ಬಂಟ್ವಾಳ ಅಕ್ಷಯ ಪಾತ್ರ ಪ್ರತಿಷ್ಠಾನದ ಹೈಟೆಕ್ ಅಡುಗೆಮನೆಯು ದಿನಕ್ಕೆ 15 ಸಾವಿರ ಊಟ ಸಿದ್ದಪಡಿಸುತ್ತಿದೆ

ಮಂಗಳೂರು: ಬಂಟ್ವಾಳ ( Bantwal) ತಾಲೂಕಿನ ಮೇರಮಜಲು ಗ್ರಾಮ ಪಂಚಾಯತ್ ವ್ಯಾಪ್ತಿಯ (Meramajalu gram panchayat) ಕೊಡ್ಮಣ್ ಗ್ರಾಮದಲ್ಲಿ ಅಕ್ಷಯ ಪಾತ್ರ ಪ್ರತಿಷ್ಠಾನದ (Akshaya Patra Foundation) ವತಿಯಿಂದ ದಿನಕ್ಕೆ 15,000 ಪೌಷ್ಠಿಕ ಆಹಾರ ತಯಾರಿಸುವ ಆಧುನಿಕತೆಗೆ ಮಾರ್ಪಾಡು ಮಾಡಿಕೊಂಡಿರುವ ಅಡುಗೆ ಕೋಣೆಯನ್ನು (transformative kitchen facility) ಭಾನುವಾರ ಉದ್ಘಾಟಿಸಲಾಯಿತು. ಈ ಸಂದರ್ಭ ಉಡುಪಿ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಸ್ವಾಮೀಜಿ (Sugunendra Tirtha swamiji of Puthige mutt, Udupi) ಸಾನ್ನಿಧ್ಯ ವಹಿಸಿದ್ದರು. ಮಧು ಪಂಡಿತ್ ದಾಸ, ಅಧ್ಯಕ್ಷರು ಮತ್ತು ಚಂಚಲಪತಿ ದಾಸ, ಉಪಾಧ್ಯಕ್ಷರು, ಅಕ್ಷಯ ಪಾತ್ರ ಪ್ರತಿಷ್ಠಾನ; ತತ್ವದರ್ಶನ ಸ್ವಾಮಿ, ಗುರುಕುಲ ಪ್ರಭಾರಿ, ಕೊಡಚಾದ್ರಿ; ಗುಣಕರ ರಾಮ ದಾಸ, ಇಸ್ಕಾನ್, ಮಂಗಳೂರು ಅಧ್ಯಕ್ಷರು ಮತ್ತು ಅಕ್ಷಯಪಾತ್ರ ಕಾರ್ಯಾಚರಣೆಗಳ ಪ್ರಾದೇಶಿಕ ಪ್ರಧಾನ ವ್ಯವಸ್ಥಾಪಕರು, ಬೆಂಗಳೂರು, ಮಂಗಳೂರು ಮತ್ತು ಬಳ್ಳಾರಿ; ಮೇರಮಜಲು ಗ್ರಾ.ಪಂ.ಅಧ್ಯಕ್ಷ ಸತೀಶ್ ನಾಯ್ಕ್, ಉಪಾಧ್ಯಕ್ಷ ರಾಧಾಕೃಷ್ಣ ತಂತ್ರಿ, ಅಮ್ಮುಂಜೆ ಜಿ.ಪಂ. ಉಪಸ್ಥಿತರಿದ್ದರು.

ಸೌಲಭ್ಯವನ್ನು ಉದ್ಘಾಟಿಸಿ ಮಾತನಾಡಿದ ಪುತ್ತಿಗೆ ಮಠದ ಶ್ರೀಗಳು, ”ಹಲವು ವರ್ಷಗಳಿಂದ ಅಕ್ಷಯಪಾತ್ರ ಪ್ರತಿಷ್ಠಾನವು ಶಾಲಾ ಊಟದ ಕಾರ್ಯಕ್ರಮದ ಮೂಲಕ ಮಕ್ಕಳಿಗೆ ಕೃಷ್ಣನ ಪ್ರಸಾದವನ್ನು ವಿತರಿಸುವ ಉದಾತ್ತ ಸೇವೆಯನ್ನು ನಡೆಸುತ್ತಿದೆ. ಪ್ರತಿಷ್ಠಾನದ ಮೂಲಕ, ಮಧ್ಯಾಹ್ನದ ಊಟವು ದೇಶಾದ್ಯಂತ 23 ಲಕ್ಷ ವ್ಯಕ್ತಿಗಳನ್ನು ತಲುಪುತ್ತದೆ, ಇದು ಶ್ಲಾಘನೀಯವಾಗಿದೆ. ಅಕ್ಷಯ ಪಾತ್ರದಿಂದ ಪೌಷ್ಟಿಕ ಆಹಾರವನ್ನು ಒದಗಿಸುವ ಕಾರ್ಯವು ಮಕ್ಕಳ ಆಧ್ಯಾತ್ಮಿಕ ಯೋಗಕ್ಷೇಮಕ್ಕೆ ಕೊಡುಗೆ ನೀಡುತ್ತದೆ, ಇದು ಇಸ್ಕಾನ್‌ನ ನಿರಂತರ ಪ್ರಯತ್ನಗಳಿಂದ ಬೆಂಬಲಿತವಾಗಿದೆ. ಈ ಯಶಸ್ವಿ ಯೋಜನೆಯು ವಿಶೇಷವಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಶ್ಲಾಘನೆಗೆ ಅರ್ಹವಾಗಿದೆ. ಅಕ್ಷಯ ಪಾತ್ರವು ಸುಸ್ಥಿರ ಅಭಿವೃದ್ಧಿ ಗುರಿ ಈಡೇರಿಕೆಗೆ ಸಕ್ರಿಯವಾದ ಕೊಡುಗೆ ನೀಡುತ್ತಿದೆ ಎಂದು ಫೌಂಡೇಶನ್ ತಿಳಿಸಿರುವುದಾಗಿ ಟೈಮ್ಸ್​​​ ಆಫ್​ ಇಂಡಿಯಾ ವರದಿ ಮಾಡಿದೆ.

ಮಧು ಪಂಡಿತ್ ದಾಸ ಅವರು ಇತ್ತೀಚಿನ ಅಡುಗೆಮನೆಯ ಪ್ರಾರಂಭವು ಅಕ್ಷಯ ಪಾತ್ರ ಫೌಂಡೇಶನ್‌ಗೆ ಮಹತ್ವದ ಪ್ರಗತಿಯನ್ನು ಸೂಚಿಸುತ್ತದೆ, ಇದು ಮಕ್ಕಳ ಕಲ್ಯಾಣ ಮತ್ತು ಸಮುದಾಯದ ತೊಡಗಿಸಿಕೊಳ್ಳುವಿಕೆಗೆ ಅದರ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಕರ್ನಾಟಕ ಸರ್ಕಾರ, ಶಿಕ್ಷಣ ಸಚಿವಾಲಯ, ವಿಜಯ್ ಮತ್ತು ಶಾಮ ಕೇಡಿಯಾ, ಜಿಟಿ ಫೌಂಡೇಶನ್ ಮತ್ತು ದಿಯಾ ಸಿಸ್ಟಮ್ಸ್ (ಮಂಗಳೂರು) ಪ್ರೈ.ಲಿ. ಲಿಮಿಟೆಡ್, ಅವರುಗಳು ಬೆಂಬಲ ನೀಡುತ್ತಿರುವುದಕ್ಕೆ ಮಧು ಪಂಡಿತ್ ದಾಸ ಥ್ಯಾಂಕ್ಸ್​ ಹೇಳಿದರು.

ಇದನ್ನೂ ಓದಿ:  ಜಿಡ್ಡುಗಟ್ಟಿದ ಗ್ಯಾಸ್ ಸ್ಟವ್ -ಗ್ಯಾಸ್ ಬರ್ನರ್ ಸ್ವಚ್ಛ ಮಾಡುವುದು ಹೇಗೆ? ಇಲ್ಲಿದೆ ಸುಲಭ-ಸರಳ ವಿಧಾನಗಳು!

25,000 ಅಡುಗೆ ಸಾಮರ್ಥ್ಯ ಮತ್ತು ಪ್ರತಿ ದಿನ 15,0000 ಪೌಷ್ಟಿಕಾಂಶದ ಊಟದ ಸಾಮರ್ಥ್ಯವನ್ನು ಹೊಂದಿರುವ ಈ ನವ್ಯ ಅಡುಗೆಮನೆಯು 124 ಸರ್ಕಾರಿ ಮತ್ತು 41 ಸರ್ಕಾರಿ ಅನುದಾನಿತ ಸಂಸ್ಥೆಗಳನ್ನು ಒಳಗೊಂಡಿರುವ 165 ಶಾಲೆಗಳಲ್ಲಿ ಮಕ್ಕಳಿಗೆ ಸೇವೆ ಸಲ್ಲಿಸುತ್ತದೆ. “ನಮ್ಮ ಅಡುಗೆಮನೆಯು ಪಾಕಶಾಲೆಯ ಆವಿಷ್ಕಾರದ ಕೇಂದ್ರವಾಗಿ ರೂಪಾಂತರಗೊಂಡಿರುವುದು ನಮಗೆ ಹೆಮ್ಮೆಯ ಕ್ಷಣವಾಗಿದೆ. ಈ ಅಡುಗೆಮನೆಯಿಂದ ಹೊರಬರುವ ಪ್ರತಿಯೊಂದು ಊಟವೂ ಹಸಿವು-ಮುಕ್ತ ಭವಿಷ್ಯದ ನಮ್ಮ ಕನಸನ್ನು ನನಸಾಗಿಸುವತ್ತ ಒಂದು ಹೆಜ್ಜೆಯಾಗಿದೆ ಎಂದು ಚಂಚಲಪತಿ ದಾಸ ಹೇಳಿದರು.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​​ ಮಾಡಿ