Viral Post: ಕಾರನ್ನು ಇಲ್ಲಿ ನಿಲ್ಲಿಸಬೇಡಿ ಎಂದು ಕಾರಿನ ಗ್ಲಾಸ್​​ಗೆ ಅಂಟಿಸಿದ ಪತ್ರಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ ಬೆಂಗಳೂರಿನ ಜನ

ಬೆಂಗಳೂರು: ಈ ಬೆಂಗಳೂರಿನಲ್ಲಿ ಸಿಕ್ಕ ಸಿಕ್ಕಲ್ಲಿ ಪಾರ್ಕಿಂಗ್ ಮಾಡುವ ಜನರೇ ಇರುವುದು, ಇಲ್ಲಿ ಪಾರ್ಕಿಂಗ್ ಮಾಡಬೇಡಿ ಎಂದು ಬೋರ್ಡ್​ ಹಾಕಿದ್ರು, ಇದನ್ನು ಗಮನಿಸುವುದಿಲ್ಲ. ಅದು ಅನೇಕ ಬಾರಿ ಜಗಳಕ್ಕೂ ಕಾರಣವಾಗಿ, ಕೆಲವೊಂದು ಕಡೆ ಕೊಲೆಯೆ ಆಗಿದೆ. ಪಾರ್ಕಿಂಗ್ ವಿಚಾರದಲ್ಲಿ ಕಿತ್ತಾಡುವ ಜನರೇ ಹೆಚ್ಚು, ಒಂದು ಬಾರಿ ಯೋಚಿಸಿ, ತಮ್ಮ ಮನೆಯ ಮುಂದೆ ಹೀಗೆ ಪಾರ್ಕಿಂಗ್​​ ಮಾಡಬೇಡಿ ಎಂದು ಸಮಾಧಾನದಿಂದ ಹೇಳುವ ತಾಳ್ಮೆ ಈ ಬೆಂಗಳೂರಿನಲ್ಲಿ ಅನೇಕ ಜನರಿಗೆ ಇಲ್ಲ. ಈ ಕಾರಣಕ್ಕೆ ಜಗಳಕ್ಕೆ ಕಾರಣವಾಗುವುದು. ಪಾರ್ಕಿಂಗ್ ಮಾಡಿದ ವ್ಯಕ್ತಿ ನಮ್ಮ ಮುಂದೆ ಮಾತಾನಾಡಲು ಸಿಕ್ಕಿಲ್ಲ ಅಥವಾ ಮಾತನಾಡಲು ಮುಜುಗರ ಎಂದೆನಿಸಿದರೆ, ಒಂದು ವೇಳೆ ಮುಖಾಮುಖಿಯಾಗಿ ಅದು ಜಗಳಕ್ಕೆ ಕಾರಣವಾದರೆ ಎಂಬ ಆತಂಕವಿದ್ದರೆ ಹೀಗೆ ಮಾಡುಬಹುದು. ಅದು ಹೇಗೆ? ಇಲ್ಲಿದೆ ನೋಡಿ,  ಒಂದು ಟ್ವಿಟರ್​ ಪೋಸ್ಟ್, ಎಲ್ಲ ಕಡೆ ವೈರಲ್​​ ಆಗಿದೆ. ಇದಕ್ಕೆ ನೆಟ್ಟಿಗರು ಕೂಡ ಭಾರೀ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ತಮ್ಮ ಮನೆಯ ಮುಂದೆ ಕಾರು ಪಾರ್ಕಿಂಗ್ ಮಾಡಬೇಡಿ ಎಂದು ಸಮಾಧಾನದಿಂದ ಮನವಿ ಮಾಡಿಕೊಳ್ಳುವ ನೋಟಿಸ್​​​ ವೈರಲ್​ ಆಗಿದೆ.

ನಮ್ಮ ಪಾರ್ಕಿಂಗ್ ಸ್ಥಳದಲ್ಲಿ ನಿಮ್ಮ ವಾಹನ ನಿಲ್ಲಿಸಬೇಡಿ ಎಂದು ಬೆಂಗಳೂರಿನ ನಿವಾಸಿಯೊಬ್ಬರಿಗೆ ನೆರೆಯವರು ಬರೆದಿರುವ ಪತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆಯನ್ನು ಪಡೆದುಕೊಂಡಿದೆ. DevOps ಇಂಜಿನಿಯರ್ ಆಗಿರುವ ಸುಭಾಸಿಸ್ ದಾಸ್ ಅವರು ತಮ್ಮ ಕಾರಿನ ಗ್ಲಾಸ್​​ಗೆ ಅಂಟಿಸಿರುವ ನೋಟಿನ ಫೋಟೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.​

ಈ ಫೋಟೋ ಕೋರಮಂಗಲದಲ್ಲಿ ಕಂಡುಬಂದಿದೆ. ಬೆಂಗಳೂರು ಮಹಾಕಾವ್ಯದ ನಗರದ್ದು ಎಂದು ಸುಭಾಸಿಸ್ ದಾಸ್ ಟ್ವೀಟ್ ಮಾಡಿದ್ದಾರೆ. ಟ್ವಿಟರ್​ನಲ್ಲಿ ವೈರಲ್​​ ಆಗಿರುವ ನೋಟಿಸ್​​ನಲ್ಲಿ ಹೀಗೆ ಬರೆಯಲಾಗಿದೆ, ಹಾಯ್, ದಯವಿಟ್ಟು ನಿಮ್ಮ ಕಾರನ್ನು ಇಲ್ಲಿ ನಿಲ್ಲಿಸಬೇಡಿ! ನಾವು ಈ ಹಿಂದೆ ಇಲ್ಲಿ ಪಾರ್ಕಿಂಗ್ ಮಾಡಬೇಡಿ ಎಂದು ನಿಮ್ಮನ್ನು ವಿನಂತಿಸಿದ್ದೇವೆ. 2000ನೇ ಇಸವಿಯಿಂದ ನಾವು ಈ ಪ್ರದೇಶದಲ್ಲಿ ವಾಸಿಸುತ್ತಿದ್ದೇವೆ ಮತ್ತು ನಮ್ಮಲ್ಲೂ 2 ಕಾರುಗಳು ಇದೆ, ಎಂಬುದನ್ನು ದಯವಿಟ್ಟು ಅರ್ಥಮಾಡಿಕೊಳ್ಳಿ. ಆದ್ದರಿಂದ, ನಮಗೆ ಉತ್ತಮ ಪ್ರಮಾಣದ ಪಾರ್ಕಿಂಗ್ ಸ್ಥಳದ ಅಗತ್ಯವಿದೆ. ದಯವಿಟ್ಟು ನೀವು ಈ ಹಿಂದೆ ಪಾರ್ಕಿಂಗ್​​ ಮಾಡುತ್ತಿದ್ದ ಸ್ಪಾಟ್​​ನಲ್ಲಿಯೇ ಮಾಡಿ. ನಾವು ಒಳ್ಳೆಯವರಾಗಿರೋಣ ಮತ್ತು ಉತ್ತಮ ನೆರೆಹೊರೆಯವರಾಗಿರೋಣ ಧನ್ಯವಾದಗಳು, ಇಂತೀ ನಿಮ್ಮ ನೆರೆಹೊರೆಯವರು.

ಇದನ್ನೂ ಓದಿ: Mysore News: ಹೊಟ್ಟೆನೋವು ತಾಳಲಾರದೆ ಕೆರೆಗೆ ಹಾರಿ ಬಾಲಕಿ ಆತ್ಮಹತ್ಯೆ

ಈ ಬಗ್ಗೆ ಟ್ವಿಟರ್​ನಲ್ಲಿ​​ ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಕಮೆಂಟ್​​ ಕೂಡ ಮಾಡಿದ್ದಾರೆ. ಇಲ್ಲಿ ಅನೇಕರ ಪಾರ್ಕಿಂಗ್​​ನಿಂದ ಅನುಭವಿಸಿದ ಕಿರಿಕಿರಿಯ ಬಗ್ಗೆ ಹಂಚಿಕೊಂಡಿದ್ದಾರೆ. ಕನಿಕಾ ಚೌಧರಿ ಬೆಂಗಳೂರು ಎಂಬುವವರು ಇದೊಂದು ಉತ್ತಮವಾಗಿದೆ ಎಂದು ಕಮೆಂಟ್​​ ಮಾಡಿದ್ದಾರೆ. ಇನ್ನೊಬ್ಬ ಟ್ವಿಟರ್​ ಬಳಕೆದಾರರಾದ ಅಂಕಿತ್ ಬೆರ್ರಿ ಅವರು ಇದೇ ರೀತಿಯ ಸಮಸ್ಯೆಯನ್ನು ನಾನು ಎದುರಿಸಿದೆ ಎಂಬ ಅನುಭವವನ್ನು ಹಂಚಿಕೊಂಡಿದ್ದಾರೆ.

ಇನ್ನಷ್ಟು ರಾಜ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ