Radhe Collection: ಈದ್ ಹಬ್ಬದಂದು ಸಲ್ಲುಗೆ ಸಿಹಿ; ರಾಧೆ ಚಿತ್ರದಿಂದ ಸಲ್ಮಾನ್ ಖಾನ್ ಗಳಿಸಿದ್ದೆಷ್ಟು?
Radhe Box Office Collection: ಕೊವಿಡ್ ಹೆಚ್ಚುತ್ತಿರುವದರಿಂದ ದೇಶದ ಸಾಕಷ್ಟು ರಾಜ್ಯಗಳು ಲಾಕ್ಡೌನ್ ಘೋಷಣೆ ಮಾಡಿವೆ. ಹೀಗಾಗಿ, ದೇಶದ ಬಹುತೇಕ ಚಿತ್ರಮಂದಿರಗಳು ಮುಚ್ಚಿವೆ. ಈ ಕಾರಣಕ್ಕೆ ಒಟಿಟಿಯಲ್ಲಿ ಸಿನಿಮಾ ರಿಲೀಸ್ ಮಾಡುವ ನಿರ್ಧಾರವನ್ನು ‘ರಾಧೆ’ ಚಿತ್ರತಂಡ ತೆಗೆದುಕೊಂಡಿತ್ತು.
ಸಲ್ಮಾನ್ ಖಾನ್ ನಟನೆಯ ‘ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್’ ಸಿನಿಮಾ ಜೀ5 ಒಡೆತನದ ಜೀ ಪ್ಲೆಕ್ಸ್ನಲ್ಲಿ ರಿಲೀಸ್ ಆಗಿತ್ತು. 249 ರೂಪಾಯಿ ಕೊಟ್ಟು ಈ ಸಿನಿಮಾ ವೀಕ್ಷಣೆ ಮಾಡುವ ಅವಕಾಶವನ್ನು ಮಾಡಿಕೊಡಲಾಗಿತ್ತು. ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆದರೂ ಒಳ್ಳೆಯ ಗಳಿಕೆ ಮಾಡಿದೆ. ಅಷ್ಟೇ ಅಲ್ಲ, ರಾಧೆ ಸಿನಿಮಾದಿಂದ ಚಿತ್ರತಂಡ ದೊಡ್ಡ ಮೊತ್ತದ ಕಮಾಯಿ ಮಾಡಿದೆ.
ಕೊವಿಡ್ ಹೆಚ್ಚುತ್ತಿರುವದರಿಂದ ದೇಶದ ಸಾಕಷ್ಟು ರಾಜ್ಯಗಳು ಲಾಕ್ಡೌನ್ ಘೋಷಣೆ ಮಾಡಿವೆ. ಹೀಗಾಗಿ, ದೇಶದ ಬಹುತೇಕ ಚಿತ್ರಮಂದಿರಗಳು ಮುಚ್ಚಿವೆ. ಈ ಕಾರಣಕ್ಕೆ ಒಟಿಟಿಯಲ್ಲಿ ಸಿನಿಮಾ ರಿಲೀಸ್ ಮಾಡುವ ನಿರ್ಧಾರವನ್ನು ‘ರಾಧೆ’ ಚಿತ್ರತಂಡ ತೆಗೆದುಕೊಂಡಿತ್ತು. ಚಿತ್ರಮಂದಿರದ ಜತೆಗೆ ಜೀ5 ಒಡೆತನದ ಜೀ ಪ್ಲೆಕ್ಸ್ನಲ್ಲೂ ‘ರಾಧೆ ರಿಲೀಸ್ ಆಗಿತ್ತು. ರಿಲೀಸ್ ಆದ ಒಂದೇ ದಿನಕ್ಕೆ ಈ ಸಿನಿಮಾ 42 ಲಕ್ಷ ಬಾರೀ ವೀಕ್ಷಣೆ ಕಂಡಿದೆ.
ಒಂದು ಬಾರಿ ಸಿನಿಮಾ ವೀಕ್ಷಿಸಬೇಕು ಎಂದರೆ 249 ರೂಪಾಯಿ ನೀಡಬೇಕು. ಅಂದರೆ, ಈ ಸಿನಿಮಾ ಮೊದಲ ದಿನ ಗಳಿಕೆ ಮಾಡಿದ್ದು 108 ಕೋಟಿ ರೂಪಾಯಿ! ನಂತರದ ಕೆಲ ದಿನವೂ ರಾಧೆ ಸಿನಿಮಾ ಹವಾ ಜೋರಿದ್ದರಿಂದ ಈ ಚಿತ್ರ ಒಳ್ಳೆಯ ಗಳಿಕೆಯನ್ನು ಮಾಡಿದೆ ಎನ್ನಲಾಗುತ್ತಿದೆ.
ರಾಧೆ ಸಿನಿಮಾದ ಬಜೆಟ್ 80 ಕೋಟಿ ರೂಪಾಯಿ. ದೊಡ್ಡ ಮೊತ್ತದಲ್ಲಿ ಸಿದ್ಧವಾದ ಈ ಸಿನಿಮಾ ಸಾಕಷ್ಟು ಅದ್ಧೂರಿಯಾಗಿ ಮೂಡಿ ಬಂದಿತ್ತು. ಆದರೆ, ಪ್ರೇಕ್ಷಕರಿಗೆ ಚಿತ್ರ ಅಷ್ಟಾಗಿ ಇಷ್ಟವಾಗಿಲ್ಲ. ಈ ಸಿನಿಮಾವನ್ನು ಜೀ ಕಂಪೆನಿಯವರು ಬರೋಬ್ಬರಿ 190 ಕೋಟಿಗೆ ಖರೀದಿ ಮಾಡಿದ್ದಾರೆ ಎನ್ನಲಾಗಿದೆ. ಅಂದರೆ, ಈ ಚಿತ್ರದಿಂದ ಚಿತ್ರತಂಡಕ್ಕೆ 110 ಕೋಟಿ ರೂಪಾಯಿ ಲಾಭವಾಗಿದೆ.
ಸಲ್ಮಾನ್ ಖಾನ್ ನಟನೆಯ ಸಿನಿಮಾಗಳು ಮೊದಲ ದಿನ ಬಾಕ್ಸ್ ಆಫೀಸ್ನಲ್ಲಿ ಒಳ್ಳೆಯ ಗಳಿಕೆ ಮಾಡುತ್ತವೆ. ಆದರೆ, ಒಟಿಟಿಯಲ್ಲಿ ಈ ಚಿತ್ರ ಮೊದಲ ದಿನವೇ 100 ಕೋಟಿಗೂ ಹೆಚ್ಚಿನ ಕಲೆಕ್ಷನ್ ಮಾಡಿ ಹೊಸ ದಾಖಲೆ ಸೃಷ್ಟಿಸಿದೆ.
‘ರಾಧೆ’ ಚಿತ್ರ ವಿಮರ್ಶಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದಿಲ್ಲ. ಐಎಂಡಿಬಿ ‘ರಾಧೆ’ ಚಿತ್ರಕ್ಕೆ 10 ಅಂಕಕ್ಕೆ ಕೇವಲ 2.4 ರೇಟಿಂಗ್ ನೀಡಿದೆ. ಇದರಿಂದ ಸಲ್ಮಾನ್ ವೃತ್ತಿ ಜೀವನದ ಎರಡನೇ ಅತ್ಯಂತ ಕೆಟ್ಟ ಸಿನಿಮಾ ಎಂಬ ಹಣೆಪಟ್ಟಿ ‘ರಾಧೆ’ಗೆ ಸಿಕ್ಕಿದೆ. ರೇಸ್ 3 ಚಿತ್ರಕ್ಕೆ ಐಎಂಡಿಬಿ 1.9 ರೇಟಿಂಗ್ ನೀಡಿತ್ತು. ಇದು ಸಲ್ಲು ವೃತ್ತಿ ಜೀವನದ ಅತ್ಯಂತ ಕಳಪೆ ಚಿತ್ರವಾಗಿತ್ತು.