ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣ: ವಶಕ್ಕೆ ಪಡೆದಿದ್ದ ಅಷ್ಟೂ ಜನರನ್ನ ಬಿಟ್ಟು ಕಳುಹಿಸಿದ ಎಸ್​ಐಟಿ

ಬೆಂಗಳೂರು: ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಚ್ಚರಿಯ ಬೆಳವಣಿಗೆ ನಡೆದಿದೆ. ಹೌದು, ಪ್ರಕರಣದಲ್ಲಿ ಐವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದ ವಿಶೇಷ ತನಿಖಾ ತಂಡ ವಿಚಾರಣೆ ಬಳಿಕ ಎಲ್ಲರನ್ನೂ ವಾಪಸ್ ಕಳಿಸಿದೆ. ವಶಕ್ಕೆ ಪಡೆದಿದ್ದ ಅಷ್ಟೂ ಜನರನ್ನ ವಾಪಸ್​ ಕಳಿಸಿದೆ. ಜೊತೆಗೆ, ಮತ್ತೆ ವಿಚಾರಣೆಗೆ ಕರೆದಾಗ ಆಗಮಿಸುವಂತೆ ಸೂಚನೆ ಸಹ ನೀಡಿದೆ. ಎಸ್​ಐಟಿ ತಂಡ ಸಿಐಡಿ ಕಚೇರಿಯಲ್ಲಿ ಬಂಧಿತರ ವಿಚಾರಣೆ ನಡೆಸಿತ್ತು.

ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐವರನ್ನು ವಶಕ್ಕೆ ಪಡೆಯಲಾಗಿತ್ತು. ಓರ್ವ ಯುವತಿ ಹಾಗೂ ನಾಲ್ವರು ಯುವಕರನ್ನು SIT ಅರೆಸ್ಟ್​ ಮಾಡಿತ್ತು. 

ಯಾರು ಈ ಐವರು?
ಅಂದ ಹಾಗೆ, ಅರೆಸ್ಟ್​ ಆದ ಈ ಐವರ ವಿವರ ಹೀಗಿದೆ.

ಬಂಧಿತ ವ್ಯಕ್ತಿ ನಂ.1: ವಿಜಯನಗರದಲ್ಲಿ ವಾಸವಾಗಿದ್ದ ಓರ್ವ ಯುವಕನನ್ನು ತಂಡ ಬಂಧಿಸಿದೆ. ವಿಜಯನಗರದಲ್ಲಿ ಬಾಡಿಗೆ ಮನೆಯಲ್ಲಿದ್ದ ಈ ಯುವಕ ಸಾಮಾಜಿಕ ಕಾರ್ಯಕರ್ತ ದಿನೇಶ್‌ ಕಲ್ಲಹಳ್ಳಿಗೆ ಸಿಡಿ ಕೊಟ್ಟಿದ್ದ. ಮೂಲತಃ ರಾಮನಗರದವನಾದ ಯುವಕ ವಿಜಯನಗರದಲ್ಲಿ ವಾಸವಾಗಿದ್ದ.

ಬಂಧಿತ ವ್ಯಕ್ತಿ ನಂ.2: ಸಿಡಿ ಕೇಸ್​ನಲ್ಲಿ ರಾಮನಗರ ಮೂಲದ ಯುವತಿಯೊಬ್ಬಳನ್ನು ಸಹ ಬಂಧಿಸಲಾಗಿದೆ. ಬಂಧಿತ ನಂ.1 ಆಗಿರುವ ವಿಜಯನಗರದ ಯುವಕನ ಸ್ನೇಹಿತೆಯಾಗಿದ್ದ ಈಕೆ ರಮೇಶ್​ ಜಾರಕಿಹೊಳಿ ಸಿಡಿಯಲ್ಲಿರುವ ಲೇಡಿ ಜೊತೆಗಿದ್ದಳು. ಇದಲ್ಲದೆ, ರಾಮನಗರದಲ್ಲಿ ಸರ್ಕಾರಿ ಉದ್ಯೋಗದಲ್ಲಿದ್ದಾಳೆ ಎಂಬ ಮಾಹಿತಿ ಸಿಕ್ಕಿದೆ.

CID ಕಚೇರಿ

ಬಂಧಿತ ವ್ಯಕ್ತಿ ನಂ.3: ಚಾಮರಾಜಪೇಟೆಯಲ್ಲಿ ವಾಸವಾಗಿದ್ದ ಒಬ್ಬ ಯುವಕನನ್ನು ಸಹ SIT ತಂಡ ಅರೆಸ್ಟ್​ ಮಾಡಿದೆ. ಈತ ಸೈಬರ್ ಸ್ಪೆಷಲಿಸ್ಟ್​ ಆಗಿದ್ದಾನೆ ಎಂಬ ಮಾಹಿತಿ ದೊರೆತಿದೆ.

CID ಕಚೇರಿ

ಬಂಧಿತ ವ್ಯಕ್ತಿ ನಂ.4: ಚಿಕ್ಕಮಗಳೂರು ಮೂಲದ ಆಲ್ದೂರಿನ ಒಬ್ಬ ಯುವಕನ ಬಂಧನವಾಗಿದೆ. ಇತ್ತೀಚೆಗೆ ವೆಬ್‌ ಸಿರೀಸ್ ಮಾಡುತ್ತಿದ್ದ ಆಲ್ದೂರಿನ ಈ ಯುವಕ ರಮೇಶ್​ ಜಾರಕಿಹೊಳಿ ಸಿಡಿ ಮೇಕಿಂಗ್‌ನಲ್ಲಿ ಭಾಗಿಯಾಗಿದ್ದ.

ಬಂಧಿತ ವ್ಯಕ್ತಿ ನಂ.5: ಸಿಡಿಯಲ್ಲಿರುವ ಲೇಡಿಯ ಬಾಯ್​ಫ್ರೆಂಡ್​ನ ಸಹ ವಶಕ್ಕೆ ಪಡೆಯಲಾಗಿದೆ. ಬೆಂಗಳೂರಿನಲ್ಲೇ ಆತನನ್ನು ವಶಕ್ಕೆ ಪಡೆದಿರುವ SIT ತಂಡ ಈತ ಸಿಡಿ ಮೇಕಿಂಗ್‌ ಗ್ಯಾಂಗ್​ ಸದಸ್ಯರಿಗೆ ಸಾಥ್ ನೀಡಿದ್ದ ಎಂಬ ಮಾಹಿತಿ ಕೊಟ್ಟಿದೆ. ಇದಲ್ಲದೆ, ಈತ CD ಹಂಚಿಕೆದಾರರ ಜೊತೆ ಸಹ ಸಂಪರ್ಕದಲ್ಲಿದ್ದ.

ರಮೇಶ್ ಜಾರಕಿಹೊಳಿ

ಸಿಡಿ ಮೇಕಿಂಗ್ ಕಿಂಗ್​ಪಿನ್ಸ್‌ ಬೆಂಗಳೂರಿಂದ ಎಸ್ಕೇಪ್!
ಇತ್ತ, ರಮೇಶ್​ ಜಾರಕಿಹೊಳಿ ಸಿಡಿ ಪ್ರಕರಣ ಭಾರಿ ಸದ್ದುಮಾಡುತ್ತಿದ್ದಂತೆ, ಸಿಡಿ ಮೇಕಿಂಗ್​ನ ರೂವಾರಿಗಳಾಗಿದ್ದ ಇಬ್ಬರು ಕಿಂಗ್​ಪಿನ್ಸ್‌ ಬೆಂಗಳೂರಿಂದ ಎಸ್ಕೇಪ್ ಆಗಿದ್ದಾರೆ. ಬೆಂಗಳೂರು ಬಿಟ್ಟು ಸದ್ಯ ಆಂಧ್ರದಲ್ಲಿ ಅಡಗಿರುವ ಕಿಂಗ್​ಪಿನ್ಸ್​ಗಾಗಿ SIT ತಂಡ ಶೋಧ ನಡೆಸುತ್ತಿದೆ.

ಸರ್ವರ್​ ಹ್ಯಾಕ್​ ಮಾಡಿ ವಿಡಿಯೋ ಅಪ್ಲೋಡ್​ ಮಾಡಿದ್ದರು
ಅಂದ ಹಾಗೆ, ಬಂಧಿತರು ಸರ್ವರ್​ ಹ್ಯಾಕ್​ ಮಾಡಿ ಮಾಜಿ ಸಚಿವರ ಸಿಡಿ ಅಪ್ಲೋಡ್​ ಮಾಡಿದ್ದರು. ಐಪಿ ಅಡ್ರೆಸ್​ ಬದಲಾವಣೆ ಮಾಡಿ ವಿಡಿಯೋವನ್ನು ಅಪ್ಲೋಡ್​ ಮಾಡಲಾಗಿತ್ತು. ಹಾಗಾಗಿ, ವಿಡಿಯೋವನ್ನು ಬೆಂಗಳೂರಿನಲ್ಲಿ ಅಪ್ಲೋಡ್ ಮಾಡಿದ್ದರೂ ರಷ್ಯಾದಲ್ಲಿ ಅಪ್ಲೋಡ್​ ಆದಂತೆ ಭಾಸವಾಗುವಂತಿತ್ತು. ಹೀಗಾಗಿ, ಸಿಡಿ ರಷ್ಯಾದ ಸರ್ವರ್​ನಲ್ಲಿ ಅಪ್ಲೋಡ್​ ಆಗಿತ್ತೆಂದು ತೋರಿಸುತ್ತಿತ್ತು.

ಇದನ್ನೂ ಓದಿ: ‘ದೊಡ್ಡ ತಿಮಿಂಗಲಗಳನ್ನು ಇನ್ನೂ ವಶಕ್ಕೆ ಪಡೆದಿಲ್ಲ.. ಆರೋಪಿಗಳಿಗೆ ಬುದ್ಧಿ ಕಲಿಸಬೇಕಾದ್ರೆ ಎಲ್ಲರನ್ನೂ ಬಂಧಿಸಬೇಕು’