ಸ್ಯಾಂಡಲ್ ವುಡ್ ನಿಂದ ಬಾಲಿವುಡ್ ವರೆಗೂ ರಶ್ಮಿಕಾ ಹವಾ.. ಬಿಟೌನ್ ನಲ್ಲೂ ಕ್ರೇಜ್ ಹುಟ್ಟಿಸಿದ ಕನ್ನಡತಿ
ನಟಿ ರಶ್ಮಿಕಾ ಮಂದಣ್ಣ ಇನ್ನು ಕರುನಾಡ ಕ್ರಶ್ ಆಗಿ ಉಳಿದಿಲ್ಲ. ಸ್ಯಾಂಡಲ್‌ವುಡ್‌ನಿಂದ ಬಿಟೌನ್‌ವರೆಗೂ ತನ್ನ ಚಾಪನ್ನ ಮೂಡಿಸಿದ್ದಾರೆ. ಬಾಲಿವುಡ್‌ಗೆ ಎಂಟ್ರಿ ಆಗಿರೋ ರಶ್ಮಿಕಾಗೆ ರೆಡ್‌ ಕಾರ್ಪೆಟ್‌ ಹಾಸಲಾಗಿದೆ. ಹಾಗಿದ್ರೆ ರಶ್ಮಿಕಾ ಬಾಲಿವುಡ್ ಹವಾ ಹೇಗಿದೆ ಅನ್ನೋದರ ಡಿಟೇಲ್ಸ್ ಇಲ್ಲಿದೆ.
ಕರುನಾಡಿನ ಕುವರಿ ರಶ್ಮಿಕಾ ಮಂದಣ್ಣ ಬಗ್ಗೆ ಇಡೀ ಇಂಡಿಯಾನೇ ಮಾತನಾಡುತ್ತಿದೆ. ಸ್ಯಾಂಡಲ್‌ವುಡ್‌ನಿಂದ ಹಿಡಿದು ಬಾಲಿವುಡ್‌ವರೆಗೂ ಸದ್ಯ ರಶ್ಮಿಕಾಳದ್ದೇ ಹವಾ. ಕನ್ನಡದಲ್ಲಿ ಪೊಗರು.. ತೆಲುಗಿನಲ್ಲಿ ಪುಷ್ಪ ಮತ್ತು ತಮಿಳಿನಲ್ಲಿ ಸುಲ್ತಾನ್‌ ಸಿನಿಮಾ ಮೂಲಕ ರಶ್ಮಿಕಾ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಸದ್ಯ ಸುಲ್ತಾನ್‌ ಟೀಸರ್ ಕೂಡ ರಿಲೀಸ್‌ ಆಗಿದ್ದು, ರಶ್ಮಿಕಾ ಲುಕ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಅಷ್ಟಕ್ಕೂ ಮೊದಲ ಸಿನಿಮಾದಲ್ಲೇ ಕರುನಾಡ ಕ್ರಶ್ ಅನಿಸಿಕೊಂಡಿದ್ರು ನಟಿ ರಶ್ಮಿಕಾ ಮಂದಣ್ಣ. ಆದ್ರೆ ರಶ್ಮಿಕಾ ಮಂದಣ್ಣ ಈಗ ಕೇವಲ ಕರುನಾಡ ಕ್ರಶ್ ಆಗಿ ಮಾತ್ರ ಉಳಿದಿಲ್ಲ. ಯಾಕಂದ್ರೆ ಆಕೆಗೆ ನ್ಯಾಷನಲ್‌ ಕ್ರಶ್ ಅನ್ನೋ ಬಿರುದು ಕೊಟ್ಟಿದೆ.
ರಶ್ಮಿಕಾಗೆ ಬಾಲಿವುಡ್ ರೆಡ್‌ ಕಾರ್ಪೆಡ್
ಹೌದು.. ರಶ್ಮಿಕಾ ಮಂದಣ್ಣ ಕನ್ನಡದಿಂದ ಸಿನಿಮಾ ಜರ್ನಿ ಶುರು ಮಾಡಿ. ತೆಲುಗು.. ತಮಿಳಿನಲ್ಲಿ ಮಿಂಚಿ ಈಗ ಬಾಲಿವುಡ್‌ಗೆ ಭರ್ಜರಿಯಾಗಿ ಎಂಟ್ರಿ ಕೊಟ್ಟಿದ್ದಾರೆ. ಸಿದ್ಧಾರ್ಥ್ ಮಲ್ಹೋತ್ರ ಜೊತೆಗೆ ಮಿಷನ್‌ ಮಜ್ನು ಸಿನಿಮಾದಲ್ಲಿ ರಶ್ಮಿಕಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ರಶ್ಮಿಕಾಗೆ ಬಾಲಿವುಡ್ ರೆಡ್‌ ಕಾರ್ಪೆಡ್ ಹಾಸಿದೆ. ಅಷ್ಟೇ ಅಲ್ಲ ರಶ್ಮಿಕಾಳಷ್ಟು ಸ್ವೀಟೆಸ್ಟು ಮತ್ಯಾರು ಇಲ್ಲ ಅಂತಿದೆ ಬಿಟೌನ್.
ಸಿನಿಮಾ ಜರ್ನಿ ಎಲ್ಲರಿಗೂ ಅಷ್ಟು ಸುಲಭ ಇರೋದಿಲ್ಲ. ಅದ್ರಲ್ಲೂ ಸೌತ್‌ ಸಿನಿದುನಿಯಾದಿಂದ ಬಾಲಿವುಡ್ ಎಂಟ್ರಿಗೆ ಎಷ್ಟೋ ಮಂದಿ ಕಷ್ಟಪಡ್ತಿರುತ್ತಾರೆ. ಆದ್ರೆ ರಶ್ಮಿಕಾ ಮಾತ್ರ ಲಕ್ಕಿ ಗರ್ಲ್. ಬಾಲಿವುಡ್‌ನಲ್ಲೂ ರಶ್ಮಿಕಾಗೆ ಅವಕಾಶ ಸಿಕ್ಕಿದೆ. ಈ ಮೂಲಕ ಬಾಲಿವುಡ್‌ನಲ್ಲೇ ದೊಡ್ಡ ಮಟ್ಟಿಗೆ ಬೆಳೆಯೋ ಸೂಚನೆಯನ್ನ ಕೊಟ್ಟಿದ್ದಾರೆ.
1 ಕೋಟಿ ಬೆಲೆ ಬಾಳುವ ಕಾರು ಖರೀದಿಸಿದ ನಮ್ಮ ಕೂರ್ಗ್ ಬೆಡಗಿ ನಟಿ ರಶ್ಮಿಕಾ ಮಂದಣ್ಣ
Published On - 6:50 am, Wed, 3 February 21