ಜೀ5ನಲ್ಲಿ ಪ್ರಸಾರ ಆರಂಭಿಸಿದ ‘ಅಯ್ಯನ ಮನೆ 2’ ವೆಬ್ ಸೀರಿಸ್

ಕನ್ನಡ ಒಟಿಟಿ ಲೋಕದಲ್ಲಿ ಸಂಚಲನ ಸೃಷ್ಟಿಸಿದ್ದ ಜನಪ್ರಿಯ ವೆಬ್ ಸೀರಿಸ್‌ ‘ಅಯ್ಯನ ಮನೆ’ಯ ಎರಡನೇ ಸೀಸನ್ ಈಗ ಅಧಿಕೃತವಾಗಿ ಬಿಡುಗಡೆಯಾಗಿದೆ. ಪ್ರೇಕ್ಷಕರಿಂದ ಸಕ್ಕತ್ ಬೇಡಿಕೆ ಬಂದಿದ್ದರಿಂದ ಇದರ ಮುಂದುವರಿದ ಭಾಗವಾಗಿ ‘ಅಯ್ಯನ ಮನೆ 2’ ಸೀರಿಸ್ ಮೂಡಿಬಂದಿದೆ. ಇಂದಿನಿಂದ ಜೀ 5 ಒಟಿಟಿ ವೇದಿಕೆಯಲ್ಲಿ ಈ ಹೊಸ ಸೀರಿಸ್ ಪ್ರಸಾರ ಆರಂಭವಾಗಿದ್ದು, ಸೀರಿಯಲ್ ಪ್ರಿಯರಲ್ಲಿ ಸಂಭ್ರಮ ಮನೆ ಮಾಡಿದೆ.

ಮೊದಲ ಸೀಸನ್‌ನ ಅಪಾರ ಯಶಸ್ಸಿನ ನಂತರ ಬಂದಿರುವ ಈ ಹೊಸ ಭಾಗದ ಮೇಲೆ ದೊಡ್ಡ ಮಟ್ಟದ ನಿರೀಕ್ಷೆಗಳಿವೆ. ಸಸ್ಪೆನ್ಸ್ ಹಾಗೂ ರೋಚಕ ಕಥಾಹಂದರವನ್ನು ಹೊಂದಿರುವ ಈ ಸೀರಿಸ್ ಪ್ರೇಕ್ಷಕರನ್ನು ಮೊದಲ ಕೃತಿಯಂತೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಗುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಕಥೆ ಹೆಣೆದ ರೀತಿ ಹಾಗೂ ನಿರೂಪಣಾ ಶೈಲಿ ಮತ್ತಷ್ಟು ರೋಮಾಂಚನಕಾರಿಯಾಗಿದೆ ಎಂದು ಆರಂಭಿಕ ವರದಿಗಳು ತಿಳಿಸಿವೆ. ‘ನಾಗಲಾಂಬಿಕೆಯನ್ನ ಕೊಂದಿದ್ದು ಜಾಜಿನ?’ ಎಂಬ ಪ್ರಶ್ನೆಗೆ ಉತ್ತರ ಸಿಗಲಿದೆ.

ಈ ಬಾರಿಯ ಸೀಸನ್‌ನಲ್ಲಿ ನಾಯಕಿ ಖುಷಿ ರವಿ ಅವರ ಅಭಿನಯಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ತಮ್ಮ ವಿಭಿನ್ನ ಹಾಗೂ ಪವರ್‌ಫುಲ್ ನಟನೆಯ ಮೂಲಕ ಅವರು ಮತ್ತೊಮ್ಮೆ ಪ್ರೇಕ್ಷಕರ ಮನ ಗೆದ್ದಿದ್ದಾರೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಅವರ ಭಾವನಾತ್ಮಕ ಹಾಗೂ ಗಂಭೀರ ನಟನೆಗೆ ಸೋಶಿಯಲ್ ಮೀಡಿಯಾದಲ್ಲಿ ಪ್ರಶಂಸೆಗಳ ಮಹಾಪೂರವೇ ಹರಿದುಬರುತ್ತಿದೆ.

ಇದನ್ನೂ ಓದಿ: ಒಟಿಟಿಯಲ್ಲಿ ದಾಖಲೆ ಬರೆದ ʼಅಯ್ಯನ ಮನೆʼ ವೆಬ್‌ ಸರಣಿ

ಈ ಸೀರಿಸ್ ಒಟ್ಟು 6 ರೋಚಕ ಎಪಿಸೋಡ್‌ಗಳನ್ನು ಒಳಗೊಂಡಿದೆ. ಪ್ರತಿ ಎಪಿಸೋಡ್ ಸರಿಸುಮಾರು 18ರಿಂದ 20 ನಿಮಿಷಗಳ ಕಾಲಾವಧಿಯನ್ನು ಹೊಂದಿದೆ. ವೀಕೆಂಡ್‌ನಲ್ಲಿ ಒಟ್ಟಿಗೆ ಕುಳಿತು ವೀಕ್ಷಿಸಲು ಇದು ಅತ್ಯುತ್ತಮ ಥ್ರಿಲ್ಲರ್ ಮನರಂಜನಾ ಪ್ಯಾಕೇಜ್ ಆಗಿದೆ.

1 DAY TO GO….. ‘ನಾಗಲಾಂಬಿಕೆಯನ್ನ ಕೊಂದಿದ್ದು ಜಾಜಿನ?’ – ಎಲ್ಲರ ತಲೆಯಲ್ಲೂ ಹುಳ ಬಿಟ್ಟಿದೆ ಜಾಜಿಯ ಆ ಒಂದು ನಗು! ಆ ನಗುವಿನ ಹಿಂದಿನ ಅಸಲಿ ಕಾರಣ ಏನು ಅನ್ನೋದು ಗೊತ್ತಾಗುತ್ತೆ.

“#AyyanaMane2” October 23ರಿಂದ ಕನ್ನಡ Zee 5ನಲ್ಲಿ.

#AyyanaMane2OnZee5 #KannadaZee5 #ZEE5Original #WatchOnZee5 https://t.co/KoevJYBbpO

— Zee 5 South (@Zee5South) October 22, 2026

ಜಿ5 ಒಟಿಟಿಯಲ್ಲಿ ಸ್ಟ್ರೀಮ್ ಆಗುತ್ತಿರುವ ಈ ವೆಬ್ ಸೀರಿಸ್ ವೀಕ್ಷಕರ ವೀಕೆಂಡ್‌ಗೆ ಮಜಾ ನೀಡಲಿದೆ. ಕಥೆಯ ಕುತೂಹಲಕಾರಿ ತಿರುವುಗಳು ಎಲ್ಲರ ಗಮನ ಸೆಳೆಯುತ್ತಿವೆ. ಕನ್ನಡ ಒಟಿಟಿ ಸೀರಿಸ್ ಪ್ರೇಮಿಗಳು ಖಂಡಿತ ತಪ್ಪದೇ ನೋಡಲೇಬೇಕಾದ ಸೀರಿಸ್ ಇದು ಎನಿಸಿಕೊಂಡಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.