Health Tips: ಹುರುಪು ಹೆಚ್ಚಿಸುವ ಲ್ಯಾವೆಂಡರ್​ ಮಿಲ್ಕ್​ ಟೀ ಮಹತ್ವ ತಿಳಿಯಿರಿ

ಭಾರತೀಯರಿಗೆ ಟೀ (Tea)ಯೊಂದಿಗಿನ ಬಾಂಧವ್ಯ ವಿಶೇಷ ರೀತಿಯದೆ. ಪ್ರತಿದಿನ ಬೆಳಗ್ಗೆ ಒಂದು ಕಪ್​ ಟೀ ಕುಡಿದರೆ ಅಂದಿನ ದಿನ ಉಲ್ಲಾಸಭರಿತವಾಗಿರಲಿದೆ ಎನ್ನುವ ಭಾವ. ಟೆನ್ಷನ್​ ಆದರೂ ಟೀ, ಖುಷಿಯಾದರೂ ಟೀ, ಸಂಬಂಧಿಗಳೂ ಬಂದರೂ ಟೀ ಅಷ್ಟೇ ಯಾಕೆ ಯಾರಾದರೂ ಸ್ನೇಹಿತರೂ ಸಿಕ್ಕರೂ ಒಂದು ಕಪ್​ ಟೀ ಕುಡಿಯೋಣ ಎನ್ನುವ ಮಾತು ಇದ್ದೇ ಇರುತ್ತದೆ. ಹೀಗಾಗಿ ಟೀ ಒಂದು ರೀತಿಯ  ಅವಶ್ಯಕ ಪಾನೀಯ ಎಂದರೆ ತಪ್ಪಾಲಗಾಲರದು. ಟೀ ಯಲ್ಲೂ ಹಲವು ರೀತಿಯಿದೆ. ಬ್ಲ್ಯಾಕ್​ ಟೀ, ಗ್ರೀನ್​ ಟೀ, ವೈಟ್​ ಟೀ ಇತ್ಯಾದಿ. ಅದೇ ರೀತಿ ಲ್ಯಾವೆಂಡರ್​ ಮಿಲ್ಕ್​ ಟೀ ಕೂಡ  ಚಹಾದ ಒಂದು ವಿಧವಾಗಿದೆ. ಜಗತ್ತಿನ ಆರೋಗ್ಯಕೆರ ಚಹಾ ಎಂದು ಕರೆಯಲ್ಪಡುವ ಲ್ಯಾವೆಂಡರ್ ಮಿಲ್ಕ್​ ಟೀ (Lavender Milk Tea) ದೇಹದ ಪಿಟ್​ನೆಸ್ (Fitness​) ಕಾಪಾಡಿಕೊಳ್ಳಲೂ ನೆರವಾಗುತ್ತದೆ.

ಈ ಲ್ಯಾವೆಂಡರ್​ ಮಿಲ್ಕ್​ ಚಹಾವನ್ನು ಹೂವಿನ ದಳದಿಂದ ತಯಾರಿಸಲಾಗುತ್ತದೆ. ಲಾವಂಡುಲಾ ಅಂಗುಸ್ಟಿಫೋಲಿಯಾ ಸಸ್ಯದಿಂದ ಬಂದ ಕೆಲವು ಒಣಗಿದ ಲ್ಯಾವೆಂಡರ್ ಹೂವಿನ ದಳಗಳನ್ನು ಹಾಲಿನೊಂದಿಗೆ ಹಾಕಿ ಕುದಿಸುವ ಮೂಲಕ ತಯಾರಿಸಲಾಗುತ್ತದೆ. ಅನೇಕ ಅನಾರೋಗ್ಯಕ್ಕೆ ಪರಿಹಾರವಾಗಿ ಕೆಲಸ ಮಾಡುವ ಈ ಚಹಾದ ಸೇವನೆ ಉತ್ತಮ ಎನ್ನುತ್ತಾರೆ ತಜ್ಞರು. ಈ ಸಸ್ಯವನ್ನು ಇಂಗ್ಲಿಷ್ ವೈದ್ಯ ಜಾನ್ ಪಾರ್ಕಿನ್ಸನ್ ಅವರು ಎಲ್ಲಾ ತಲೆ ಮತ್ತು ಮೆದುಳಿನ ಕಾಯಿಲೆಗಳಿಗೆ ಗಮನಾರ್ಹವಾದ ಚಿಕಿತ್ಸೆ ನೀಡಲು ಉಪಯೋಗಿಸಬಹುದು ಎಂದು ನಿರೂಪಿಸಿದ್ದಾರೆ. ಈ ಪರಿಮಳಯುಕ್ತ ಹೂವಿನ ದಳಗಳ ಚಹಾವು ಇಂದ್ರಿಯಗಳನ್ನು ತಕ್ಷಣವೇ ಜಾಗೃತಗೊಳಿಸುತ್ತದೆ ಮತ್ತು ನಿಮ್ಮ ದೇಹವನ್ನು ಒಳಗಿನಿಂದ ಗುಣಪಡಿಸುತ್ತದೆ.

ಆರೋಗ್ಯ ವೃದ್ಧಿಸುವ ಲ್ಯಾವೆಂಡರ್ ಟೀ:
ಪ್ರೋಟೀನ್​ ಅಂಶವಿರುವ ಹಾಲಿನೊಂದಿಗೆ ಲ್ಯಾವೆಂಡರ್​ ದಳಗಳನ್ನು ಸೇರಿಸಿ ಸೇವಿಸಿದಾಗ ದೇಹದಲ್ಲಿ ಹೊಸ ಚೈತನ್ಯ ನೀಡುತ್ತದೆ. ಜತೆಗೆ ಮೂಡ್​ಅನ್ನು ರಿಪ್ರೆಶ್​ ಮಾಡುತ್ತದೆ. ಮಾನಸಿಕ ಆತಂಕ, ಒತ್ತಡ ಇವುಗಳನ್ನು ಕಡಿಮೆ ಮಾಡುತ್ತದೆ.  ಈ ಚಹಾವನ್ನು ಮಲಗುವ ಮುನ್ನ ಸೇವಿಸಿದಾಗ, ನೈಸರ್ಗಿಕ ನಿದ್ರಾಜನಕವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ನರಮಂಡಲದ ವಿಶ್ರಾಂತಿಗೆ ಸಹಾಯ ಮಾಡುತ್ತದೆ. ಲ್ಯಾವೆಂಡರ್ ಸಸ್ಯದ ಘಟಕಗಳು ಈ ಚಹಾವನ್ನು ಅತ್ಯಂತ ಆರೋಗ್ಯಕರವಾಗಿಸುತ್ತದೆ.

ಲ್ಯಾವೆಂಡರ್ ಟೀನ ಉಪಯೋಗಳು ಯಾವವು?

1. ಇದು ಆಂಟಿಮೈಕ್ರೊಬಿಯಲ್ ಆಗಿದ್ದು ಅದು ಶ್ವಾಸಕೋಶದಿಂದ ಲೋಳೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಜತೆಗೆ ಹೊಟ್ಟೆಯಲ್ಲಿರುವ ಕೊಲನ್​ ಸೋಂಕುಗಳನ್ನೂ ಕೂಡ ನಿವಾರಿಸಲು ಸಹಾಯ ಮಾಡುತ್ತದೆ.
2. ಇದು ದೇಹದಲ್ಲಿ ಉರಿಯೂತದ ಪ್ರಕ್ರಿಯೆಗಳನ್ನು ಕಡಿಮೆ ಮಾಡುತ್ತದೆ. ಶ್ವಾಸಕೋಶದಲ್ಲಿನ ಲೋಳೆಯ ಪೊರೆಗಳನ್ನು ಹಾಗೂ  ಹುಣ್ಣುಗಳನ್ನು ಗುಣಪಡಿಸುತ್ತದೆ.
3. ಉರಿಯೂತದ ಮತ್ತು ನೋವು ನಿವಾರಕವಾಗಿ ಕೆಲಸ ಮಾಡುವ ಈ ಲ್ಯಾವೆಂಡರ್​ ನೈಸರ್ಗಿಕ ನಂಜುನಿರೋಧಕವಾಗಿದೆ. ಇದು ಕಣ್ಣಿನ ಸೋಂಕುಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
4. ಇದು ಆಂಟಿಬ್ಯಾಕ್ಟೀರಿಯಲ್ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ನೈಸರ್ಗಿಕ ಪೇಸ್‌ಮೇಕರ್ ಆಗಿ ಕಾರ್ಯನಿರ್ವಹಿಸುತ್ತದೆ, ಕ್ಯಾನ್ಸರ್ ಕೋಶಗಳ ವಿರುದ್ಧದ ಹೋರಾಟದಲ್ಲಿ ದೇಹಕ್ಕೆ ಲ್ಯಾವೆಂಡರ್​ ಟೀ  ಸಹಾಯ ಮಾಡುತ್ತದೆ.

ಇದನ್ನೂ ಓದಿ:

Bili Ekka: ಮನೆಯಲ್ಲಿದ್ದರೆ ಬಿಳಿ ಎಕ್ಕ ವಾಸ್ತು ದೋಷವೂ ನಿವಾರಣೆ; ಆರೋಗ್ಯ ಪ್ರಯೋಜನಗಳೂ ನೂರೆಂಟು