ಇನ್ವೆಸ್ಟ್ ಕರ್ನಾಟಕದಲ್ಲಿ ಏರ್ ಟ್ಯಾಕ್ಸಿ ಅನಾವರಣ: 10 ನಿಮಿಷದಲ್ಲೇ ಬೆಂಗಳೂರು ಏರ್‌ಪೋರ್ಟ್‌ಗೆ ಪ್ರಯಾಣ
ಬೆಂಗಳೂರಿನಲ್ಲಿ ನಡೆಯುತ್ತಿರುವ ಜಾಗತಿಕ ಹೂಡಿಕೆದಾರರ ಸಮಾವೇಶದಲ್ಲಿ ಏರ್ ಟ್ಯಾಕ್ಸಿ ಗಮನ ಸೆಳೆಯುತ್ತಿದೆ. ಅಮೆರಿಕ, ಯುರೋಪ್, ಚೀನಾ, ಯುಕೆಯಲ್ಲಿ ಮಾತ್ರ ಸದ್ಯ ಏರ್ ಟ್ಯಾಕ್ಸಿ ಇದೆ. ಇದೀಗ ಭಾರತದಲ್ಲೂ ಈಗ ಕಮಾಲ್ ಮಾಡಲು ಏರ್ ಟ್ಯಾಕ್ಸಿ ಸಿದ್ದವಾಗಿದೆ. ಸದ್ಯ ಇನ್ವೆಸ್ಟ್ ಕರ್ನಾಟಕದಲ್ಲಿ ಈ ಏರ್ ಟ್ಯಾಕ್ಸಿ ಸೆಂಟರ್ ಆಫ್ ಅಟ್ರಾಕ್ಷನ್ ಆಗಿದ್ದು, ರಕ್ಷಣಾ ಇಲಾಖೆಯಿಂದ ಅನುಮತಿ ಸಿಕ್ಕರೆ 2027ಕ್ಕೆ ಲಾಂಚ್ ಆಗಲಿದೆ. ಹಾಗಾದ್ರೆ, ಈ ಏರ್ ಟ್ಯಾಕಿ ವಿಶೇಷತೆಗಳೇನು? ಎನ್ನುವ ಸಂಪೂರ್ಣ ವಿವರ ಇಲ್ಲಿದೆ.
ಬೆಂಗಳೂರು, (ಫೆಬ್ರವರಿ 12): ಎಲೆಕ್ಟ್ರಿಕ್ ಬೈಕ್, ಎಲೆಕ್ಟ್ರಿಲ್ ಸ್ಕೂಟರ್, ಎಲೆಕ್ಟ್ರಿಲ್ ಕಾರು, ಬಸ್ ರಸ್ತೆಗಳಿದಿವೆ. ಈಗ ಎಲೆಕ್ಟ್ರಿಲ್ ಹೆಲಿಕಾಪ್ಟರ್ ಸರದಿ. ಹೌದು..ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆಯುತ್ತಿರುವ ಇನ್ವೆಸ್ಟ್ ಕರ್ನಾಟಕದಲ್ಲಿ ಈ ಬಾರಿ ಏರ್ ಟ್ಯಾಕ್ಸಿ ಸೆಂಟರ್ ಆಫ್ ಅಟ್ರಾಕ್ಷನ್ ಆಗಿದೆ. ಇನ್ನು ಹೂಡಿಕೆದಾರರ ಸಮಾವೇಶದ ವಸ್ತು ಪ್ರದರ್ಶನ ಕೇಂದ್ರದಲ್ಲಿ ಪ್ರಮುಖ ಆಕರ್ಷಣೆಯಾಗಿರುವ ಏರ್ ಟ್ಯಾಕ್ಸಿ ನೋಡಲು ಜನರು ಹೆಚ್ಚಿನ ಉತ್ಸಾಹ ತೋರಿಸುತ್ತಿದ್ದು, . ಸಾಕಷ್ಟು ಜನರು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಿದ್ದಾರೆ.
ಎಲೆಕ್ಟ್ರಿಕ್ ಹೆಲಿಕಾಪ್ಟರ್ ಆರ್ಥಾತ್ ವಿದ್ಯುತ್ ಚಾಲಿತ ಏರ್ ಟ್ಯಾಕ್ಸಿ ಎಲ್ಲರ ಗಮನಸೆಳೆದಿದ್ದು, ಇದೀಗ ಬೆಂಗಳೂರಿನಲ್ಲೂ ಹಾರಾಟಕ್ಕೆ ಸಿದ್ಧವಾಗಿದೆ. ಒಂದು ವೇಳೆ ಈ ಏರ್ ಟ್ಯಾಕ್ಸಿ ಶುರುವಾದರೆ ಕೆಂಪೇಗೌಡ ವಿಮಾನ ನಿಲ್ದಾಣಕ್ಕೆ ಕೆಲವೇ ನಿಮಿಷಗಳಲ್ಲಿ ತಲುಪಬಹುದಾಗಿದೆ.
ಸರಳ ಏವಿಯೇಷನ್‌ ಸಿದ್ದ ಮಾಡಿರುವ ಹೆಲಿಕಾಪ್ಟರ್ ಮಾದರಿ ಹೋಲುವ ಏರ್ ಟ್ಯಾಕ್ಸಿ ಈಗಾಗಲೇ ಅಮೆರಿಕ, ಯುರೋಪ್, ಚೀನಾ, ಯುಕೆಯಲ್ಲಿ ಮಾತ್ರ ಈ ಏರ್ ಟ್ಯಾಕ್ಸಿ ಇದೆ. ಈಗ ಭಾರತದಲ್ಲೂ ಈಗ ಕಮಾಲ್ ಮಾಡಲು ಸಿದ್ದವಾಗಿದ್ದು, ರಕ್ಷಣಾ ಇಲಾಖೆಯಿಂದ ಗ್ರೀನ್ ಸಿಗ್ನಲ್ ಸಿಕ್ಕರೆ 2027ಕ್ಕೆ ಈ ಏರ್ ಟ್ಯಾಕ್ಸಿ ಹಾರಾಟ ಶುರುವಾಗಲಿದೆ. ಇನ್ನು ಕೆಂಪೇಗೌಡ ಅಂತಾರಾಷ್ಟ್ರೀಯ ಏರ್‌ಪೋರ್ಟ್‌ನಿಂದ ಜಕ್ಕೂರು, ಎಲೆಕ್ಟ್ರಾನಿಕ್ ಸಿಟಿ, ಹೆಚ್‌ಎಎಲ್‌ ನಿಲ್ದಾಣಕ್ಕೆ ವ್ಯವಸ್ಥೆ ಮಾಡಲಾಗಿದೆ.
ಏರ್ ಟ್ಯಾಕ್ಸಿಯ ವಿಶೇಷತೆಗಳೇನು?
ಸರಳ ಏವಿಯೆಷನ್ ಸಂಸ್ಥೆ ತಯಾರಿಸಿದ ಈ ಏರ್ ಟ್ಯಾಕ್ಸಿ ಸಂಪೂರ್ಣ ಬ್ಯಾಟರಿ ಚಾಲಿತವಾಗಿದೆ. 20 ನಿಮಿಷಗಳ ಕಾಲ ಬ್ಯಾಟರಿ ಚಾರ್ಜ್ ಮಾಡಿದರೆ ಈ ಹೆಲಿಕಾಪ್ಟರ್ ನಿಗದಿತ ಸ್ಥಳಕ್ಕೆ ಹಾರಾಡುತ್ತದೆ. ಪೈಲೆಟ್ ಸೇರಿ ಒಟ್ಟು 7 ಜನರು ಕುಳಿತುಕೊಳ್ಳಲು ಇದರಲ್ಲಿ ಆಸನಗಳಿವೆ. ಗಂಟೆಗೆ 250 ವೇಗದಲ್ಲಿ ಪ್ರಯಾಣ ಮಾಡುವಂತೆ ಈ ಹೆಲಿಕಾಪ್ಟರ್ ಅಭಿವೃದ್ದಿ ಪಡಿಸಲಾಗಿದ್ದು, ಒಮ್ಮೆ 3 ಗಂಟೆ ಕಾಲ ಚಾರ್ಜ್ ಮಾಡಿದರೆ ಸುಮಾರು 180 ಕಿಲೋಮೀಟರ್ ಮೈಲೇಜ್ ಕೊಡುತ್ತೆ.