Bangalore: ಒಂದೇ ಮತಗಟ್ಟೆಯಲ್ಲಿ ಸರದಿ ಸಾಲಲ್ಲಿದ್ದ 8000 ಜನರು ಮತದಾನ ಮಾಡದೆ ವಾಪಸ್! ಹೌದಾ?

ಬೆಂಗಳೂರು: ಬೆಂಗಳೂರು ದಕ್ಷಿಣ (Bangalore South) ವಿಧಾನಸಭಾ ಕ್ಷೇತ್ರದ ದೊಡ್ಡ ನಾಗಮಂಗಲದಲ್ಲಿ ಸುಮಾರು 8000 ಮತದಾರರು ಒಂದೇ ಮತಗಟ್ಟೆ ಕೇಂದ್ರದಲ್ಲಿ (Voting Center) ಸರದಿ ಸಾಲಿನಲ್ಲಿ ನಿಂತು ಮತದಾನ ಮಾಡಲಾಗದೆ ವಾಪಾಸ್ ಆಗಿದ್ದಾರೆ ಎಂಬ ಮಾಹಿತಿ ಹರಿದಾಡುತ್ತಿದೆ. ಈ ಬಗ್ಗೆ 176-ಬೆಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರದ ಚುನಾವಣಾಧಿಕಾರಿಗಳು ಜಿಲ್ಲಾ ಚುನಾವಣಾಧಿಕಾರಿಗಳಿಗೆ ಸ್ಪಷ್ಟನೆ ನೀಡಿದ್ದು, ಒಂದೇ ಮತಗಟ್ಟೆಯಲ್ಲಿ 8000 ಮತದಾರರಿರುವ ಅಂಶವು ತಪ್ಪು ಮಾಹಿತಿಯಾಗಿರುತ್ತದೆ ಎಂದು ತಿಳಿಸಿದ್ದಾರೆ.

ದೊಡ್ಡನಾಗಮಂಗಲದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮತಗಟ್ಟೆ ಸಂಖ್ಯೆ: 327, 328, 329 ಮತ್ತು 329ಎ ರಲ್ಲಿ ಒಟ್ಟು 4 ಮತಗಟ್ಟೆಗಳಿವೆ. ಈ ಪೈಕಿ ಮತಗಟ್ಟೆ ಸಂಖ್ಯೆ 327 ರಲ್ಲಿ ಒಟ್ಟು 1786 ಮತದಾರರಿದ್ದು, 328ರಲ್ಲಿ 2121 ಮತದಾರರು, 329ರಲ್ಲಿ 1127 ಮತದಾರರು ಹಾಗೂ 329ಎ ಯಲ್ಲಿ 1126 ಮತದಾರರು ಇದ್ದಾರೆ.

ಒಟ್ಟು 3 ಮತಗಟ್ಟೆಗಳಲ್ಲಿ ಮತದಾರರ ಸಂಖ್ಯೆ, 1500 ಮೀರಿದೆ. ಸರ್ಕಾರಿ ಶಾಲೆಯ ನೆಲಮಹಡಿಯಲ್ಲಿ 4 ಕೊಠಡಿಗಳು ಮಾತ್ರ ಇದ್ದು, ಮತಗಟ್ಟೆ ಸಂಖ್ಯೆ 329 ರಲ್ಲಿ ಒಟ್ಟು 2253 ಮತದಾರರು ಇದ್ದೂದರಿಂದ ಮತಗಟ್ಟೆಯನ್ನು 4ನೇ ಕೊಠಡಿಗೆ 3294 ಹೆಚ್ಚುವರಿ ಮತಗಟ್ಟೆ ಎಂದು ಪರಿಗಣಿಸಲಾಗಿರುತ್ತದೆ. ಉಳಿದಂತೆ ಶಾಲಾ ಕಟ್ಟಡದ ನೆಲಮಹಡಿಯಲ್ಲಿ 3 ಕೊಠಡಿಗಳು ಮಾತ್ರ ಇದ್ದುದರಿಂದ ಭಾರತ ಚುನಾವಣಾ ಆಯೋಗದ ನಿರ್ದೇಶನದಂತೆ ಸರ್ಕಾರಿ ಶಾಲೆ, ಗ್ರಾಮದ ಸರಹದ್ದು ಮತ್ತು ನೆಲಮಹಡಿಯಲ್ಲಿ ಮತಗಟ್ಟೆ ಸ್ಥಾಪಿಸಬೇಕೆಂಬ ಮಾನದಂಡದ ಹಿನ್ನಲೆಯಲ್ಲಿ ಮತಗಟ್ಟೆ ಸಂಖ್ಯೆ: 327, 328 ಮತ್ತು 329 ನ್ನು ನೆಲಮಹಡಿಯಲ್ಲಿ ಸ್ಥಾಪಿಸಲಾಗಿದೆ.

ಇದನ್ನೂ ಓದಿ: ಮತದಾನಕ್ಕೆ ಹೋಗುತ್ತಿದ್ದಾಗ ಆನೆ ದಾಳಿ, ವ್ಯಕ್ತಿ ಸಾವು; ಇಂದು ಮತದಾನದ ನಂತರ ಸಾವನ್ನಪ್ಪಿದವರು ಎಷ್ಟು ಗೊತ್ತಾ?

ಸರ್ಕಾರಿ ಪ್ರಾಥಮಿಕ ಶಾಲೆಯ ಕಾಂಪೌಂಡ್​ಗೆ ಒಂದೇ ಗೇಟ್ ಇದ್ದು, 4 ಮತಗಟ್ಟೆಗಳ ಮತದಾರರು ಅದೇ ಗೇಟ್ ಮೂಲಕ ಪುಥಮ ಹಂತದಲ್ಲಿ ಪುವೇಶ ಮಾಡಿ 4 ಮತಗಟ್ಟೆಗಳಿಗೆ ತೆರಳಲು ಅವಕಾಶ ಕಲ್ಪಿಸಲಾಗಿದೆ. ಮತದಾನ ಪ್ರಾರಂಭವಾದ ಸಂದರ್ಭದಲ್ಲಿ 4 ಮತಗಟ್ಟೆಗಳಿಗೆ ಸೇರಿದ ಮತದಾರರು ಮಾಹಿತಿ ಕೊರತೆಯಿಂದಾಗಿ ಒಂದೇ ಸರದಿ ಸಾಲಿನಲ್ಲಿ ಪ್ರವೇಶ ಮಾಡಲು ಯತ್ನಿಸಿದಾಗ ಗೊಂದಲ ಉಂಟಾಗಿದೆ.

ವಿಷಯ ತಿಳಿದ ನಂತರ ತಹಶೀಲ್ದಾರ್ ಬೆಂಗಳೂರು ದಕ್ಷಿಣ ತಾಲ್ಲೂಕು ಹಾಗೂ ಸಹಾಯಕ ಚುನಾವಣಾಧಿಕಾರಿ ಇವರು ಸ್ಥಳಕ್ಕೆ ಖುದ್ದು ಭೇಟಿ ನೀಡಿ ಮತದಾರರಿಗೆ, ಚುನಾವಣಾ ಸಿಬ್ಬಂದಿಯವರಿಗೆ ಮತ್ತು ಪೊಲೀಸ್ ಸಿಬ್ಬಂದಿಗೆ ಸರಿಯಾದ ತಿಳುವಳಿಕೆ ನೀಡಿ ಸರದಿ ಸಾಲಿನ ವ್ಯವಸ್ಥೆ ಹಾಗೂ ಮತದಾರರಿಗೆ ಕುಳಿತುಕೊಳ್ಳಲು ಖುರ್ಚಿ, ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿದೆ.

ತದನಂತರ ಸಂಜೆ 06.00 ಗಂಟೆಗೆ ಮತಗಟ್ಟೆ ಸಂಖ್ಯೆ: 327, 329 ಮತ್ತು 329ಎ ರಲ್ಲಿನ ಎಲ್ಲಾ ಮತದಾರರು ಮತದಾನ ಮಾಡಿದ್ದು, ಮತಗಟ್ಟೆ ಸಂಖ್ಯೆ: 328ರಲ್ಲಿ ಮಾತ್ರ ಸರತಿ ಸಾಲಿನಲ್ಲಿದ್ದ 44 ಮಂದಿಗೆ ಟೋಕನ್‌ ನೀಡಿ ಮತದಾನ ಮಾಡಿಸಲಾಗಿರುತ್ತದೆ. ಮತದಾನವು ಸುಗಮವಾಗಿ ನಡೆದಿರುತ್ತದೆ ಎಂದು ತಿಳಿಸಿದ್ದಾರೆ.

ವಿಧಾನಸಭೆ ಚುನಾವಣೆ ತಾಜಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ