ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ತಲುಪಿದ ಮೊದಲ ರೈಲು! ಮೆಜೆಸ್ಟಿಕ್​ನಿಂದ 45 ನಿಮಿಷ ಮಾತ್ರ

ದೇವನಹಳ್ಳಿ: ಕೆಂಪೇಗೌಡ ಅಂತಾರಾಷ್ಟ್ರೀಯ  ವಿಮಾನ ನಿಲ್ದಾಣಕ್ಕೆ ರೈಲು ಸೇವೆ ಆರಂಭವಾಗಿದ್ದು, ಇಂದು ಮುಂಜಾನೆ  6 ಗಂಟೆಗೆ ಮೊದಲ ರೈಲು ಮೆಜೆಸ್ಟಿಕ್​ನಿಂದ ಏರ್​ಪೋರ್ಟ್​ಗೆ ಕೇವಲ 45 ನಿಮಿಷಗಳಲ್ಲಿ ​ ತಲುಪಿದೆ. ಏರ್​ಪೋರ್ಟ್​ ಸಿಬ್ಬಂದಿ ಚಪ್ಪಾಳೆ ಹೊಡೆಯುವ ಮೂಲಕ ಮೊದಲ ರೈಲನ್ನು ಸ್ವಾಗತಿಸಿದರು.  ಪ್ರತಿದಿನ 5 ರೈಲುಗಳು, 10 ಟ್ರಿಪ್​ ಸಂಚಾರ ಮಾಡಲಿವೆ.

ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನೂತನವಾಗಿ  ರೈಲು ಹಾಲ್ಟ್ ಸ್ಟೇಷನ್‌  ನಿರ್ಮಾಣವಾಗಿದ್ದು,  ಕೇವಲ 10 ರೂಪಾಯಿಗೆ ಕೆ.ಆರ್ ಪುರ, ಮೆಜೆಸ್ಟಿಕ್, ಯಶವಂತಪುರ, ವೈಟ್ ಫೀಲ್ಡ್, ಬಯ್ಯಪ್ಪನಹಳ್ಳಿ, ಚಿಕ್ಕಬಳ್ಳಾಪುರದಿಂದ ಪ್ರಯಾಣ ಮಾಡಬಹುದು. ಎಕ್ಸ್​ ಪ್ರೆಸ್​ ರೈಲಿಗೆ 30 ರೂ. ನಿಗದಿ ಪಡಿಸಲಾಗಿದೆ.  ಕೋಲಾರ- 30 ರೂಪಾಯಿ, ಬಂಗಾರಪೇಟೆ -25‌ ರೂ., ಶ್ರೀನಿವಾಸಪುರ 25‌ ರೂಪಾಯಿ, ಚಿಂತಾಮಣಿಗೆ 20 ರೂಪಾಯಿಯಂತೆ ದರ ನಿಗದಿ ಮಾಡಲಾಗಿದೆ.

ಉಚಿತ ಬಸ್

ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ರೈಲು ಸೇವೆ

ರೈಲು ನಿಲ್ದಾಣದ ಚಿತ್ರಣ

ರೈಲ್ವೆ ನಿಲ್ದಾಣದಿಂದ ಏರ್​ಪೋರ್ಟ್​ ಒಳಗೆ 3 ಕಿ.ಮೀ ಅಂತರವಿದೆ. ಈ ದೂರ ಕ್ರಮಿಸಲು ಉಚಿತ ಬಸ್​ ವ್ಯವಸ್ಥೆ (Feeder Bus) ಮಾಡಲಾಗಿದೆ. ಇಷ್ಟು ದಿನ ಏರ್​ಪೋರ್ಟ್​ಗೆ ಹೋಗುವುದು ತುಂಬ ದೊಡ್ಡ ಸಮಸ್ಯೆಯಾಗಿತ್ತು.. ಟ್ರಾಫಿಕ್​ ಕಿರಿಕಿರಿಯಿಂದಾಗಿ 1-2 ರಿಂದ ತಾಸು ಬೇಕಾಗಿತ್ತು. ಇದೀಗ ನೂತನ ರೈಲು ವ್ಯವಸ್ಥೆಯಿಂದ ಸಮಯ ಮತ್ತು ಹಣ ಎರಡೂ ಉಳಿತಾಯವಾಗಲಿದೆ.

ಇಂದು ಮುಂಜಾನೆ ಆಗಮಿಸಿದ ಮೊದಲ ರೈಲು