Bawaal Twitter Review: ‘ದಂಗಲ್’ ನಿರ್ದೇಶಕನ ಹೊಸ ಸಿನಿಮಾ ‘ಬವಾಲ್’ ಹೇಗಿದೆ? ಇಲ್ಲಿದೆ ಟ್ವಿಟರ್ ವಿಮರ್ಶೆ
Bawaal Movie: ಅಮೇಜಾನ್ ಪ್ರೈಂ ವಿಡಿಯೋ ಮೂಲಕ ‘ಬವಾಲ್’ ಸಿನಿಮಾ ರಿಲೀಸ್ ಆಗಿದೆ. ಈ ಸಿನಿಮಾ ನೇರವಾಗಿ ಥಿಯೇಟರ್ನಲ್ಲಿ ಬಿಡುಗಡೆ ಆಗಬೇಕಿತ್ತು ಎಂದು ಅನೇಕರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಭಾರತೀಯ ಚಿತ್ರರಂಗದಲ್ಲಿ ನಿರ್ದೇಶಕ ನಿತೇಶ್ ತಿವಾರಿ (Nitesh Tiwari) ಅವರು ತಮ್ಮದೇ ಛಾಪು ಮೂಡಿಸಿದ್ದಾರೆ. ಈ ಮೊದಲು ಅವರು ನಿರ್ದೇಶಿಸಿದ್ದ ‘ದಂಗಲ್’ ಸಿನಿಮಾ ದಾಖಲೆ ಬರೆದಿತ್ತು. ಸುಶಾಂತ್ ಸಿಂಗ್ ರಜಪೂತ್ ಮತ್ತು ಶ್ರದ್ಧಾ ಕಪೂರ್ ಜೋಡಿಯಾಗಿ ನಟಿಸಿದ್ದ ‘ಚಿಚೋರೆ’ ಸಿನಿಮಾಗೂ ನಿತೇಶ್ ತಿವಾರಿ ನಿರ್ದೇಶನ ಮಾಡಿದ್ದರು. ಆ ಚಿತ್ರ ಕೂಡ ಗಮನ ಸೆಳೆದಿತ್ತು. ಈಗ ಅವರ ನಿರ್ದೇಶನದಲ್ಲಿ ‘ಬವಾಲ್’ ಸಿನಿಮಾ ಮೂಡಿಬಂದಿದೆ. ಇಂದು (ಜುಲೈ 21) ಈ ಸಿನಿಮಾ ಒಟಿಟಿಯಲ್ಲಿ ನೇರವಾಗಿ ರಿಲೀಸ್ ಆಗಿದೆ. ಖ್ಯಾತ ನಟರಾದ ವರುಣ್ ಧವನ್ (Varun Dhawan) ಮತ್ತು ಜಾನ್ವಿ ಕಪೂರ್ ಅವರು ಈ ಸಿನಿಮಾದಲ್ಲಿ ಮುಖ್ಯ ಭೂಮಿಕೆ ನಿಭಾಯಿಸಿದ್ದಾರೆ. ಮೊದಲ ದಿನ ಸಿನಿಮಾ ನೋಡಿಬಂದ ಪ್ರೇಕ್ಷಕರು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಅನಿಸಿಕೆ ತಿಳಿಸುತ್ತಿದ್ದಾರೆ. ‘ಬವಾಲ್’ (Bawaal Review) ಸಿನಿಮಾದ ಟ್ವಿಟರ್ ವಿಮರ್ಶೆ ಇಲ್ಲಿದೆ..
ಜಾನ್ವಿ ಕಪೂರ್ ಅವರು ನೆಪೋ ಕಿಡ್ ಎಂಬ ಕಾರಣಕ್ಕೆ ಅವರನ್ನು ಅನೇಕರು ಟ್ರೋಲ್ ಮಾಡುತ್ತಾರೆ. ಅವರ ನಟನೆ ಬಗ್ಗೆ ಪದೇಪದೇ ಟೀಕೆ ಕೇಳಿಬರುತ್ತದೆ. ಆದರೆ ‘ಬವಾಲ್’ ಸಿನಿಮಾದಲ್ಲಿ ಅವರ ಅಭಿನಯಕ್ಕೆ ಜನರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಈ ಪಾತ್ರಕ್ಕೆ ಜಾನ್ವಿ ತುಂಬ ಚೆನ್ನಾಗಿ ಹೊಂದಿಕೆ ಆಗಿದ್ದಾರೆ ಎಂಬ ಅಭಿಪ್ರಾಯ ಕೇಳಿಬಂದಿದೆ. ಅವರ ಅಭಿಮಾನಿಗಳು ಈ ಸಿನಿಮಾವನ್ನು ಇಷ್ಟಪಟ್ಟಿದ್ದಾರೆ.
ಜನಸಾಮಾನ್ಯರು ಮಾತ್ರವಲ್ಲದೇ ಸೆಲೆಬ್ರಿಟಿಗಳು ಕೂಡ ಟ್ವಿಟರ್ ಮೂಲಕ ವಿಮರ್ಶೆ ಹಂಚಿಕೊಂಡಿದ್ದಾರೆ. ‘ಹಿತವಾದ ಅನುಭವ ನೀಡುವಂತಹ ಸಿನಿಮಾ ಇದು. ಒಂದು ಪುಸ್ತಕವನ್ನು ಓದುತ್ತಾ, ದೃಶ್ಯಗಳನ್ನು ಕಲ್ಪಿಸಿಕೊಳ್ಳುವ ರೀತಿಯಲ್ಲಿ ಬವಾಲ್ ಮೂಡಿಬಂದಿದೆ. ವರುಣ್ ಧವನ್ ಮತ್ತು ಜಾನ್ವಿ ಕಪೂರ್ ಅವರ ನಟನೆ ತುಂಬ ಚೆನ್ನಾಗಿದೆ. ನಿರ್ದೇಶಕ ನಿತೇಶ್ ತಿವಾರಿ ಅವರಿಗೆ ಅಭಿನಂದನೆಗಳು’ ಎಂದು ‘ಜವಾನ್’ ಸಿನಿಮಾದ ಡೈರೆಕ್ಟರ್ ಅಟ್ಲಿ ಅವರು ಟ್ವೀಟ್ ಮಾಡಿದ್ದಾರೆ.
#Bawaal , a feel-good watch. A great craft in its own novelist way. Felt like reading a book and visualising it. Great performances from all the actors, @Varun_dvn sir has rendered a top notch one in this film. #JanhviKapoor was superb Congratulations to @PrimeVideoIN…
— atlee (@Atlee_dir) July 21, 2023
‘ಇದು ಮಾಮೂಲಿ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ ಅಲ್ಲ. ಜೀವನಕ್ಕೆ ಸಂಬಂಧಿಸಿದ ಅನೇಕ ಪಾಠಗಳು ಈ ಚಿತ್ರದಲ್ಲಿವೆ’ ಎಂದು ಪ್ರೇಕ್ಷಕರೊಬ್ಬರು ಅನಿಸಿಕೆ ತಿಳಿಸಿದ್ದಾರೆ. ‘ಇಂಥ ಸಿನಿಮಾಗಳನ್ನು ಮಾಡುವುದು ಕಷ್ಟ. ಕಥೆ ತುಂಬ ಭಿನ್ನವಾಗಿದೆ. ಜಾನ್ವಿ ಕಪೂರ್ ಅವರು ಸುಂದರವಾಗಿ ಕಾಣುತ್ತಾರೆ. ವರುಣ್ ಧವನ್ ಅವರ ನಟನೆ ಅತ್ಯುತ್ತಮವಾಗಿದೆ’ ಎಂದು ಜನರು ಪೋಸ್ಟ್ ಮಾಡಿದ್ದಾರೆ.
” History exists so that we learn from our mistakes. ” – #Bawaal
Bawaal is not your typical romcom it’s a film that stays true to its roots while delivering powerful life lessons. @Varun_dvn pic.twitter.com/TjSScCVE3N
— SAMBIT ❤️? (@GirlDontYell) July 21, 2023
#Bawaal is Beautiful Film With Very Intelligent Writting by @niteshtiwari22 , the story is very Unique, it is Very tough To make this type of Stuff entertaining But you done it again , @Varun_dvn no words for you man A top notch performance, #JanhviKapoor looks too pretty pic.twitter.com/nsXDOmFHLT
— Newsday18 (@Newsday181) July 21, 2023
‘ಇಂಥ ಪ್ರಾಮಾಣಿಕವಾದ ಸಿನಿಮಾಗಳು ಇನ್ನಷ್ಟು ಬರಬೇಕು. ಇದು ಹೃದಯಸ್ಪರ್ಶಿಯಾದ ಸಿನಿಮಾ’ ಎಂಬ ಅಭಿಪ್ರಾಯ ಕೂಡ ನೋಡುಗರಿಂದ ವ್ಯಕ್ತವಾಗಿದೆ. ಅಮೇಜಾನ್ ಪ್ರೈಂ ವಿಡಿಯೋ ಮೂಲಕ ‘ಬವಾಲ್’ ಸಿನಿಮಾ ರಿಲೀಸ್ ಆಗಿದೆ. ಈ ಸಿನಿಮಾ ನೇರವಾಗಿ ಥಿಯೇಟರ್ನಲ್ಲಿ ಬಿಡುಗಡೆ ಆಗಬೇಕಿತ್ತು ಎಂದು ಅನೇಕರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.