
ಬಿಗ್ ಬಾಸ್ ಮನೆ ಅಂದ್ರೆ ಅಲ್ಲಿ ಸ್ನೇಹ, ಆಟ, ವಾದ-ವಿವಾದ ಎಲ್ಲವೂ ಸಾಮಾನ್ಯ. ಆದರೆ ವಾರದ ಕತೆ ಕಿಚ್ಚನ ಜೊತೆ ಸಂಚಿಕೆಯಲ್ಲಿ ಸುದೀಪ್ ಅವರು ಸ್ಪರ್ಧಿಗಳ ತಪ್ಪುಗಳನ್ನು ಕನ್ನಡಿ ಹಿಡಿದು ತೋರಿಸುವ ರೀತಿ ಮಾತ್ರ ಎಲ್ಲರ ಗಮನ ಸೆಳೆಯುತ್ತದೆ. ಈ ಬಾರಿಯ ವಾರದ ಪಂಚಾಯಿತಿಯಲ್ಲಿ ಕಿಚ್ಚ ಸುದೀಪ್ ಅವರು ತಾಂಡವ್ ರಾಮ್ ಹಾಗೂ ಗಗನ್ ಅವರ ಸ್ನೇಹದ ಬಗ್ಗೆ ನೇರ ಹಾಗೂ ಗಂಭೀರ ಪ್ರಶ್ನೆಗಳನ್ನು ಎತ್ತಿದ್ದಾರೆ.
ಕಳೆದ ವಾರದಲ್ಲಿ ಸೌಂದರ್ಯಾ ಅವರು ಗಗನ್ ಜೊತೆ ಮಾತನಾಡುವ ಸಂದರ್ಭದಲ್ಲಿ ತಾಂಡವ್ ರಾಮ್ ಅವರನ್ನು ‘ಡಂಬ್’ ಎಂದು ಕರೆದಿದ್ದರು. ಈ ಮಾತಿಗೆ ಸಂಬಂಧಿಸಿದ ವಿಡಿಯೋ ತುಣುಕನ್ನು ಕಳೆದ ವಾರ ಪ್ರದರ್ಶನ ಮಾಡಲಾಯಿತು. ಈ ವಿಟಿ ನೋಡಿದ ಬಳಿಕ ತಾಂಡವ್ ರಾಮ್ ಅವರಿಗೆ ತೀವ್ರ ಸಿಟ್ಟಾದರೂ ಸಹ, ಆ ಸಂದರ್ಭದಲ್ಲಿ ಅವರು ಯಾವುದೇ ಪ್ರತಿಕ್ರಿಯೆ ನೀಡದೆ ಸೈಲೆಂಟ್ ಆಗಿ ಉಳಿದುಕೊಂಡಿದ್ದರು.
ಈ ಎಲ್ಲ ಘಟನೆಯನ್ನು ಪ್ರಸ್ತಾಪಿಸಿದ ಸುದೀಪ್, ಮನೆಯಲ್ಲಿ ನಡೆಯುತ್ತಿರುವ ಸ್ನೇಹದ ಸಮೀಕರಣದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ಗಗನ್ ಕಡೆ ತಿರುಗಿ ಮಾತನಾಡಿದ ಅವರು, ಸೌಂದರ್ಯಾ ಆ ರೀತಿ ಮಾತನಾಡಿದಾಗ ಗಗನ್ ನೀವು ಅಲ್ಲಿ ಮಾತನಾಡಬೇಕಿತ್ತು ಎಂದು ತರಾಟೆಗೆ ತೆಗೆದುಕೊಂಡರು.
ಅಲ್ಲದೆ, ತಾಂಡವ್ ರಾಮ್ ಅವರ ಸ್ನೇಹದ ಬಗ್ಗೆ ಮಾತನಾಡುತ್ತಾ ಗಗನ್ ಅವರಿಗೆ ನೇರ ಎಚ್ಚರಿಕೆ ನೀಡಿದ ಸುದೀಪ್, ಗಗನ್, ನೀವು ತಾಂಡವ್ ಗೆಳೆತನಕ್ಕೆ ಅರ್ಹರಲ್ಲ ಎಂದು ಖಡಕ್ ಆಗಿ ಹೇಳಿದರು. ಇದು ಕೇವಲ ಏಕಪಕ್ಷೀಯವಾದ ಸ್ನೇಹ ಎಂಬುದನ್ನು ಸ್ಪಷ್ಟಪಡಿಸುತ್ತಾ, ತಾಂಡವ್ ರಾಮ್ಗೆ ಇದು ‘ಒನ್ ವೇ ಫ್ರೆಂಡ್ಶಿಪ್’ ಎಂದು ತಿಳಿಸಿದರು.
ಇದನ್ನೂ ಓದಿ: ತಾಂಡವ್ಗೆ ಚಪ್ಪಾಳೆ ನೀಡಿ ಮೂರು ಕಾರಣ ಕೊಟ್ಟ ಕಿಚ್ಚ ಸುದೀಪ್
ಸ್ನೇಹಿತನಿಗೆ ಅಪಮಾನವಾದಾಗ ಮಾತನಾಡದೆ ಮೌನವಾಗಿರುವುದರ ಹಿಂದಿನ ಅರ್ಥವೇನು ಎಂಬುದನ್ನು ಸುದೀಪ್ ಈ ಮೂಲಕ ಸ್ಪರ್ಧಿಗಳಿಗೆ ಅರ್ಥ ಮಾಡಿಸಿದರು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 10:08 pm, Sat, 24 October 26