Weekly Job Horoscope: ನಿಮ್ಮ ರಾಶಿಗನುಗುಣವಾಗಿ ಈ ವಾರದ ಉದ್ಯೋಗ ಭವಿಷ್ಯ ಇಲ್ಲಿ ತಿಳಿಯಿರಿ

ಜೂನ್ 21ರಿಂದ ಜೂನ್‌ 27ರವರೆಗೆ ಈ ತಿಂಗಳ ನಾಲ್ಕನೇ ವಾರವಾಗಿದ್ದು ಉದ್ಯೋಗಾಧಿಪತಿ ಮತ್ತು ಉದ್ಯೋಗಸ್ಥಾನಧಿಪತಿಗಳ ಸಂಯೋಗದಿಂದ ಕೆಲವರಿಗೆ ಅತ್ಯಂತ ಶುಭಫಲ‌ ಹಾಗೂ ಶುಭ ಸಮಾಚಾರಗಳು ಇರಲಿವೆ. ದುಡುಕಿ ನಿಮ್ಮ ನಿರ್ಧಾರಗಳನ್ನು ಹಾಳುಮಾಡುಕೊಳ್ಳುವುದು ಬೇಡ. ಸಮಯ ನಿರೀಕ್ಷೆಯಿಂದ ಎಲ್ಲವೂ ಸಾಧ್ಯ.

​ಮೇಷ ರಾಶಿ:

ದ್ವಿತೀಯದಲ್ಲಿ ಮಂಗಳನಿದ್ದಾನೆ. ಬ್ಯಾಂಕಿಂಗ್, ಆರ್ಥಿಕ ಸಂಸ್ಥೆ ಹಾಗೂ ಭೂಮಿ ಮಾರಾಟದ ಉದ್ಯಮಿಗಳಿಗೆ ಧನಲಾಭದ ಯೋಗವಿದೆ. ಕಠಿಣ ಪರಿಶ್ರಮಕ್ಕೆ ತಕ್ಕ ಪ್ರಶಂಸೆ ದೊರೆತು, ಕಾರ್ಯಕ್ಷೇತ್ರದಲ್ಲಿ ನಿಮ್ಮ ಪ್ರಭಾವ ಹೆಚ್ಚಾಗಲಿದೆ.

​ವೃಷಭ ರಾಶಿ:

ಸ್ವರಾಶಿಯಲ್ಲಿ ಮಂಗಳನ ಉಪಸ್ಥಿತಿಯಿದೆ. ಸ್ವತಂತ್ರ ಉದ್ಯಮ, ಯಾಂತ್ರಿಕ ಕ್ಷೇತ್ರ ಹಾಗೂ ಕೃಷಿ ಸಂಬಂಧಿತ ಉದ್ಯೋಗಿಗಳಿಗೆ ಇದು ಅತ್ಯಂತ ಸೃಜನಶೀಲ ವಾರ. ಹೊಸ ಯೋಜನೆಗಳನ್ನು ಧೈರ್ಯದಿಂದ ಆರಂಭಿಸಲು ಸೂಕ್ತ ಸಮಯವಾಗಿದೆ.

​ಮಿಥುನ ರಾಶಿ:

ನಿಮ್ಮ ರಾಶಿಯಲ್ಲಿ ಸೂರ್ಯನಿದ್ದಾನೆ. ಸರ್ಕಾರಿ ಅಧಿಕಾರಿಗಳಿಗೆ, ಆಡಳಿತ ವಿಭಾಗದವರಿಗೆ ಹಾಗೂ ರಾಜಕೀಯ ರಂಗದಲ್ಲಿರುವವರಿಗೆ ಉನ್ನತ ಗೌರವ ಸಿಗಲಿದೆ. ನಾಯಕತ್ವ ಗುಣದಿಂದಾಗಿ ಮೇಲಧಿಕಾರಿಗಳ ಸಂಪೂರ್ಣ ಬೆಂಬಲ ನಿಮ್ಮದಾಗಲಿದೆ.

​ಕರ್ಕಾಟಕ ರಾಶಿ :

ಬುಧ, ಶುಕ್ರ ಮತ್ತು ಗುರುಗಳು ನಿಮ್ಮ ರಾಶಿಯಲ್ಲಿದ್ದಾರೆ. ಕಲೆ, ಸಾಹಿತ್ಯ, ಶಿಕ್ಷಣ ಕ್ಷೇತ್ರ, ಚಿನ್ನದ ವ್ಯಾಪಾರ ಹಾಗೂ ಸಂಶೋಧಕರಿಗೆ ಈ ವಾರ ಸುವರ್ಣಾವಕಾಶ ತರಲಿದೆ. ಪ್ರಗತಿಯೊಂದಿಗೆ ಆರ್ಥಿಕ ಸ್ಥಿತಿ ಭದ್ರವಾಗುತ್ತದೆ.

ಸಿಂಹ ರಾಶಿ :

ನಿಮ್ಮ ರಾಶಿಯಲ್ಲಿ ಕೇತು ಇದ್ದಾನೆ. ಆಧ್ಯಾತ್ಮಿಕ ಕ್ಷೇತ್ರ, ಕೌನ್ಸಿಲಿಂಗ್, ಯೋಗ ತರಬೇತುದಾರರು ಹಾಗೂ ಕರಕುಶಲ ಉದ್ಯೋಗಿಗಳಿಗೆ ಉತ್ತಮ ಯಶಸ್ಸು ಸಿಗಲಿದೆ. ಸಹೋದ್ಯೋಗಿಗಳೊಂದಿಗೆ ತಾಳ್ಮೆಯಿಂದ ವರ್ತಿಸುವುದು ಪ್ರಗತಿಗೆ ಪೂರಕವಾಗುತ್ತದೆ.

​ಕನ್ಯಾ ರಾಶಿ :

ರಾಶ್ಯಾಧಿಪತಿ ಬುಧನು ಕರ್ಕಾಟಕದಲ್ಲಿದ್ದಾನೆ. ಮಾಹಿತಿ ತಂತ್ರಜ್ಞಾನ, ಮಾಧ್ಯಮ, ಲೇಖಕರು ಹಾಗೂ ಲೆಕ್ಕಪರಿಶೋಧನೆ ರಂಗದವರಿಗೆ ನವೀನ ಅವಕಾಶಗಳು ಸೃಷ್ಟಿಯಾಗಲಿವೆ. ನಿಮ್ಮ ಸಂವಹನ ಕಲೆಗೆ ಉತ್ತಮ ಮನ್ನಣೆ ದೊರೆಯುತ್ತದೆ.

​ತುಲಾ ರಾಶಿ:

ಶುಕ್ರನು ಕರ್ಕಾಟಕದಲ್ಲಿ ಮಿಂಚುತ್ತಿದ್ದಾನೆ. ಫ್ಯಾಷನ್ ಡಿಸೈನಿಂಗ್, ಸೌಂದರ್ಯ ವರ್ಧಕ ವ್ಯಾಪಾರ, ಹೋಟೆಲ್ ಉದ್ಯಮ ಹಾಗೂ ಚಿತ್ರರಂಗದ ಉದ್ಯೋಗಿಗಳಿಗೆ ಅದ್ಭುತ ಲಾಭ ಕಾಯ್ದಿರಿಸಿದೆ. ಕೀರ್ತಿ ಮತ್ತು ಸೌಭಾಗ್ಯಗಳು ಹೆಚ್ಚಲಿವೆ.

​ವೃಶ್ಚಿಕ ರಾಶಿ:

ಚಂದ್ರನು ನಿಮ್ಮ ರಾಶಿಯಲ್ಲಿದ್ದಾನೆ. ಹಾಲಿನ ಉತ್ಪನ್ನಗಳು, ಜಲಸಾರಿಗೆ, ವೈದ್ಯಕೀಯ ರಂಗ ಹಾಗೂ ಮಾನವ ಸಂಪನ್ಮೂಲ ವಿಭಾಗದ ಉದ್ಯೋಗಿಗಳಿಗೆ ಶುಭ ತರಲಿದೆ. ಮಾನಸಿಕ ಉತ್ಸಾಹದಿಂದ ಕೆಲಸ ಕಾರ್ಯಗಳು ಸುಲಭವಾಗಿ ಪೂರ್ಣಗೊಳ್ಳಲಿವೆ.

ಇದನ್ನೂ ಓದಿ: ಕೇತುವಿನ ಮೇಲಿದೆ ಕುಜನ ದೃಷ್ಟಿ: ಯಾರಿಗೆ ಒಲಿಯಲಿದೆ ಪೂರ್ಣ ರಾಜಯೋಗ? ಯಾರಿಗೆ ಧನಲಾಭ?

​ಧನು ರಾಶಿ:

ಲಗ್ನದಲ್ಲೇ ರಾಶಿ ನಕ್ಷತ್ರವಿದ್ದು, ಗುರು ಭಾಗ್ಯದಲ್ಲಿದ್ದಾನೆ. ಶಿಕ್ಷಕರು, ಉಪನ್ಯಾಸಕರು, ಕಾನೂನು ಸಲಹೆಗಾರರು ಹಾಗೂ ಧಾರ್ಮಿಕ ಮುಖಂಡರಿಗೆ ಗೌರವದ ವಾರವಿದು. ದೀರ್ಘಾವಧಿ ಹೂಡಿಕೆಗಳು ಉದ್ಯೋಗದಲ್ಲಿ ಉತ್ತಮ ಲಾಭವನ್ನು ತಂದುಕೊಡಲಿವೆ.

ಮಕರ ರಾಶಿ:

ಶನಿಯು ತೃತೀಯದಲ್ಲಿದ್ದಾನೆ. ತಾಂತ್ರಿಕ ಕ್ಷೇತ್ರ, ಗಣಿಗಾರಿಕೆ, ಕಾರ್ಖಾನೆಗಳ ಮಾಲೀಕರು ಹಾಗೂ ಕಠಿಣ ಶ್ರಮದ ಉದ್ಯೋಗಿಗಳಿಗೆ ಸ್ಥಿರವಾದ ಪ್ರಗತಿ ಸಿಗಲಿದೆ. ಶಿಸ್ತು ಮತ್ತು ಸಮಯಪ್ರಜ್ಞೆ ನಿಮ್ಮನ್ನು ಯಶಸ್ಸಿನ ಉನ್ನತ ಶಿಖರಕ್ಕೆ ಮುನ್ನಡೆಸುತ್ತದೆ.

ಕುಂಭ ರಾಶಿ:

ನಿಮ್ಮ ರಾಶಿಯಲ್ಲಿ ರಾಹು ಇದ್ದಾನೆ. ಬಹುರಾಷ್ಟ್ರೀಯ ಕಂಪನಿಗಳು, ತಂತ್ರಜ್ಞಾನ ಆವಿಷ್ಕಾರ, ವಿದೇಶಿ ವ್ಯಾಪಾರ ಹಾಗೂ ಷೇರು ಮಾರುಕಟ್ಟೆಯ ಉದ್ಯೋಗಿಗಳಿಗೆ ಅನಿರೀಕ್ಷಿತ ಧನಲಾಭ ಸಿಗಲಿದೆ. ರಾಜತಾಂತ್ರಿಕ ನಡೆಗಳು ಯಶಸ್ಸು ನೀಡಲಿವೆ.

ಮೀನ ರಾಶಿ:

ರಾಶಿಯಲ್ಲಿ ಶನಿಯ ಸಂಚಾರವಿದೆ. ನ್ಯಾಯಾಂಗ, ಸಮಾಜ ಸೇವೆ, ರಕ್ಷಣಾ ಇಲಾಖೆ ಹಾಗೂ ಆಡಳಿತಾತ್ಮಕ ಉದ್ಯೋಗಗಳಲ್ಲಿ ಜವಾಬ್ದಾರಿಗಳು ಹೆಚ್ಚಲಿವೆ. ತಾಳ್ಮೆಯುಳ್ಳ ಕಠಿಣ ಪರಿಶ್ರಮವು ವಾರದ ಅಂತ್ಯಕ್ಕೆ ಅತ್ಯುತ್ತಮ ಫಲಿತಾಂಶವನ್ನು ನೀಡುತ್ತದೆ. ​ – ಲೋಹಿತ್ ಹೆಬ್ಬಾರ್

ಜ್ಯೋತಿಷ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ: