Vijay Varma: ನಟಿ ತಮನ್ನಾಗೆ ಹೊಸ ಹೆಸರು ಟೊಮೆಟೊ; ಪ್ರಿಯಕರ ವಿಜಯ್​ ವರ್ಮಾ ಮುದ್ದಾಗಿ ಕರೆಯೋದು ಹೀಗೆ

ಬಹುಭಾಷಾ ನಟಿ ತಮನ್ನಾ ಭಾಟಿಯಾ (Tamannaah Bhatia) ಅವರು ದೇಶಾದ್ಯಂತ ಖ್ಯಾತಿ ಹೊಂದಿದ್ದಾರೆ. ಅವರಿಗೆ ಕೋಟ್ಯಂತರ ಅಭಿಮಾನಿಗಳಿದ್ದಾರೆ. ‘ಬಾಹುಬಲಿ’ ರೀತಿಯ ಗಮನಾರ್ಹ ಸಿನಿಮಾಗಳಲ್ಲಿ ನಟಿಸಿದ ಈ ಬೆಡಗಿಯ ವೈಯಕ್ತಿಕ ವಿಚಾರಗಳು ಕೂಡ ಆಗಾಗ ಚರ್ಚೆ ಆಗುತ್ತಲೇ ಇರುತ್ತವೆ. ತಮನ್ನಾಗೆ ಅಭಿಮಾನಿಗಳು ಪ್ರೀತಿಯಿಂದ ‘ಮಿಲ್ಕಿ ಬ್ಯೂಟಿ’ ಅಂತ ಕರೆಯುತ್ತಾರೆ. ಇದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ ಈಗ ಅವರ ಇನ್ನೊಂದು ಹೆಸರು ಬಹಿರಂಗ ಆಗಿದೆ. ನಟ ವಿಜಯ್​ ವರ್ಮಾ ಅವರು ತಮನ್ನಾಗೆ ಮುದ್ದಾಗಿ ‘ಟೊಮೆಟೊ’ (Tomato) ಎಂದು ಕರೆಯುತ್ತಾರೆ. ಇಷ್ಟು ದಿನ ಗುಟ್ಟಾಗಿ ಉಳಿದಿದ್ದ ಈ ವಿಚಾರ ಈಗ ಬಹಿರಂಗ ಆಗಿದೆ. ವಿಜಯ್​ ವರ್ಮಾ (Vijay Varma) ಮತ್ತು ತಮನ್ನಾ ಭಾಟಿಯಾ ಅವರು ಪರಸ್ಪರ ಪ್ರೀತಿಸುತ್ತಿದ್ದಾರೆ ಎಂದು ಊರೆಲ್ಲ ಗಾಸಿಪ್​ ಹಬ್ಬಿದೆ.

ಬಾಲಿವುಡ್​ನಲ್ಲಿ ವಿಜಯ್​ ವರ್ಮಾ ಅವರು ಫೇಮಸ್​ ಆಗಿದ್ದಾರೆ. ಸಿನಿಮಾ, ವೆಬ್​ ಸೀರಿಸ್​ಗಳಲ್ಲಿ ಅವರಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಈ ನಡುವೆ ತಮನ್ನಾ ಭಾಟಿಯಾ ಜೊತೆ ಸುತ್ತಾಟದ ಕಾರಣದಿಂದಲೂ ವಿಜಯ್​ ವರ್ಮಾ ಹೆಚ್ಚು ಸುದ್ದಿ ಆಗುತ್ತಿದ್ದಾರೆ. ಈ ಜೋಡಿ ಶೀಘ್ರದಲ್ಲೇ ಮದುವೆ ಆಗಬಹುದು ಎಂದು ಕೂಡ ಹೇಳಲಾಗುತ್ತಿದೆ. ಆದರೆ ಆ ಬಗ್ಗೆ ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಿದೆ. ಈ ನಡುವೆ ತಮನ್ನಾ ಅವರನ್ನು ಟೊಮೆಟೊ ಎಂದು ಕರೆಯುವ ಮೂಲಕ ವಿಜಯ್​ ವರ್ಮಾ ಅವರು ಸುದ್ದಿ ಆಗಿದ್ದಾರೆ.

ವಿಜಯ್​ ವರ್ಮಾ ನಟಿಸಿರುವ ‘ದಹಾಡ್​’ ವೆಬ್​ ಸಿರೀಸ್​ ಬಿಡುಗಡೆಗೆ ಸಜ್ಜಾಗಿದೆ. ಬರ್ಲಿನ್​ ಫಿಲ್ಮ್​ ಫೆಸ್ಟಿವಲ್​ನಲ್ಲಿ ಇದರ ಪ್ರೀಮಿಯರ್​ ಶೋ ಮಾಡಲಾಗಿದೆ. ಅದಕ್ಕಾಗಿ ತಮ್ಮ ತಂಡದ ಜೊತೆ ವಿಜಯ್​ ವರ್ಮಾ ಅವರು ಬರ್ಲಿನ್​ಗೆ ತೆರಳಿದ್ದಾರೆ. ಅಲ್ಲಿಂದ ಒಂದು ಫೋಟೋ ಹಂಚಿಕೊಂಡಿದ್ದಾರೆ. ಅದನ್ನು ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಹಂಚಿಕೊಂಡಿರುವ ತಮನ್ನಾ ಅವರು ಅಭಿನಂದನೆ ತಿಳಿಸಿದ್ದಾರೆ. ಅದನ್ನು ಪುನಃ ಶೇರ್​ ಮಾಡಿಕೊಂಡಿರುವ ವಿಜಯ್​ ವರ್ಮಾ ಅವರು ‘ಥ್ಯಾಂಕ್ಸ್​ ಟೊಮೆಟೊ’ ಎಂದು ಬರೆದುಕೊಂಡಿದ್ದಾರೆ.

ಹೊಸ ವರ್ಷದ ಸಂದರ್ಭದಲ್ಲಿ ತಮನ್ನಾ ಮತ್ತು ವಿಜಯ್​ ವರ್ಮಾ ಅವರು ಗೋವಾದ ರೆಸ್ಟೋರೆಂಟ್​ನಲ್ಲಿ ಮೊದಲ ಬಾರಿ ಜೊತೆಯಾಗಿ ಕಾಣಿಸಿಕೊಂಡರು. ಆ ಬಳಿಕ ಪಾಪರಾಜಿಗಳು ಅವರ ಮೇಲೆ ಒಂದು ಕಣ್ಣಿಟ್ಟರು. ನಂತರ ಒಂದೆರಡು ಸಲ ಈ ಜೋಡಿ ಒಟ್ಟಿಗೆ ಓಡಾಡಿರುವುದು ತಿಳಿದು ಬಂದಿದೆ. ಆದರೆ ತಮ್ಮ ರಿಲೇಷನ್​ಶಿಪ್​ ಬಗ್ಗೆ ಅವರು ಎಲ್ಲಿಯೂ ಬಾಯಿ ಬಿಟ್ಟಿಲ್ಲ. ಈ ಗುಟ್ಟು ಆದಷ್ಟು ಬೇಗ ರಟ್ಟಾಗಲಿ ಎಂದು ಫ್ಯಾನ್ಸ್​ ನಿರೀಕ್ಷಿಸಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.