ಶಾಲೆಯ ವಿದ್ಯಾರ್ಥಿನಿ.
ಅನಯೂರಿನಲ್ಲಿರುವ ಶ್ರೀಲಂಕಾ ನಿರಾಶ್ರಿತರ ಶಿಬಿರದಲ್ಲಿ 500 ಕ್ಕೂ ಹೆಚ್ಚು ಜನರು ವಾಸಿಸುತ್ತಿದ್ದರೆ, ಜಿಲ್ಲೆಯಾದ್ಯಂತ ವಿವಿಧ ಸರ್ಕಾರಿ ಮತ್ತು ಖಾಸಗಿ ಶಾಲೆಗಳಲ್ಲಿ ಸುಮಾರು 50 ವಿದ್ಯಾರ್ಥಿಗಳು ಓದುತ್ತಿದ್ದಾರೆ. 2022-23ನೇ ಶೈಕ್ಷಣಿಕ ವರ್ಷದಲ್ಲಿ ಸುಮಾರು 8 ವಿದ್ಯಾರ್ಥಿಗಳು 12ನೇ ತರಗತಿ ಬೋರ್ಡ್ ಪರೀಕ್ಷೆಗೆ ಹಾಜರಾಗಿದ್ದರು.
ಇದನ್ನೂ ಓದಿ: ಯುಪಿಎಸ್ಇ ಪರೀಕ್ಷೆಯ ಕ್ಯಾಲೆಂಡರ್ 2024 ಬಿಡುಗಡೆಯಾಗಿದೆ, ಸಿಎಸ್ಇ, ಇನ್ಡಿಎ ಮತ್ತು ಇತರ ಪರೀಕ್ಷಾ ದಿನಾಂಕಗಳನ್ನು ಪರಿಶೀಲಿಸಿ
ಇಂಡಿಯನ್ ಡೆಮಾಕ್ರಟಿಕ್ ಯೂತ್ ಅಸೋಸಿಯೇಶನ್‌ನ ಸದಸ್ಯರು ವಿದ್ಯಾರ್ಥಿನಿ ತ್ರಿತೂಷಾಳನ್ನು ಖುದ್ದಾಗಿ ಭೇಟಿಯಾಗಿ ಶಿಬಿರದಲ್ಲಿ ಅಭಿನಂದಿಸಿ ಉಡುಗೊರೆಗಳನ್ನು ನೀಡಿದರು. ಅಲ್ಲದೆ, ಮಧುರೈ ಸಂಸದೆ ಸು.ವೆಂಕಟೇಶನ್ ಅವರು ವಿದ್ಯಾರ್ಥಿನಿಯನ್ನು ದೂರವಾಣಿಯಲ್ಲಿ ಸಂಪರ್ಕಿಸಿ ಆಕೆಯ ಮುಂದಿನ ವ್ಯಾಸಂಗಕ್ಕೆ ಶೈಕ್ಷಣಿಕ ನೆರವು ನೀಡುವುದಾಗಿ ಭರವಸೆ ನೀಡಿದರು.
Published On - 11:06 am, Thu, 11 May 23
