Daily Devotional: ವಿವಿಧ ರೀತಿಯ ಲಿಂಗಗಳ ಪೂಜೆಯ ಫಲ ಹೇಗಿರುತ್ತೆ
Updated on: Nov 11, 2025 | 7:06 AM
ಕಾರ್ತೀಕ ಮಾಸದಲ್ಲಿ ಶಿವನ ಕೃಪೆ ಪಡೆಯಲು ವಿವಿಧ ರೀತಿಯ ಶಿವಲಿಂಗಗಳ ಪೂಜೆ ಹೆಚ್ಚು ಫಲಪ್ರದವಾಗಿದೆ. ಗಂಧ, ಪುಷ್ಪ, ಬೆಣ್ಣೆ, ವಿಭೂತಿ, ಉಪ್ಪು, ಕರ್ಪೂರ, ಗೋಮಯ, ನವರತ್ನ, ಸ್ಪಟಿಕ, ಬೆಲ್ಲ ಹಾಗೂ ಹುತ್ತದ ಮಣ್ಣಿನಿಂದ ಮಾಡಿದ ಲಿಂಗಗಳ ಆರಾಧನೆಯು ಜ್ಞಾನ, ಕೀರ್ತಿ, ಆರೋಗ್ಯ, ಐಶ್ವರ್ಯ ಮತ್ತು ಶತ್ರುನಿವಾರಣೆಯಂತಹ ಹಲವು ಪ್ರಯೋಜನಗಳನ್ನು ನೀಡುತ್ತದೆ. ನಂಬಿಕೆಯೇ ಎಲ್ಲಾ ಪೂಜೆಗಳ ಮೂಲ.
ಬೆಂಗಳೂರು, ನವೆಂಬರ್ 11: ಕಾರ್ತೀಕ ಮಾಸವು ಶಿವನ ಆರಾಧನೆಗೆ ಅತ್ಯಂತ ವಿಶೇಷವಾದ ತಿಂಗಳು. ಈ ಮಾಸದಲ್ಲಿ ಶಿವಲಿಂಗದ ವಿವಿಧ ರೂಪಗಳನ್ನು ಪೂಜಿಸುವುದರಿಂದ ಭಕ್ತರು ಶಿವನ ಪೂರ್ಣಾನುಗ್ರಹಕ್ಕೆ ಪಾತ್ರರಾಗುತ್ತಾರೆ. ಗಂಧದ ಪುಡಿಯಿಂದ ಮಾಡಿದ ಲಿಂಗವನ್ನು ಪೂಜಿಸಿದರೆ ಶಿವನ ತೃಪ್ತಿ ಮತ್ತು ಅನುಗ್ರಹ ದೊರೆಯುತ್ತದೆ. ಪುಷ್ಪಗಳಿಂದ ಮಾಡಿದ ಲಿಂಗ ಪೂಜೆಯಿಂದ ರಾಜಾತಿಥ್ಯ ಹಾಗೂ ಗೌರವ ಪ್ರಾಪ್ತವಾಗುತ್ತದೆ. ಬೆಣ್ಣೆಯಿಂದ ಮಾಡಿದ ನವನೀತ ಲಿಂಗದ ಪೂಜೆಯು ಕೀರ್ತಿ ಮತ್ತು ಪ್ರತಿಷ್ಠೆಯನ್ನು ತರುತ್ತದೆ.
ವಿಭೂತಿಯಿಂದ ಮಾಡಿದ ಶಿವಲಿಂಗವು ಜ್ಞಾನ ವೃದ್ಧಿ ಮತ್ತು ಮಕ್ಕಳ ವಿದ್ಯಾಭ್ಯಾಸದಲ್ಲಿ ಉನ್ನತಿಯನ್ನು ನೀಡುತ್ತದೆ. ಉಪ್ಪಿನಿಂದ ಮಾಡಿದ ಲಿಂಗದ ಆರಾಧನೆಯು ಶತ್ರುಗಳನ್ನು ಕಡಿಮೆ ಮಾಡಿ ಕೋಪತಾಪಗಳನ್ನು ನಿವಾರಿಸುತ್ತದೆ. ಕರ್ಪೂರ ಲಿಂಗವು ಕುಟುಂಬದಿಂದ ಮಾಟ-ಮಂತ್ರಗಳನ್ನು ದೂರ ಮಾಡಿ ಸಂತೋಷವನ್ನು ತರುತ್ತದೆ. ಗೋಮಯದಿಂದ ಮಾಡಿದ ಲಿಂಗವು ಐಶ್ವರ್ಯ ಪ್ರಾಪ್ತಿಗೆ ಸಹಕಾರಿ. ನಂಬಿಕೆಯಿಂದ ಮಾಡುವ ಈ ಪೂಜೆಗಳು ಸರ್ವ ಶುಭಗಳನ್ನು ತರುತ್ತವೆ.
