Daily Devotional:ಕಾರ್ತೀಕ ಮಾಸದ ಕೊನೆ ಸೋಮವಾರ ವಿಧಿ ವಿಧಾನ

ಬೆಂಗಳೂರು, ನವೆಂಬರ್ 17: ಸೃಷ್ಟಿ ಸ್ಥಿತಿ ಲಯಕಾರಕನಾದ ಪರಶಿವನ ಕೃಪೆಗೆ ಪಾತ್ರರಾಗಲು ಈ ದಿನ ಅತ್ಯಂತ ಶ್ರೇಷ್ಠವಾಗಿದೆ. ಮಹಾಶಿವರಾತ್ರಿ, ಸೋಮವಾರ ಮತ್ತು ಚತುರ್ದಶಿ ಶಿವನಿಗೆ ಪ್ರೀತಿಯ ದಿನಗಳಾಗಿದ್ದರೂ, ಕಾರ್ತೀಕ ಮಾಸದ ಕೊನೆಯ ಸೋಮವಾರವು ಅತಿ ಹೆಚ್ಚು ಶ್ರೇಷ್ಠತೆಯನ್ನು ಹೊಂದಿದೆ.

ಕೆಲಸದ ಒತ್ತಡಗಳಿರುವವರು ಅಥವಾ ಹೊರಗಿರುವವರು ಕೂಡ ಶಿವನ ಬಿಂಬವನ್ನು ಮನಸ್ಸಿನಲ್ಲಿ ಕಲ್ಪಿಸಿಕೊಂಡು ವಿಭೂತಿ ಧಾರಣೆ, ಕುಂಕುಮ ಲೇಪನ, ಶಿವನಾಮ ಜಪದಂತಹ ಸರಳ ಪೂಜೆಗಳನ್ನು ಮಾಡಬಹುದು. ಉಪವಾಸ, ದಾನ ಮತ್ತು ಜಾಗರಣೆ ಈ ದಿನದ ಪ್ರಮುಖ ಕೈಂಕರ್ಯಗಳು. ವಿಶೇಷವಾಗಿ ಅರ್ಹರಿಗೆ ಮಾಡುವ ದಾನ ಮೂರು ಪಟ್ಟು ಲಾಭ ನೀಡುತ್ತದೆ. ಕನಿಷ್ಠ ಐದು ಗಂಟೆಗಳ ಕಾಲ ಉಪವಾಸವಿರುವುದರಿಂದ ನೆಮ್ಮದಿ ಮತ್ತು ಉತ್ತಮ ಆರ್ಥಿಕ ವ್ಯವಹಾರಗಳು ಪ್ರಾಪ್ತವಾಗುತ್ತವೆ. ಇದು ಆಲೋಚನಾ ಶಕ್ತಿಯನ್ನು ಸಹ ಹೆಚ್ಚಿಸುತ್ತದೆ.