Cholesterol: ನಿಮ್ಮ ದೇಹದಲ್ಲಿ ಕೊಬ್ಬು ಹೆಚ್ಚಾಗಿದೆಯೇ? ತಿಳಿಯುವುದು ಹೇಗೆ?

ದೇಹದಲ್ಲಿ ಕೊಬ್ಬಿನಾಂಶ ಹೆಚ್ಚಾದರೆ ಅನೇಕ ರೀತಿಯ ತೊಂದರೆಗಳು ನಿಮ್ಮನ್ನು ಕಾಡುತ್ತವೆ. ಕೊಬ್ಬು(Cholesterol) ರಕ್ತದಲ್ಲಿನ ಲಿಪಿಡ್‍ನಂತಿರುವ ಮೇಣದಂಥ ವಸ್ತುವಾಗಿದ್ದು, ಇದು ಆರೋಗ್ಯಕರ ಕೋಶ ರೂಪುಗೊಳ್ಳಲು ಹಾಗೂ ಕೋಶಗಳ ಪೊರೆಯನ್ನು ಬಲಿಷ್ಠಗೊಳಿಸಲು ನೆರವು ನೀಡುತ್ತದೆ.

ದೇಹದಲ್ಲಿ ಕೊಲೆಸ್ಟ್ರಾಲ್ ಹೆಚ್ಚಾದರೆ ಅದರ ಲಕ್ಷಣಗಳು ಕಾಲುಗಳಲ್ಲಿಯೂ ಕಂಡುಬರುತ್ತವೆ. ನೀವು ಸರಿಯಾದ ಸಮಯದಲ್ಲಿ ಅದರ ಬಗ್ಗೆ ಗಮನ ಹರಿಸದಿದ್ದರೆ, ನಂತರ ನಿಮ್ಮ ಪ್ರಾಣಕ್ಕೆ ಸಂಚಕಾರ ಎದುರಾಗಬಹುದು. ಸಾಧ್ಯವಾದರೆ, ಈ ರೋಗಲಕ್ಷಣಗಳನ್ನು ನಿರ್ಲಕ್ಷಿಸುವ ತಪ್ಪನ್ನು ಎಂದಿಗೂ ಮಾಡಬೇಡಿ. ಇಲ್ಲದಿದ್ದರೆ, ನೀವು ಹೃದಯಾಘಾತಕ್ಕೆ ಬಲಿಯಾಗಬಹುದು ಮತ್ತು ಅಧಿಕ ರಕ್ತದೊತ್ತಡದಿಂದ ಬಳಲುವ ಸಾಧ್ಯತೆ ಇದೆ.

ಈ ಕೊಬ್ಬಿನಲ್ಲಿ ಎರಡು ವಿಧವಿದೆ: ಉತ್ತಮ ಕೊಬ್ಬು ಹಾಗೂ ಕೆಟ್ಟ ಕೊಬ್ಬು. ಉತ್ತಮ ಕೊಬ್ಬಿನ ಪ್ರಮಾಣವನ್ನು ಎಚ್‍ಡಿಎಲ್‍ (HDL) (ಹೈ-ಡೆನ್ಸಿಟಿ ಲಿಪೊಪ್ರೋಟೀನ್) ಮಟ್ಟದ ಮೂಲಕ ವ್ಯಾಖ್ಯಾನಿಸಿದರೆ, ಕೆಟ್ಟ ಕೊಬ್ಬನ್ನು ಎಲ್‍ಡಿಎಲ್‍ (LDL) (ಲೋ-ಡೆನ್ಸಿಟಿ ಲಿಪೊಪ್ರೋಟೀನ್) ಮಟ್ಟದ ಮೂಲಕ ಅಳೆಯಲಾಗುತ್ತದೆ.

ಪೆರಿಫೆರಲ್ ಆರ್ಟರಿ ಡಿಸೀಸ್ ಬೆಳೆಯುತ್ತಿದ್ದಂತೆಯೇ ಶರೀರವು ವಿಶ್ರಾಂತಿಯಲ್ಲಿದ್ದರೂ ರೋಗಲಕ್ಷಣಗಳು ಪದೇ ಪದೇ ಕಾಣಿಸಿಕೊಳ್ಳತೊಡಗುತ್ತವೆ. ಈ ರೋಗವು ಉಲ್ಬಣಿಸಿದಾಗ ಯಾವುದೇ ಕಾರಣಕ್ಕೂ ಬದಲಾಗದ ದೇಹದ ಅಂಗವಾದ ಪಾದದ ಬೆರಳಿನಲ್ಲಿ ರೋಗ ಚಿಹ್ನೆಗಳು ಕಾಣಿಸಿಕೊಳ್ಳಲು ಆರಂಭಿಸುತ್ತವೆ.

ಕೊಲೆಸ್ಟ್ರಾಲ್​ನ ಲಕ್ಷಣಗಳು
-ಪಾದದ ಬೆರಳಿನ ಉಗುರು ನೀಲಿ ಬಣ್ಣಕ್ಕೆ ತಿರುಗುತ್ತದೆ
-ಪಾದದ ಬೆರಳುಗಳಲ್ಲಿ ಉರಿಯ ಅನುಭವವಾಗುತ್ತದೆ
-ಗಡುಸಾದ ಪಾದದ ಬೆರಳಿನ ಉಗುರು-

ಕಾಲ ಮೇಲಿನ ಚರ್ಮ ಮೃದುವಾಗುವುದು
-ಕಳೆರಹಿತ ಚರ್ಮ

ಅಸಮರ್ಪಕ ರಕ್ತ ಸಂಚಾರದಿಂದ ಜೀವಕೋಶಗಳು ಸಾವಿಗೀಡಾಗುವುದರಿಂದ ಚರ್ಮದಲ್ಲಿ ಹೊಳಪು ಕಾಣಿಸಿಕೊಳ್ಳುತ್ತದೆ. ಈ ಸ್ಥಿತಿಯನ್ನು ಗ್ಯಾಂಗ್ರೀನ್ ಎಂದು ಕರೆಯುತ್ತಾರೆ.

-ಸುಲಭವಾಗಿ ಗುಣವಾಗದ ಅಲ್ಸರ್‌ ಹುಣ್ಣುಗಳು

-ಕಾಲಿನಲ್ಲಿ ಕಡಿಮೆ ಪ್ರಮಾಣದ ಕೂದಲು ಬೆಳವಣಿಗೆ

-ಕಾಲುಗಳು ತಣ್ಣಗಿರುವುದು, ನಿರ್ದಿಷ್ಟವಾಗಿ ಅಂಗಾಲು

-ವಿಶ‍್ರಾಂತಿಯಲ್ಲಿದ್ದಾಗಲೂ ಶಮನವಾಗದ ನೋವು

ಕಾಲಿನ ಸೆಳೆತ: ಪಾದದ ಹೊರತಾಗಿ, ತೋರುಬೆರಳು, ಹಿಮ್ಮಡಿ ಅಥವಾ ಕಾಲ್ಬೆರಳುಗಳಲ್ಲಿಯೂ ಸೆಳೆತವಿದ್ದರೆ, ಅದು ನಮ್ಮ ನಿದ್ರೆಯ ಮೇಲೂ ಪರಿಣಾಮ ಬೀರುತ್ತದೆ. ರಾತ್ರಿ ಮಲಗುವಾಗ ಹಲವು ರೀತಿಯಲ್ಲಿ ಕಾಲು ನೋವು ಇರುವ ಸಾಧ್ಯತೆ ಇರುತ್ತದೆ, ಇದು ಅಧಿಕ ಕೊಲೆಸ್ಟ್ರಾಲ್‌ನ ಒಂದು ಸಾಮಾನ್ಯ ಲಕ್ಷಣವಾಗಿದೆ.

ಪಾದದ ಚರ್ಮದ ಬಣ್ಣ ಬದಲಾವಣೆ: ದೇಹದಲ್ಲಿನ ಅಧಿಕ ಕೊಲೆಸ್ಟ್ರಾಲ್ ಕಾರಣ, ಪಾದಗಳ ರಕ್ತ ಪೂರೈಕೆಯ ಮೇಲೆ ಪರಿಣಾಮವೂ ಉಂಟಾಗುತ್ತದೆ, ಈ ಪರಿಣಾಮವನ್ನು ನೀವು ಪಾದಗಳ ಮೇಲೆ ಸ್ಪಷ್ಟವಾಗಿ ಕಾಣಬಹುದು. ರಕ್ತದ ಕೊರತೆಯಿಂದಾಗಿ, ರಕ್ತದ ಮೂಲಕ ತಲುಪುವ ಆಮ್ಲಜನಕ ಮತ್ತು ಪೋಷಕಾಂಶಗಳ ಪೂರೈಕೆಯಲ್ಲಿ ಅಡಚಣೆ ಉಂಟಾಗುವುದರಿಂದ ಚರ್ಮದ ಮತ್ತು ಕಾಲುಗಳ ಉಗುರುಗಳ ಬಣ್ಣವು ಬದಲಾಗಬಹುದು.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ