ಸ್ವರಾ ಭಾಸ್ಕರ್ ತೂಕ ಏರಿಕೆಗೆ ಕಾರಣವಾಗಿದ್ದೇನು? ಇದರಿಂದ ತಪ್ಪಿತಾ ಹಲವು ಸಿನಿಮಾ ಅವಕಾಶ?

ಹಿಂದಿ ನಟಿ ಸ್ವರಾ ಭಾಸ್ಕರ್ (Swara Bhaskar) ಅವರಿಗೆ ಇಂದು (ಏಪ್ರಿಲ್ 9 ) ಜನ್ಮದಿನ. ಅವರಿಗೆ ಶುಭಾಶಯಗಳು ಬರುತ್ತಾ ಇವೆ. ಇನ್​ಸ್ಟಾಗ್ರಾಮ್​ನಲ್ಲಿ 9 ಲಕ್ಷ ಹಿಂಬಾಲಕರನ್ನು ಹೊಂದಿರೋ ಸ್ವರಾ ಭಾಸ್ಕರ್ ಅವರು ಇತ್ತೀಚೆಗೆ ತೂಕ ಹೆಚ್ಚಿಸಿಕೊಂಡಿದ್ದಾರೆ. ಮೊದಲು ತೆಳ್ಳಗೆ ಇದ್ದ ಅವರು ಈಗ ಗುರುತೇ ಸಿಗದಷ್ಟು ದಪ್ಪ ಆಗಿದ್ದಾರೆ. ಸ್ವರಾ ಭಾಸ್ಕರ್ ಅವರು ಇಷ್ಟು ದಪ್ಪ ಆಗಲು ಕಾರಣ ಏನು? ಇದರಿಂದ ಸಿನಿಮಾ ಅವಕಾಶ ಕೈ ತಪ್ಪಿತೇ? ಈ ಪ್ರಶ್ನೆಗಳಿಗೆ ಅವರು ಈ ಮೊದಲು ಉತ್ತರ ನೀಡಿದ್ದರು.

ಸ್ವರಾ ಭಾಸ್ಕರ್ ಅವರು ರಾಜಕಾರಣಿ ಫಹಾದ್ ಅಹ್ಮದ್ ಅವರನ್ನು ವಿವಾಹ ಆದರು. 2023ರಲ್ಲಿ ದಂಪತಿಗೆ ಹೆಣ್ಣು ಮಗು ಜನಿಸಿದ್ದು, ರಬಿಯಾ ಎಂದು ನಾಮಕರಣ ಮಾಡಲಾಗಿದೆ. ಅವರು ಆ ಬಳಿಕ ಸಾರ್ವಜನಿಕವಾಗಿ ಕಾಣಿಸಿಕೊಂಡಾಗ ದೇಹದ ತೂಕ ಹೆಚ್ಚಿಸಿಕೊಂಡಿದ್ದು ಕಂಡು ಬಂದಿತ್ತು. ಇದರಿಂದ ಅವಕಾಶ ತಪ್ಪಿದೆ ಎಂದು ಹೇಳಲಾಗಿತ್ತು. ಇದಕ್ಕೆ ಸ್ವರಾ ಉತ್ತರಿಸಿದ್ದರು.

‘ಸ್ವರಾ ಭಾಸ್ಕರ್ ತೂಕ ಏರಿಸಿಕೊಂಡಿದ್ದರಿಂದ ಅವರಿಗೆ ಅವಕಾಶ ಸಿಗುತ್ತಿಲ್ಲ’ ಎಂದು ವರದಿ ಆಗಿತ್ತು. ಇದಕ್ಕೆ ಪ್ರತಿಕ್ರಿಯಿಸಿದ್ದ ಅವರು, ‘ಕೆಲ ತಿಂಗಳ ಹಿಂದೆ ನಾನು ಮಗುವಿಗೆ ಜನ್ಮ ಕೊಟ್ಟಿದ್ದೇನೆ. ಇದರಿಂದ ತೂಕ ಹೆಚ್ಚಿದೆ. ದಯವಿಟ್ಟು ಯಾರಾದರೂ ಈ ಪ್ರತಿಭೆಗಳಿಗೆ ಹೆರಿಗೆಯ ಶರೀರಶಾಸ್ತ್ರವನ್ನು ವಿವರಿಸಬಹುದೇ’ ಎಂದು ಕೋರಿದ್ದರು.

ಸ್ವರಾ ಭಾಸ್ಕರ್ ಅವರು ಸಿನಿಮಾಗಳನ್ನು ಮಾಡಿ ಫೇಮಸ್ ಆದರು. 2010ರಿಂದ ಅವರು ಸಿನಿಮಾ ರಂಗದಲ್ಲಿ ತೊಡಗಿಕೊಂಡಿದದಾರೆ. 2014ರಲ್ಲಿ ಅವರಿಗೆ ಕಿರುತೆರೆಗಳಿಂದ ಆಫರ್​ಗಳು ಬಂದವು. 2022ರಲ್ಲಿ ರಿಲೀಸ್ ಆದ ‘ಜಹಾನ್ ಚಾರ್ ಯಾರ್’ ಸಿನಿಮಾ ಬಳಿಕ ಅವರು ಅಷ್ಟಾಗಿ ತೆರೆಮೇಲೆ ಬ್ಯುಸಿ ಇಲ್ಲ. ರಬಿನಾ ಆರೈಕೆಯಲ್ಲಿ ಅವರು ಬ್ಯುಸಿ ಇದ್ದಾರೆ. ಸೋಶಿಯಲ್ ಮೀಡಿಯಾಗಳಲ್ಲಿ ಫೋಟೋಗಳನ್ನು ಸ್ವರಾ ಭಾಸ್ಕರ್ ಅವರು ಹಂಚಿಕೊಳ್ಳುತ್ತಾ ಇರುತ್ತಾರೆ.

ಇದನ್ನೂ ಓದಿ: ‘ನಿಮಗೂ ಫ್ರಿಡ್ಜ್ ಗತಿ ಬರಬಹುದು’; ಮುಸ್ಲಿಂನನ್ನು ಮದುವೆ ಆಗಿದ್ದಕ್ಕೆ ನಟಿ ಸ್ವರಾ ಭಾಸ್ಕರ್ ವಿರುದ್ಧ ಕಿರಿಕಾಡಿದ ಸಾಧ್ವಿ ಪ್ರಾಚಿ

ಮಗು ಜನಿಸಿ ವರ್ಷಗಳೇ ಕಳೆದರು ಅವರು ದೇಹದ ತೂಕ ಇಳಿಸಿಕೊಂಡಿಲ್ಲ ಏಕೆ ಎಂದು ಕೆಲವರು ಪ್ರಶ್ನೆ ಮಾಡಿದ್ದು ಇದೆ. ಆದರೆ, ಇದಕ್ಕೆ ಅವರು ಹೆಚ್ಚು ತಲೆಕೆಸಿಕೊಂಡಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.