ಲ್ಯಾಪ್​ಟಾಪ್​ಗಳನ್ನು ಬಾಡಿಗೆಗೆ ಪಡೆದು.. ಮತ್ತೊಬ್ಬರಿಗೆ ಮಾರುತ್ತಿದ್ದ ‘ಹೈ-ಟೆಕ್’​ ಕಳ್ಳರ ಬಂಧನ

ಬೆಂಗಳೂರು: ಮಹಾಮಾರಿ ಕೊರೊನಾ ಕಾಲದಲ್ಲಿ ಲ್ಯಾಪ್ ಟಾಪ್ ಬಳಸುವವರ ಸಂಖ್ಯೆ ಹೆಚ್ಚಾಗಿದೆ. ಬಹುತೇಕ ಮಂದಿ ವರ್ಕ್ ಫ್ರಮ್ ಹೋಮ್ ಮಾಡುತ್ತಿದ್ದು ಲ್ಯಾಪ್ ಟಾಪ್​ಗಳನ್ನು ಬಾಡಿಗೆ ಪಡೆಯುವವರ ಬೇಡಿಕೆ ಹೆಚ್ಚಾಗಿದೆ.

ಇದೇ ಸಮಯವನ್ನು ಬಳಸಿಕೊಂಡು ವಂಚಿಸುತ್ತಿದ್ದ ಮೂವರು ಆಸಾಮಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಸೈಪ್ ಪಾಷ (25) ಮೊಹಿನುದ್ದೀನ್(26) ಪ್ರತೀಕ್ ನಗರಕರ್(31) ಬಂಧಿತ ಆರೋಪಿಗಳು.

ಈ ಖತರ್ನಾಕ್ ಕಿಲಾಡಿಗಳು ಬೆಂಗಳೂರಿನಾದ್ಯಂತ ನಕಲಿ ಖಾಸಗಿ ಕಂಪನಿಗಳನ್ನ ತೆರೆದು ನಂತರ ಕಂಪನಿ ಉಪಯೋಗಕ್ಕಾಗಿ ಲ್ಯಾಪ್ ಟಾಪ್ ​ಗಳನ್ನು ಬಾಡಿಗೆಗೆ ಪಡೆಯುತ್ತಿದ್ದರು. ಅದೇ ಲ್ಯಾಪ್ ಟಾಪ್​ಗಳನ್ನು ಜಸ್ಟ್ ಡಯಲ್ ಮೂಲಕ ಸೆಕೆಂಡ್ ಹ್ಯಾಂಡ್ ಗ್ರಾಹಕರನ್ನು ಸಂಪರ್ಕಿಸುತ್ತಿದ್ದರು.

ನಮ್ಮ ಕಂಪನಿ‌ ನಷ್ಟದಲ್ಲಿದ್ದು ಕಂಪನಿಯನ್ನು ಮುಚ್ಚುತ್ತಿದ್ದೇವೆ ಎಂದು ನಂಬಿಸಿ ಬಾಡಿಗೆಗೆ ಪಡೆದಿದ್ದ ಲ್ಯಾಪ್ ಟಾಪ್ ಅನ್ನು ಸೆಕೆಂಡ್ ಹ್ಯಾಂಡ್ ಗ್ರಾಹಕರಿಗೆ ಮಾರಾಟ ಮಾಡ್ತಿದ್ರು. ಹೈದರಾಬಾದ್ ಸಿಸಿಎಸ್ ಸೇರಿದಂತೆ ಬೆಂಗಳೂರಿನ ಹಲವು ಠಾಣೆಗಳಲ್ಲೂ ಈ ಬಗ್ಗೆ ಪ್ರಕರಣ ದಾಖಲಾಗಿದೆ. ಬಂಧಿತರಿಂದ 45 ಲಕ್ಷ ಮೌಲ್ಯದ 96 ಲ್ಯಾಪ್ ಟಾಪ್​ಗಳನ್ನು ವಶಕ್ಕೆ ಪಡೆಯಲಾಗಿದೆ.

ಸಿಲ್ವರ್ ಮೇಲೆ ಚಿನ್ನದ ಲೇಪನ ಮಾಡಿ ಬ್ಯಾಂಕ್​ಗೆ ಲಕ್ಷಾಂತರ ರೂ. ವಂಚನೆ, ಯಾವೂರಲ್ಲಿ?

Published On - 2:12 pm, Mon, 7 December 20