JEE Main Result 2022: ಜೆಇಇ ಮೇನ್ಸ್ ಫಲಿತಾಂಶ ಪ್ರಕಟ
ಜೆಇಇ ಮುಖ್ಯ ಪರೀಕ್ಷೆ ತೆಗೆದುಕೊಳ್ಳಲು 2,50,000 ಮಂದಿಗೆ ಅವಕಾಶವಿದೆ. ನಿಮ್ಮ ರ್ಯಾಂಕಿಂಗ್ ಇಷ್ಟರ ಒಳಗೆ ಬಂದರೆ ಮಾತ್ರ ಬಿಇ, ಬಿ-ಟೆಕ್ಗೆ ಪ್ರವೇಶ ಪರೀಕ್ಷೆ ತೆಗೆದುಕೊಳ್ಳಲು ಅವಕಾಶ ಸಿಗುತ್ತದೆ.
Updated on:Jul 11, 2022 | 8:44 AM
ದೆಹಲಿ: ಜೆಇಇ 2022 ಪರೀಕ್ಷೆಗಳ ಮೊದಲ ಸೆಷನ್ (Joint Entrance Exam Main 2022 Session 1 – JEE) ಫಲಿತಾಂಶವನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (National Testing Agency – NTA) ಪ್ರಕಟಿಸಿದೆ. ಜೆಇಇ ಮುಖ್ಯ ಪರೀಕ್ಷೆಗೆ ಅರ್ಹತೆ ಪಡೆಯಲು ಸಾಮಾನ್ಯ ವರ್ಗಕ್ಕೆ ಶೇ 75 ಮತ್ತು ಎಸ್ಸಿ ಮತ್ತು ಅಂಗವಿಕಲ ವರ್ಗದ ಅಭ್ಯರ್ಥಿಗಳಿಗೆ ಶೇ 65 ಕನಿಷ್ಠ ಅಂಕಗಳನ್ನು ನಿಗದಿಪಡಿಸಲಾಗಿದೆ. ಜುಲೈ 6, 2022ರಂದು ಮೊದಲ ಪತ್ರಿಕೆಯ ಅಂತಿಮ ಕೀ ಉತ್ತರಗಳನ್ನು ಪ್ರಕಟಿಸಲಾಗಿತ್ತು.
ಅರ್ಹತೆಯಷ್ಟು ಅಂಕ ಪಡೆದ ಅಭ್ಯರ್ಥಿಗಳು ಜೆಇಇ ಸೆಷನ್ 2 ಮುಖ್ಯ ಪರೀಕ್ಷೆಗೆ ಹಾಜರಾಗಬಹುದಾಗಿದೆ. 2ನೇ ಸೆಷನ್ ಪರೀಕ್ಷೆಗಳು ಮುಗಿದ ನಂತರ ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಗೆ ಹಾಜರಾಗಬಹುದಾಗಿದೆ. ಈ ಪರೀಕ್ಷೆಗೆ ಕನಿಷ್ಠ ಅಂಕಗಳನ್ನು ಎನ್ಟಿಎ ನಂತರದ ದಿನಗಳಲ್ಲಿ ಪ್ರಕಟಿಸಲಿದೆ. ಜೆಇಇ ಮುಖ್ಯ ಪರೀಕ್ಷೆಯ ಫಲಿತಾಂಶವನ್ನು ಈ ಕೆಳಕಂಡ ವೆಬ್ಸೈಟ್ಗಳಲ್ಲಿ ನೋಡಬಹುದು. ನೇರವಾಗಿ ಫಲಿತಾಂಶದ ವೆಬ್ಸೈಟ್ಗೆ ಹೋಗಲು ಇಲ್ಲಿ ಕ್ಲಿಕ್ ಮಾಡಿ. ಈ ವೆಬ್ಸೈಟ್ಗಳಲ್ಲಿಯೂ jeemain.nta.nic.in, ntaresults.ac.in, nta.ac.in ಫಲಿತಾಂಶ ಲಭ್ಯವಿದೆ.
ಫಲಿತಾಂಶ ನೋಡುವುದು ಹೇಗೆ
jeemain.nta.nic.in ವೆಬ್ಸೈಟ್ಗೆ ಹೋಗಿ. JEE Main 2022 session 1 ಫಲಿತಾಂಶದ ಲಿಂಕ್ ಮೇಲೆ ಕ್ಲಿಕ್ ಮಾಡಿ. ಅಗತ್ಯ ಮಾಹಿತಿ ನೀಡಿದ ನಂತರ Submit ಬಟನ್ ಕ್ಲಿಕ್ ಮಾಡಿ. ಸ್ಕ್ರೀನ್ ಮೇಲೆ ನಿಮ್ಮ ಫಲಿತಾಂಶ ಕಾಣಿಸುತ್ತದೆ.
ಫಲಿತಾಂಶವನ್ನು ನೋಡಿಕೊಳ್ಳಿ. ಡೌನ್ಲೋಡ್ ಬಟನ್ ಕ್ಲಿಕ್ ಮಾಡಿ. ಮುಂದಿನ ಉಪಯೋಗಕ್ಕಾಗಿ ಒಂದು ಪ್ರಿಂಟೌಟ್ ತೆಗೆದು ಇರಿಸಿಕೊಳ್ಳಿ. ಜೆಇಇ ಮುಖ್ಯ ಪರೀಕ್ಷೆ ತೆಗೆದುಕೊಳ್ಳಲು 2,50,000 ಮಂದಿಗೆ ಅವಕಾಶವಿದೆ. ನಿಮ್ಮ ರ್ಯಾಂಕಿಂಗ್ ಇಷ್ಟರ ಒಳಗೆ ಬಂದರೆ ಮಾತ್ರ ಬಿಇ, ಬಿ-ಟೆಕ್ಗೆ (ಎಲ್ಲ ವರ್ಗಗಳೂ ಸೇರಿದಂತೆ) ಪ್ರವೇಶ ಪರೀಕ್ಷೆ ತೆಗೆದುಕೊಳ್ಳಲು ಅವಕಾಶ ಸಿಗುತ್ತದೆ.
ಜೆಇಇ ಸೆಷನ್ 2 ಮುಖ್ಯ ಪರೀಕ್ಷೆಗಳು (JEE Main 2022 Session 2) ಜುಲೈ 21, 22, 23, 24, 25, 26, 27, 28, 29 ಮತ್ತು 30ರಂದು ನಡೆಯಲಿದೆ. ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆಯು ಮೊದಲ ಸೆಷನ್ನ ಫಲಿತಾಂಶಗಳನ್ನು ಮಾತ್ರ ಪ್ರಕಟಿಸಿದೆ. ರಾಷ್ಟ್ರಮಟ್ಟದ ರ್ಯಾಂಕ್ ಮತ್ತು ಕೌನ್ಸೆಲಿಂಗ್ಗೆ ಬಳಸುವ ಕಟ್ ಆಫ್ ಅಂಕಗಳನ್ನು ಸೆಷನ್ 2ರ ಪರೀಕ್ಷೆಗಳ ನಂತರವಷ್ಟೇ ಪ್ರಕಟಿಸುತ್ತದೆ.
Published On - 8:44 am, Mon, 11 July 22
