‘ಪ್ರೀತಿ ಮೇಲೆ ಏಕೆ ಕೈ ಇಟ್ಟೆ?’; ಕಿಯಾರಾ ಅಡ್ವಾಣಿ ಮದುವೆ ಆದ ಸಿದ್ದಾರ್ಥ್​​ಗೆ ಶಾಹಿದ್ ಪ್ರಶ್ನೆ

ಶಾಹಿದ್ ಕಪೂರ್ (Shahid Kapoor) ಹಾಗೂ ಕಿಯಾರಾ ಅಡ್ವಾಣಿ ನಟನೆಯ ‘ಕಬೀರ್ ಸಿಂಗ್​’ ಸಿನಿಮಾ ರಿಲೀಸ್ ಆಯಿತು. ಈ ಚಿತ್ರದಿಂದ ಶಾಹಿದ್ ಹಾಗೂ ಕಿಯಾರಾ ದೊಡ್ಡ ಗೆಲುವು ಕಂಡರು. ಈ ಚಿತ್ರದಲ್ಲಿ ಪ್ರೀತಿ ಪಾತ್ರ ಮಾಡಿದ್ದರು ಕಿಯಾರಾ. ಪ್ರೀತಿ ಬಿಟ್ಟು ಹೋದಾಗ ಕಬೀರ್ (ಶಾಹಿದ್​) ರಸ್ತೆ ಮೇಲೆ ಓಡುತ್ತಾನೆ. ಆಕೆಯನ್ನು ಬೇರೆಯವರು ಮುಟ್ಟಿದಾಗ ಅವರಿಗೆ ಹೊಡೆಯುತ್ತಾನೆ. ಈಗ ಕಿಯಾರಾ (Kiara Advani) ಹಾಗೂ ಸಿದ್ದಾರ್ಥ್​​ಗೆ ಮದುವೆ ಆದ ಬೆನ್ನಲ್ಲೇ ‘ಕಬೀರ್​ ಸಿಂಗ್’ ಚಿತ್ರದ ಪೋಸ್ಟರ್​ಗಳನ್ನು ಮೀಮ್​ಗಳಲ್ಲಿ ಬಳಕೆ ಮಾಡಿಕೊಳ್ಳಲಾಗುತ್ತಿದೆ.

ಕಿಯಾರಾ ಅಡ್ವಾಣಿ ಹಾಗೂ ಸಿದ್ದಾರ್ಥ್ ಫೆಬ್ರವರಿ 7ರಂದು ಮದುವೆ ಆದರು. ರಾಜಸ್ಥಾನದ ಜೈಸಲ್ಮೇರ್​ನಲ್ಲಿ ಈ ವಿವಾಹ ನಡೆದಿದೆ. ಕಿಯಾರಾ ಹಾಗೂ ಸಿದ್ದಾರ್ಥ್ ಫೆ.7ರ ರಾತ್ರಿ ಸೋಶಿಯಲ್ ಮೀಡಿಯಾದಲ್ಲಿ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಈ ಫೋಟೋಗೆ ಫ್ಯಾನ್ಸ್ ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಅನೇಕರು ಈ ದಂಪತಿಗೆ ಶುಭಾಶಯ ಕೋರಿದರೆ ಇನ್ನೂ ಕೆಲವರು ಮೀಮ್​ಗಳನ್ನು ಪೋಸ್ಟ್​ ಮಾಡುತ್ತಿದ್ದಾರೆ.

‘ಕಬೀರ್ ಸಿಂಗ್​’ ಸಿನಿಮಾದಲ್ಲಿ ಪ್ರೀತಿ ಮದುವೆ ವೇಳೆ ಕಬೀರ್ ಇಂಜಕ್ಷನ್ ತೆಗೆದುಕೊಳ್ಳುತ್ತಾನೆ. ಹಲವು ಗಂಟೆ ಆತನಿಗೆ ಪ್ರಜ್ಞೆ ಇರುವುದಿಲ್ಲ. ಕಬೀರ್ ಬೆಡ್​ ಮೇಲೆ ಮಲಗಿರುವ ಫೋಟೋನ ಕಿಯಾರಾ ಮದುವೆ ಫೋಟೋ ಪೋಸ್ಟ್​ನ ಕಮೆಂಟ್ ಬಾಕ್ಸ್​​ನಲ್ಲಿ ಹಾಕಿರುವ ಫ್ಯಾನ್ಸ್ ‘ನಿಮ್ಮ ಫೋಟೋ ನೋಡಿ ಶಾಹಿದ್ ಕಪೂರ್ ಇಂಜಕ್ಷನ್ ತೆಗೆದುಕೊಂಡು ಮಲಗಿರಬಹುದು’ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: ಕಿಯಾರಾ ಅಡ್ವಾಣಿ-ಸಿದ್ದಾರ್ಥ್ ಮಲ್ಹೋತ್ರ ವಿವಾಹದ ಕ್ಷಣದ ಫೋಟೋ ವೈರಲ್

ಇನ್ನೂ ಕೆಲವರು ಶಾಹಿದ್ ಕಪೂರ್ ರಸ್ತೆಯಮೇಲೆ ಓಡಿ ಬರುತ್ತಿರುವ ವಿಡಿಯೋನ ಅಪ್​ಲೋಡ್ ಮಾಡಿದ್ದಾರೆ. ‘ಕಿಯಾರಾ ಹಾಗೂ ಸಿದ್ದಾರ್ಥ್ ಮದುವೆ ನಿಲ್ಲಿಸೋಕೆ ಶಾಹಿದ್ ಓಡಿ ಬರುತ್ತಿದ್ದಾರೆ ಎಂದು ಕಾಲೆಳೆದಿದ್ದಾರೆ. ‘ಈಗ ಕಬೀರ್ ಸಿಂಗ್​ನ ಪರಿಸ್ಥಿತಿ’ ಎಂದು ಶಾಹಿದ್ ಮದ್ಯಪಾನ ಮಾಡುತ್ತಿರುವ ಫೋಟೋನ ಪೋಸ್ಟ್ ಮಾಡಲಾಗಿದೆ. ‘ಪ್ರೀತಿ ಮೇಲೆ ಏಕೆ ಕೈ ಇಟ್ಟೆ’ ಎಂದು ಶಾಹಿದ್ ಕೂಗುತ್ತಿರುವ ಫೋಟೋಗಳನ್ನು ಪೋಸ್ಟ್ ಮಾಡಲಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ