Harry Styles: ಶೂ ಒಳಗೆ ನೀರು ಹಾಕಿಕೊಂಡು ಕುಡಿದ ಗಾಯಕ ಹ್ಯಾರಿ ಸ್ಟೈಲ್ಸ್​; ವಿಡಿಯೋ ನೋಡಿ ಅಸಹ್ಯ ಎಂದ ನೆಟ್ಟಿಗರು

ಇಂಗ್ಲೆಂಡ್​ನ ಜನಪ್ರಿಯ ಗಾಯಕ, ನಟ, ಗೀತರಚನಕಾರ ಹ್ಯಾರಿ ಸ್ಟೈಲ್ಸ್​ (Harry Styles) ಅವರು ವಿಶ್ವಾದ್ಯಂತ ಖ್ಯಾತಿ ಹೊಂದಿದ್ದಾರೆ. 29ರ ಪ್ರಾಯದ ಈ ಗಾಯಕನಿಗೆ ಕೋಟ್ಯಂತರ ಅಭಿಮಾನಿಗಳಿದ್ದಾರೆ. ಗ್ರ್ಯಾಮಿ ಅವಾರ್ಡ್ಸ್​ ಹಲವು ಪ್ರತಿಷ್ಠಿತ ಪ್ರಶಸ್ತಿಗಳನ್ನು ಬಾಚಿಕೊಂಡಿರುವ ಹ್ಯಾರಿ ಸ್ಟೈಲ್ಸ್​ ಅವರು ಪ್ರಪಂಚದ ವಿವಿಧ ನಗರಗಳಿಗೆ ತೆರಳಿ ಸಂಗೀತ ಕಾರ್ಯಕ್ರಮ (Harry Styles Music Concert) ನೀಡುತ್ತಿದ್ದಾರೆ. ಇತ್ತೀಚೆಗೆ ಅವರು ಆಸ್ಟ್ರೇಲಿಯಾದಲ್ಲಿ ವೇದಿಕೆ ಏರಿ ಅಭಿಮಾನಿಗಳನ್ನು ರಂಜಿಸಿದರು. ಈ ವೇಳೆ ಅವರು ನಡೆದುಕೊಂಡ ರೀತಿ ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. ಶೂ ಒಳಗೆ ನೀರು ಹಾಕಿಕೊಂಡು ಅವರು ಕುಡಿದಿದ್ದಾರೆ. ಹ್ಯಾರಿ ಸ್ಟೈಲ್​ ಅವರ ಈ ವೈರಲ್​ ವಿಡಿಯೋ (Harry Styles Viral Video) ನೋಡಿ ಬಹುತೇಕರು ಅಸಹ್ಯ ಪಟ್ಟುಕೊಂಡಿದ್ದಾರೆ. ಜನರು ಬಗೆಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ.

ಆಸ್ಟ್ರೇಲಿಯಾದಲ್ಲಿ ಸೆಲೆಬ್ರಿಟಿಗಳು ಈ ರೀತಿ ಮಾಡುವ ಪದ್ಧತಿ ಇದೆ. ಇದನ್ನು ಹ್ಯಾರಿ ಸ್ಟೈಲ್ಸ್​ ಕೂಡ ಮುಂದುವರಿಸಿದ್ದಾರೆ. ‘ಇದು ಅತಿ ಅಸಹ್ಯ ಪದ್ಧತಿಗಳಲ್ಲಿ ಒಂದು’ ಎಂದು ಅವರೇ ಹೇಳಿದ್ದಾರೆ. ಈ ರೀತಿ ಮಾಡಿದ ಬಳಿಕ ತಾವು ಹೊಸ ವ್ಯಕ್ತಿ ಎಂದು ಅವರಿಗೆ ಅನಿಸಿದೆಯಂತೆ. ಟ್ವಿಟರ್​ನಲ್ಲಿ ಈ ವಿಡಿಯೋ ಸಖತ್​ ವೈರಲ್​ ಆಗಿದೆ. ಹ್ಯಾರಿ ಸ್ಟೈಲ್ಸ್​​ ಅವರ ಇಂಥ ವರ್ತನೆ ಕಂಡು ಎಲ್ಲರಿಗೂ ಶಾಕ್​ ಆಗಿದೆ.

ಇದನ್ನೂ ಓದಿ

Bruce Willis: ಖ್ಯಾತ ಹಾಲಿವುಡ್​ ನಟನಿಗೆ ಬುದ್ಧಿಮಾಂದ್ಯತೆ; ಇದಕ್ಕೆ ಔಷಧಿಯೇ ಇಲ್ಲ ಎಂದ ವೈದ್ಯರು

Grammy Awards 2023: ಗ್ರ್ಯಾಮಿ ಅವಾರ್ಡ್ ರೆಡ್ ಕಾರ್ಪೆಟ್​​​ನಲ್ಲಿ ಸೆಲೆಬ್ರೆಟಿಗಳು ಕಾಣಿಸಿಕೊಂಡಿದ್ದು ಹೀಗೆ

Ricky Kej: ಬೆಂಗಳೂರು ಮೂಲದ ರಿಕ್ಕಿ ಕೇಜ್​ಗೆ ಗ್ರ್ಯಾಮಿ ಅವಾರ್ಡ್​; 3 ಬಾರಿ ಪ್ರಶಸ್ತಿ ಗೆದ್ದ ಭಾರತೀಯ

Miley Cyrus: ಬೆತ್ತಲೆಯಾಗಿ ಬಾತ್​ ರೂಂ ವಿಡಿಯೋ ಹಂಚಿಕೊಂಡ ನಟಿ ಮೈಲಿ ಸೈರಸ್​; ನೆಟ್ಟಿಗರಿಂದ ಕಟು ಟೀಕೆ

ಇದನ್ನೂ ಓದಿ: Video: ವೇದಿಕೆ ಮೇಲೆ ಪ್ಯಾಂಟ್​ ಬಿಚ್ಚಿ ಅಭಿಮಾನಿ ಮುಖದ ಮೇಲೆ ಮೂತ್ರ ವಿಸರ್ಜನೆ ಮಾಡಿದ ಗಾಯಕಿ; ವಿಕೃತಿ ವಿರುದ್ಧ ನೆಟ್ಟಿಗರ ಆಕ್ರೋಶ

ಹ್ಯಾರಿ ಸ್ಟೈಲ್ಸ್​ ಅವರು ಆಸ್ಟ್ರೇಲಿಯಾದಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದ್ದು ಇದೇ ಮೊದಲು. ಹಾಗಾಗಿ ಅವರು ಅಲ್ಲಿನ ಜನರ ಜೊತೆ ಬೆರೆಯುವ ಪ್ರಯತ್ನ ಮಾಡಿದ್ದಾರೆ. ಶೂ ಒಳಗೆ ನೀರು ಹಾಕಿಕೊಂಡು ಕುಡಿದರೆ ಹೆಚ್ಚು ಜನರನ್ನು ಆಕರ್ಷಿಸಬಹುದು ಎಂಬ ಕಾರಣದಿಂದಲೇ ಅವರು ಈ ರೀತಿ ಮಾಡಿದ್ದಾರೆ ಎಂದು ನೆಟ್ಟಿಗರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

2010ರಲ್ಲಿ ಹ್ಯಾರಿ ಸ್ಟೈಲ್ಸ್​ ಅವರ ಸಂಗೀತ ಪಯಣ ಆರಂಭ ಆಯಿತು. ‘ಒನ್​ ಡೈರೆಕ್ಷನ್​’ ಮ್ಯೂಸಿಕ್​ ಬ್ಯಾಂಡ್​ ಜೊತೆ ಅವರು ಗುರುತಿಸಿಕೊಂಡಿದ್ದಾರೆ. ಹಲವು ಸೂಪರ್​ ಹಿಟ್​ ಗೀತೆಗಳನ್ನು ಅವರು ನೀಡಿದ್ದಾರೆ. ಜಾಗತಿಕ ಮಟ್ಟದ ಅನೇಕ ಪ್ರಶಸ್ತಿಗಳನ್ನು ಪಡೆದುಕೊಂಡು ಅವರು ಫೇಮಸ್​ ಆಗಿದ್ದಾರೆ.

Harry Styles does Australian tradition Shoey, drinking out of his shoe at his concert in Perth. pic.twitter.com/zmtPh28ZQ3

— Pop Base (@PopBase) February 20, 2023

ಅಮೆರಿಕನ್​ ಮ್ಯೂಸಿ​ಕ್​ ಅವಾರ್ಡ್​, ಆರ್ಟ್​ ಡೈರೆಕ್ಟರ್ಸ್​ ಗಿಲ್ಡ್​ ಅವಾರ್ಡ್​, ಬಿಲ್​ಬೋರ್ಡ್​ ಮ್ಯೂಸಿಕ್​ ಅವಾರ್ಡ್​, ಬಿಎಂಐ ಲಂಡನ್​ ಅವಾರ್ಡ್ಸ್​, ಬಿಎಂಐ ಪಾಪ್​ ಅವಾರ್ಡ್ಸ್​, ದಿ ಫ್ಯಾಷನ್​ ಅವಾರ್ಡ್ಸ್​, ಗ್ರ್ಯಾಮಿ ಅವಾರ್ಡ್​ ಸೇರಿದಂತೆ ಹಲವು ಪ್ರಶಸ್ತಿಗಳು ಹ್ಯಾರಿ ಸ್ಟೈಲ್ಸ್​ ಅವರನ್ನು ಅರಸಿ ಬಂದಿವೆ. ಇನ್​ಸ್ಟಾಗ್ರಾಮ್​ನಲ್ಲಿ ಅವರನ್ನು 4.8 ಕೋಟಿಗೂ ಅಧಿಕ ಜನರು ಫಾಲೋ ಮಾಡುತ್ತಿದ್ದಾರೆ. ದಿನದಿಂದ ದಿನಕ್ಕೆ ಅವರ ಜನಪ್ರಿಯತೆ ಹೆಚ್ಚಾಗುತ್ತಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 4:39 pm, Tue, 21 February 23