ಹೊಸ ವರ್ಷಕ್ಕೆ ಸಿಂಗಾರಗೊಂಡ ಹೋಟೆಲ್​ಗಳು

ದೇವನಹಳ್ಳಿ: ಹೊಸ ವರ್ಷ ಸಂಭ್ರಮಕ್ಕೆ ಕ್ಷಣಗಣನೆ ಹಿನ್ನೆಲೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊರವಲಯದ ಹೋಟೆಲ್​ಗಳು ಬಣ್ಣ ಬಣ್ಣದ ಬಲೂನುಗಳಿಂದ, ಬಣ್ಣ ಬಣ್ಣದ ಲೈಟ್​ಗಳಿಂದ ಸಿಂಗಾರಗೊಂಡು ಕಂಗೊಳಿಸುತ್ತಿವೆ.

ಬೆಂಗಳೂರು ಹೈದರಾಬಾದ್ ರಾಷ್ಟ್ರೀಯ ಹೆದ್ದಾರಿ 7 ರಲ್ಲಿರುವ ಹೋಟೆಲ್​ಗಳು ಗ್ರಾಹಕರನ್ನು ಸೆಳೆಯುವ ನಿಟ್ಟಿನಲ್ಲಿ ಬಲೂನ್ ಹಾಗೂ ಚಿಕ್ಕ ಚಿಕ್ಕ ವಿದ್ಯುತ್ ಬಲ್ಬ್​ಗಳಿಂದ ಅಲಂಕಾರಗೊಳಿಸಲಾಗಿದೆ. ರಾತ್ರಿ 11 ಗಂಟೆವರೆಗೂ ಹೋಟೆಲ್​ಗಳು ತೆರೆಯಲು ಅನುಮತಿಯಿದ್ದು, ಬರುವ ಗ್ರಾಹಕರಿಗೆ ಶುಭಾಷಯ ತಿಳಿಸುವ ನಿಟ್ಟಿನಲ್ಲಿ ಹೋಟೆಲ್​ಗಳು ಸಿಂಗಾರಗೊಂಡಿವೆ. ರಾಜ್ಯದ ಬಹುತೇಕ ಇತರೆ ಕಡೆಗಳಲ್ಲೂ ಇಂತಹುದೇ ವಾತಾವರಣ ಕಳೆಕಟ್ಟಿದೆ.