ಅಖಿಲೇಶ್​​​ನ್ನು ವಕಿಲೇಶ್ ಎಂದ ಕಮಲ್ ನಾಥ್; ಯಾರ ಹೆಸರಲ್ಲಿ ಕಮಲ ಇರುತ್ತೋ ಅವರು ಹೀಗಂತಾರೆ ಎಂದ ಎಸ್​​​ಪಿ ನಾಯಕ

ದೆಹಲಿ ಅಕ್ಟೋಬರ್ 21: ಸಮಾಜವಾದಿ ಪಕ್ಷದ (Samajwadi Party) ಮುಖ್ಯಸ್ಥ ಅಖಿಲೇಶ್ ಯಾದವ್ (Akhilesh Yadav) ಅವರು ಶನಿವಾರ ಮಧ್ಯಪ್ರದೇಶದ ಕಾಂಗ್ರೆಸ್ ನಾಯಕ ಕಮಲ್ ನಾಥ್ (Kamal Nath) ಅವರ ‘ಅಖಿಲೇಶ್-ವಖಿಲೇಶ್’ ಹೇಳಿಕೆಗೆ ಪ್ರತಿಕ್ರಿಯಿಸಿದ್ದು, ಯಾರ ಹೆಸರಲ್ಲಿ ‘ಕಮಲ್’ (ಕಮಲ)’ ಇದೆಯೋ ಅವರು ನನ್ನನ್ನು ಸರಿಯಾದ ಹೆಸರಿನಿಂದ ಕರೆಯುವುದಿಲ್ಲ ಎಂದಿದ್ದಾರೆ. ಕಮಲ್ ಎಂದರೆ ಹಿಂದಿಯಲ್ಲಿ ಕಮಲ ಎಂದರ್ಥ, ಇದು ಬಿಜೆಪಿಯ ಚುನಾವಣಾ ಚಿಹ್ನೆಯಾಗಿದೆ.ವಖಿಲೇಶ್ ಯಾರು ಎಂದು ಅವರು ಹೇಳಿದ್ದು ಸರಿಯೇ? ಅಖಿಲೇಶ್ ಇದ್ದಾರೆ. ಅವರು ಈ ರೀತಿಯ ವಿಷಯಗಳನ್ನು ಹೇಳಿದರೆ ಸಮಾಜವಾದಿ ಪಕ್ಷವೂ (ಅಂತಹವುಗಳು) ಹೇಳಬಹುದು, ಆದರೆ ನಾವು ಈ ರೀತಿ ಹೇಳುವುದಿಲ್ಲ. ಕಮಲ್ ನಾಥ್ ಜೊತೆ ನಮ್ಮ ಸಂಬಂಧ ತುಂಬಾ ಚೆನ್ನಾಗಿದೆ. ಅವನ ಹೆಸರು ತುಂಬಾ ಚೆನ್ನಾಗಿದೆ. ಯಾರ ಹೆಸರಲ್ಲಿ ‘ಕಮಲ್’ ಇದೆಯೋ ಅವರು ವಖಿಲೇಶ್ ಎಂದೇ ಕರೆಯುತ್ತಾರೆ, ಅಖಿಲೇಶ್ ಎಂದಲ್ಲ ಎಂದು ಹೇಳಿರುವುದಾಗಿ ಎಎನ್ಐ ವರದಿ ಮಾಡಿದೆ.

ಶುಕ್ರವಾರ, ತಮ್ಮ ಭದ್ರಕೋಟೆಯಾದ ಛಿಂದ್ವಾರಾದಲ್ಲಿ ಪ್ರಚಾರ ಮಾಡುವಾಗ ಕಮಲ್ ನಾಥ್ ಅವರು ತಮ್ಮ ಪಕ್ಷವು ನಿರೀಕ್ಷಿತ ಸಂಖ್ಯೆಗಳಿಗಿಂತ ಉತ್ತಮವಾಗಿ ಚುನಾವಣೆಯಲ್ಲಿ ಗೆಲ್ಲುತ್ತದೆ ಎಂದು ಹೇಳಿದರು. ಎಸ್‌ಪಿ ಮುಖ್ಯಸ್ಥ ಅಖಿಲೇಶ್ ಯಾದವ್ ಅವರು ಸೀಟು ಹಂಚಿಕೆ ವಿಚಾರದಲ್ಲಿ ಕಾಂಗ್ರೆಸ್ ವಿರುದ್ಧ ದ್ರೋಹ ಬಗೆದಿರುವ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಕಮಲ್ ನಾಥ್, “ಅರೆ ಭಾಯ್ ಛೋಡೋ ಅಖಿಲೇಶ್ ವಖಿಲೇಶ್ ಎಂದಿದ್ದಾರೆ.

ಇಂಡಿಯಾ ಮೈತ್ರಿಕೂಟದ ಪಾಲುದಾರರಾದ ಸಮಾಜವಾದಿ ಪಕ್ಷ ಮತ್ತು ಕಾಂಗ್ರೆಸ್ ನಡುವಿನ ಉದ್ವಿಗ್ನತೆಯ ಮಧ್ಯೆ ಮಧ್ಯಪ್ರದೇಶದಲ್ಲಿ ಚುನಾವಣೆಗೆ ಒಳಪಟ್ಟಿರುವ ಸೀಟುಗಳ ಹಂಚಿಕೆಗೆ ಸಂಬಂಧಿಸಿದಂತೆ ಮಾತಿನ ವಿನಿಮಯ ನಡೆದಿದೆ.

ಈ ವಾರದ ಆರಂಭದಲ್ಲಿ ಕಾಂಗ್ರೆಸ್ ಪಕ್ಷದ 144 ಅಭ್ಯರ್ಥಿಗಳ ಪಟ್ಟಿಯಿಂದ ಬಿರುಕು ಉಂಟಾಗಿದೆ. ಕಾಂಗ್ರೆಸ್‌ನ ಹಿರಿಯ ರಾಜಕಾರಣಿಗಳು ತನಗೆ ಕನಿಷ್ಠ ನಾಲ್ಕು ಸ್ಥಾನಗಳ ಭರವಸೆ ನೀಡಿದ್ದರು.ಆದರೆ ಯಾವುದೇ ಸಮಾಜವಾದಿ ಪಕ್ಷದ ಅಭ್ಯರ್ಥಿಗಳು ಪಟ್ಟಿಯಲ್ಲಿ ಕಾಣಿಸಿಕೊಂಡಿಲ್ಲ ಎಂದು ಅಖಿಲೇಶ್ ಯಾದವ್ ಹೇಳಿದ್ದಾರೆ.

ನಂತರ ಬಿಜೆಪಿ ವಿರುದ್ಧ ರಾಷ್ಟ್ರ ರಾಜಕಾರಣಕ್ಕಾಗಿ ಮೈತ್ರಿ ಮಾಡಿಕೊಳ್ಳಲಾಗಿದೆಯೇ ಹೊರತು ವಿಧಾನಸಭೆ ಚುನಾವಣೆಗೆ ಅಲ್ಲ ಎಂದು ಕಾಂಗ್ರೆಸ್ ಹೇಳಿದೆ. ನಿನ್ನೆ, ಅಖಿಲೇಶ್ ಯಾದವ್ ಪಕ್ಷದ ನಡೆಯನ್ನು “ದ್ರೋಹ” ಎಂದು ಬಣ್ಣಿಸಿದ್ದಾರೆ.

“ಈ ಗೊಂದಲವು ಮೇಲುಗೈ ಸಾಧಿಸಿದರೆ” ಇಂಡಿಯಾ ಮೈತ್ರಿಕೂಟವು ಬಿಜೆಪಿಯನ್ನು ಸೋಲಿಸಲು ಎಂದಿಗೂ ಸಾಧ್ಯವಾಗುವುದಿಲ್ಲ ಎಂದು ಯಾದವ್ ಶುಕ್ರವಾರ ಹೇಳಿದರು.

ಇದನ್ನೂ ಓದಿ: ಗೊಂದಲ ಮುಂದುವರಿದರೆ ಇಂಡಿಯಾ ಮೈತ್ರಿಕೂಟ ಯಶಸ್ವಿಯಾಗಲ್ಲ: ಕಾಂಗ್ರೆಸ್ ವಿರುದ್ಧ ಅಖಿಲೇಶ್ ಯಾದವ್ ಮತ್ತೆ ವಾಗ್ದಾಳಿ

2024 ರಲ್ಲಿ ದೇಶಕ್ಕೆ ದೊಡ್ಡ ಸವಾಲಿದೆ. ಬಿಜೆಪಿ ದೊಡ್ಡ ಪಕ್ಷ. ಇದು ಹೆಚ್ಚು ಸಂಘಟಿತ ಪಕ್ಷವಾಗಿದೆ. ಆದ್ದರಿಂದ ಅದನ್ನು ಎದುರಿಸಲು ಇಂಡಿಯಾ ಬ್ಲಾಕ್ ಯಾವುದೇ ಘಟಕಗಳಲ್ಲಿ ಯಾವುದೇ ಗೊಂದಲ ಇರಬಾರದು. ನೀವು ಗೊಂದಲದಿಂದ ಬಿಜೆಪಿಯನ್ನು ಎದುರಿಸಿದರೆ, ನೀವು ಯಶಸ್ವಿಯಾಗುವುದಿಲ್ಲ,” ಎಂದು ಅಖಿಲೇಶ್ ಹೇಳಿದ್ದಾರ.

ಅಖಿಲೇಶ್ ಯಾದವ್ ದಾಳಿಗೆ ಪ್ರತಿಕ್ರಿಯಿಸಿರುವ ಯುಪಿಸಿಸಿ ಅಧ್ಯಕ್ಷ ಅಜಯ್ ರೈ, ಸಮಾಜವಾದಿ ಪಕ್ಷವು ಪ್ರತ್ಯೇಕವಾಗಿ ಚುನಾವಣೆಯಲ್ಲಿ ಸ್ಪರ್ಧಿಸುವ ಮೂಲಕ ಬಿಜೆಪಿಗೆ ಸಹಾಯ ಮಾಡುತ್ತಿದೆ ಎಂದಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ