ನಿದ್ರೆ ಮಾತ್ರೆ ಸೇವಿಸುವುದರಿಂದ ಸಮಸ್ಯೆಗಳು ಒಂದಾ, ಎರಡಾ..?

ಯಾವಾಗಪ್ಪಾ ಬೆಳಗಾಗುತ್ತೆ ಅನ್ನೋ ಜನರಿಗೆ ನಿದ್ರೆ ಸಮಸ್ಯೆ ಖಂಡಿತಾ ಇರುತ್ತೆ. ಆದರೆ ಈ ಸಮಸ್ಯೆಗೆ ಕಾರಣ ಖಿನ್ನತೆ. ಪ್ರತಿನಿತ್ಯ ನಿದ್ರೆ ಬಾರದೆ ಮನೋವೈದ್ಯ ಸಲಹೆ ಪಡೆದು ಮಾತ್ರೆ ಸೇವಿಸುವವರಿಗೆ ಈ ನಿದ್ರೆಗುಳಿಗೆಗಳಿಂದಾಗುವ ಸಮಸ್ಯೆಗಳ ಬಗ್ಗೆ ಗಂಭೀರ ಚಿಂತನೆ ಇರುವುದಿಲ್ಲ.

ಜೀವನದಲ್ಲಿ ಸಮಸ್ಯೆಗಳು ಸಹಜ. ಇದನ್ನು ಎದುರಿಸಿ ಮುಂದೆ ಸಾಗುವುದರಿಂದ ಬದುಕಿಗೊಂದು ಅರ್ಥ ಸಿಗುತ್ತದೆ. ಜನ ಸಾಮಾನ್ಯವಾಗಿ ವೈಯಕ್ತಿಕ ಸಮಸ್ಯೆಗಳು ಅಥವಾ ಇತರ ಸಾಮಾಜಿಕ ಸಮಸ್ಯೆಗಳಿಂದ ಖಿನ್ನತೆಗೆ ಒಳಗಾಗುತ್ತಾರೆ. ಇದಕ್ಕೆ ಲೇಟೆಸ್ಟ್​ ಆಗಿ ರಾಜಕೀಯ ಒತ್ತಡವೂ ಸೇರಿದೆ. ಕೆಲವರು ಇದರಿಂದ ಬೇಗ ಹೊರಬಂದರೆ, ಇನ್ನು ಕೆಲವರು ಒತ್ತಡದಲ್ಲಿ ಸಿಲುಕಿ ಯಾತನೆ ಪಡುತ್ತಿರುತ್ತಾರೆ. ಈ ವೇಳೆಯಲ್ಲಿ ಮನೋವೈದ್ಯರೇ ಅಂತಹ ವ್ಯಕ್ತಿಗಳಿಗೆ ನಿದ್ರೆ ಮಾತ್ರೆಗಳನ್ನು ನೀಡುತ್ತಾರೆ.

ನಿದ್ರೆ ಮಾತ್ರೆಗಳಿಂದಾಗುವ ಸಮಸ್ಯೆಗಳೇನು?

ನಿದ್ರೆಯಿಂದ ವಂಚಿತರಾದ ಜನರು ಮನೋವೈದ್ಯರಿಂದ ಮಾತ್ರೆಗಳನ್ನು ಪಡೆಯುತ್ತಾರೆ. ಸೀಮಿತ ಅವಧಿಯ ವರೆಗೆ ಇದನ್ನು ತೆಗೆದುಕೊಂಡರೆ ಜೀವಕ್ಕೆ ಅಪಾಯವಿಲ್ಲ. ಕೆಲವರು ಹೆಚ್ಚು ಕಾಲದವೆರೆಗೆ ತೆಗೆದುಕೊಂಡಾಗ ಬಿಪಿಗೆ ಸಂಬಂಧಿಸಿದ ಮಾತ್ರೆಗಳನ್ನು ತೆಗೆದುಕೊಳ್ಳುವುದು ಅನಿವಾರ್ಯವಾಗಿ ಹೆಚ್ಚಾಗುತ್ತದೆ ಎಂದು ಕೆಲ ಅಧ್ಯಯನ ಮೂಲಕ ತಿಳಿದಿದೆ.

ಮಾತ್ರೆಗಳನ್ನು (Sleeping Pills) ಜೀವನ ಪೂರ್ತಿ ತೆಗೆದುಕೊಂಡರೆ ಅಧಿಕ ರಕ್ತದೊತ್ತಡ, ಕಿಡ್ನಿ ಸೇರಿದಂತೆ ಹಲವು ದೈಹಿಕ ಸಮಸ್ಯೆಗಳು ಉದ್ಭವಾಗುತ್ತದೆ. ಕೆಲವರು ಖಿನ್ನತೆಯಿಂದ ಹೊರಬರಲು  ಒಂದೇ ಬಾರಿ ಹತ್ತು ಹದಿನೈದು ಮಾತ್ರೆಗಳನ್ನು ತೆಗೆದುಕೊಳ್ಳುತ್ತಾರೆ. 0.25 ಎಂಜಿ ಡೋಸೇಜ್ ಇರುವ  ಮಾತ್ರೆಗಳನ್ನು ಒಂದೇ ಬಾರಿ ತೆಗೆದುಕೊಂಡಾಗ 2 ರಿಂದ 3 ದಿನಗಳ ಕಾಲ ಆರೋಗ್ಯ ತಪ್ಪುತ್ತಾರೆ. ಆದರೆ ಜೀವಕ್ಕೆ ಆಪಾಯವಿಲ್ಲ. ಜಾಸ್ತಿ ಡೊಸೇಜ್ ಇರುವ ಮಾತ್ರೆಗಳನ್ನು ಸೇವಿಸಿದಾಗ ಜೀವಕ್ಕೆ ಹಾನಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ  ಎಂದು ಆಪ್ತ ಸಮಾಲೋಚಕಿ ಸೌಜನ್ಯ ಟಿವಿ9 ಡಿಜಿಟಲ್​ಗೆ ತಿಳಿಸಿದ್ದಾರೆ.

ಮಾತ್ರೆಗಳನ್ನು (Sleeping Tablets) ನಿಲ್ಲಿಸಿದ ಬಳಿಕ ನಿದ್ರೆ ಕೊರತೆ ಮತ್ತೆ ಉಂಟಾದರೆ ಹಿಂದೆ ಪಡೆಯುತ್ತಿದ್ದ ಡೊಸೇಜ್​ಗಿಂತ ಹೆಚ್ಚು ಡೊಸೇಜ್ ಇರುವ ಮಾತ್ರೆಯನ್ನು ವೈದ್ಯರು ನೀಡುತ್ತಾರೆ. ಕೆಲವೊಮ್ಮೆ ಮಕ್ಕಳು ಖಿನ್ನತೆಗೆ ಒಳಗಾದ ಸಂದರ್ಭದಲ್ಲಿ ನಿದ್ರೆ ಮಾತ್ರೆಗಳನ್ನು ನೀಡದೆ, ಅವರಿಗೆ ಕೆಲವೊಂದು ಚಟುವಟಿಕೆಗಳ ಮೂಲಕ ಸಹಜ ಸ್ಥಿತಿಗೆ ತರಲು ಹಲವು ಪ್ರಯತ್ನಗಳು ವೈದ್ಯರಿಂದ ನಡೆಯುತ್ತದೆ ಎಂದರು.

Published On - 3:22 pm, Mon, 30 November 20