TV9 Bharatvarsh Exit Poll: ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿಗಿಂತ ಬಿಜೆಪಿಯೇ ಮೇಲುಗೈ, ಯಾವ್ಯಾವ ಪಕ್ಷಕ್ಕೆ ಎಷ್ಟೆಷ್ಟು ಸ್ಥಾನ?

ಲೋಕಸಭಾ ಚುನಾವಣೆ(Lok Sabha Election)ಯ ಅಂತಿಮ ಹಂತದ ಮತದಾನ ಶನಿವಾರ ಕೊನೆಗೊಂಡಿದೆ. ಕೊನೆಯ ಹಂತದಲ್ಲಿ ಪಶ್ಚಿಮ ಬಂಗಾಳದ 9 ಲೋಕಸಭಾ ಕ್ಷೇತ್ರಗಳಲ್ಲಿ ಚುನಾವಣೆ ನಡೆದಿತ್ತು. ಬಂಗಾಳದ 42 ಲೋಕಸಭಾ ಸ್ಥಾನಗಳಿಗೆ ಒಟ್ಟು ಏಳು ಹಂತಗಳಲ್ಲಿ ಮತದಾನ ನಡೆದಿದೆ. ಮತದಾನದ ಬಳಿಕ ಎಲ್ಲರ ಚಿತ್ತ ಜೂನ್​ 4ರ ಫಲಿತಾಂಶದ ಮೇಲೆ ನೆಟ್ಟಿದೆ.

ಪಶ್ಚಿಮ ಬಂಗಾಳದಲ್ಲಿ ಮಮತಾ ಬ್ಯಾನರ್ಜಿ ನೇತೃತ್ವದಲ್ಲಿ ಟಿಎಂಸಿ ಬಾವುಟ ಮತ್ತೆ ರಾರಾಜಿಸಲಿದೆಯೇ ಅಥವಾ ಪ್ರಧಾನಿ ನರೇಂದ್ರ ಮೋದಿ ಅವರ ಮ್ಯಾಜಿಕ್ ಕೆಲಸ ಮಾಡಲಿದೆಯೇ ಎಂಬುದು ಸ್ಪಷ್ಟವಾಗಲಿದೆ.

ಮುಂದಿನ ಐದು ವರ್ಷಗಳಲ್ಲಿ ಯಾರ ಸರ್ಕಾರವು ದೇಶವನ್ನು ಆಳಲಿದೆ ಎಂಬುದು ಹೆಚ್ಚಿನ ಪ್ರಮಾಣದಲ್ಲಿ ಸ್ಪಷ್ಟವಾಗುತ್ತದೆ.
ಆದರೆ ಅದಕ್ಕೂ ಮುನ್ನ ನಾವು TV9 ಭಾರತವರ್ಷ್​ ಅತ್ಯಂತ ವಿಶ್ವಾಸಾರ್ಹ ಚುನಾವಣೋತ್ತರ ಸಮೀಕ್ಷೆಯನ್ನು ಪ್ರಸ್ತುತಪಡಿಸಿದೆ.

ಸಮೀಕ್ಷೆ ಪ್ರಕಾರ ಬಿಜೆಪಿ 21 ಸ್ಥಾನಗಳು, ಟಿಎಂಸಿ 20 ಹಾಗೂ ಕಾಂಗ್ರೆಸ್​ 1 ಸ್ಥಾನದಲ್ಲಿ ಜಯಗಳಿಸಲಿದೆ ಎಂದು ಹೇಳಿದೆ.
ಟಿವಿ9 ಭಾರತವರ್ಷ್, ಪೀಪಲ್ಸ್ ಇನ್‌ಸೈಟ್, ಪೋಲ್‌ಸ್ಟ್ರಾಟ್ ಮತ್ತು ಟಿವಿ9 ಸಹಯೋಗದೊಂದಿಗೆ ಮಾಡಿದ ಅತ್ಯಂತ ವಿಶ್ವಾಸಾರ್ಹ ಎಕ್ಸಿಟ್​ ಪೋಲ್ ನಿಮ್ಮ ಮುಂದಿದೆ.

ಮತ್ತಷ್ಟು ಓದಿ: Chanakya Exit Poll 2024: ಲೋಕಸಭೆ ಚುನಾವಣೆಯಲ್ಲಿ ಯಾರಿಗೆ ಬಹುಮತ? ಚಾಣಕ್ಯ ಮತಗಟ್ಟೆ ಸಮೀಕ್ಷೆ ಹೀಗಿದೆ

ಪಶ್ಚಿಮ ಬಂಗಾಳದ 42 ಲೋಕಸಭಾ ಸ್ಥಾನಗಳಿಗೆ ಏಳು ಹಂತಗಳಲ್ಲಿ ಮತದಾನ ನಡೆಸುವುದಾಗಿ ಚುನಾವಣಾ ಆಯೋಗ ಘೋಷಿಸಿತ್ತು. ಮೊದಲ ಹಂತದಲ್ಲಿ ಏಪ್ರಿಲ್ 19 ರಂದು ಮತ್ತು ಎರಡನೇ ಹಂತದಲ್ಲಿ ಏಪ್ರಿಲ್ 16 ರಂದು ತಲಾ ಮೂರು ಸ್ಥಾನಗಳು, ಮೇ 7 ರಂದು ಮೂರನೇ ಹಂತದಲ್ಲಿ 4 ಸ್ಥಾನಗಳು, ನಾಲ್ಕನೇ ಹಂತದಲ್ಲಿ ಮೇ 13 ರಂದು 8 ಸ್ಥಾನಗಳು, ಐದನೇ ಹಂತದಲ್ಲಿ , ಮೇ 20 ರಂದು, ಏಳು ಸ್ಥಾನಗಳಲ್ಲಿ ಮತ್ತು ಆರನೇ ಹಂತದಲ್ಲಿ, ಮೇ 25 ರಂದು 8 ಸ್ಥಾನಗಳಿಗೆ ಮತದಾನ ನಡೆಯಿತು. ಏಳನೇ ಮತ್ತು ಅಂತಿಮ ಹಂತದಲ್ಲಿ ಶನಿವಾರ ರಾಜ್ಯದ 9 ಸ್ಥಾನಗಳಿಗೆ ಮತದಾನ ನಡೆಯಿತು.

ಮತ್ತಷ್ಟು ಚುನಾವಣಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ