ಸಲಾರ್ ಮೊದಲ ಹಂತದ ಚಿತ್ರೀಕರಣ ಪೂರ್ಣ, ಡಾರ್ಲಿಂಗ್ ಪ್ರಭಾಸ್ ನ್ಯೂ ಲುಕ್ಗೆ ಫಿದಾ ಆದ ಫ್ಯಾನ್ಸ್..!
Salaar: ಕೆಜಿಎಫ್ ನಂತ್ರ ನಿರ್ದೇಶಕ ಪ್ರಶಾಂತ್ ನೀಲ್ ಸಲಾರ್ ಸಿನಿಮಾ ಕೈಗೆತ್ತಿಕೊಂಡಿದ್ದಾರೆ. ಸಲಾರ್ ಭಾರತದಾತ್ಯಂದ ಭಾರಿ ಸದ್ದು ಮಾಡ್ತಿದೆ. ಆದ್ರೆ ಇದ್ರ ಬೆನ್ನಲ್ಲೇ ಹೊಸ ಸುದ್ದಿ ಕೊಡೋ ಮೂಲಕ ಸದ್ದು ಮಾಡ್ತಿದೆ.
ಇಷ್ಟು ದಿನ ಕೆಜಿಎಫ್.. ಕೆಜಿಎಫ್ ಅಂತಿದ್ದೋರ ಕಣ್ಣು ಈಗ ಸಲಾರ್ ಸಿನಿಮಾ ಮೇಲೆ ಬಿದ್ದಿದೆ. ಭರ್ಜರಿ ಚಿತ್ರೀಕರಣದಲ್ಲಿದ್ದ ಸಲಾರ್ ಚಿತ್ರತಂಡ ಹೊಸ ಸುದ್ದಿ ಕೊಡೋದ್ರ ಮೂಲಕ ಸದ್ದು ಮಾಡ್ತಿದೆ. ಕೆಜಿಎಫ್ 2 ರಿಲೀಸ್ ಡೇಟ್ ಫಿಕ್ಸ್ ಆಗ್ತಿದ್ದಂತೆಯೇ ಸಲಾರ್ ಸಿನಿಮಾ ಶೂಟಿಂಗ್ ಶುರು ಮಾಡಿ ಬಿಟ್ಟಿದೆ ಪ್ರಶಾಂತ್ ನೀಲ್ ಬಳಗ. ಅಷ್ಟೇ ಯಾಕೆ ಈಗಾಗಲೇ ಮೊದಲ ಹಂತದ ಚಿತ್ರೀಕರಣ ಕೂಡ ಮುಗಿಸಿಬಿಟ್ಟಿದೆ. ಈ ವಿಚಾರವನ್ನ ಸೋಷಿಯಲ್ ಮೀಡಿಯಾದಲ್ಲಿ ಚಿತ್ರತಂಡ ಹಂಚಿಕೊಂಡಿದೆ.
ಇದು ಹೇಳಿ ಕೇಳಿ ಸೂಪರ್ ಸ್ಟಾರ್ ಡಾರ್ಲಿಂಗ್ ಪ್ರಭಾಸ್ ಅಭಿನಯದ ಸಿನಿಮಾ. ಹಾಗಾಗಿ ಸಹಜವಾಗಿಯೇ ನಿರೀಕ್ಷೆ ಹೆಚ್ಚಿದೆ. ಇನ್ನೂ ಇತ್ತೀಚಿಗೆ ಪ್ರಭಾಸ್ ಲುಕ್ ಕೂಡ ಲೀಕ್ ಆಗಿತ್ತು. ಮೆಕಾನಿಕ್ ಲುಕ್ನಲ್ಲಿ ಪ್ರಭಾಸ್ ಕಾಣಿಸಿಕೊಂಡಿದ್ರು. ಹೀಗಾಗಿ ಪ್ರಭಾಸ್ ಲುಕ್ ಬಗ್ಗೆ ಈಗಾಗಲೇ ಸಿಕ್ಕಾಪಟ್ಟೆ ಚರ್ಚೆ ಹುಟ್ಟುಹಾಕಿದೆ.
ಇತ್ತ ಚಿತ್ರತಂಡ ಸಾಕಷ್ಟು ವೇಗವಾಗಿ ಶೂಟಿಂಗ್ ಕಂಪ್ಲೀಟ್ ಮಾಡ್ತಿದೆ. ಮುಂದಿನ ವರ್ಷಾರಂಭದಲ್ಲೇ ಸಲಾರ್ ಮೂವಿ ಅದ್ಧೂರಿಯಾಗಿ ಥಿಯೇಟರ್ಗಳಿಗೆ ಲಗ್ಗೆ ಇಡೋ ಸಾಧ್ಯತೆಯಿದ್ದು, ಪ್ರಭಾಸ್ ಅಭಿಮಾನಿಗಳು ಕೂಡ ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿಯಿಂದ ಎದುರು ನೋಡ್ತಿದ್ದಾರೆ.
Published On - 8:04 am, Tue, 9 February 21