ಎದುರು ಮನೆಯವನನ್ನು ನಂಬಿ ಮೋಸ ಹೋದ ವೃದ್ಧೆಗೀಗ ಆಸ್ಪತ್ರೆಗೆ ಹೋಗಲೂ ಹಣವಿಲ್ಲ

ದಾವಣಗೆರೆ: ಇಲ್ಲೊಬ್ಬರು ವೃದ್ಧೆ ಎದುರು ಮನೆಯವನನ್ನು ನಂಬಿ ಮೋಸ ಹೋಗಿದ್ದಾರೆ. ಬರೋಬ್ಬರಿ 12 ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾರೆ.

ಬಾಷಾನಗರದ ಮಿಲತ್​ ಕಾಲನಿಯಲ್ಲಿ ಘಟನೆ ನಡೆದಿದ್ದು, ವೃದ್ಧೆ ನವಿದಾ ಬೇಗಂ ಮೋಸ ಹೋದವರು. ತಮ್ಮನ್ನು ಫಯಾಜ್​ ಪಾಷಾ ವಂಚಿಸಿದ್ದಾನೆಂದು ಆರೋಪ ಮಾಡಿದ್ದಾರೆ.

ಪಾಷಾ ಮೊದಲು ಚಿಕ್ಕಪುಟ್ಟ ಸಹಾಯ ಮಾಡಿ ವೃದ್ಧೆಯ ನಂಬಿಕೆ ಗಳಿಸಿದ್ದ. ಆತನನ್ನು ನಂಬಿದ್ದ ನವಿದಾ ಬೇಗಂ ಚೆಕ್​ ಕೊಟ್ಟು ಹಣ ಡ್ರಾ ಮಾಡಿಕೊಡಲು ಹೇಳಿದ್ದರು. ಅದರಂತೆ ಪಾಷಾ 20,000 ರೂಪಾಯಿ ಬ್ಯಾಂಕ್​ನಿಂದ ತಂದುಕೊಟ್ಟಿದ್ದ. ಆದರೆ ನಂತರ ವೃದ್ಧೆಯ ಬಳಿ ಹೋಗಿ, ಚೆಕ್​ನಲ್ಲಿ ಏನೋ ತಪ್ಪಾಗಿದೆ ಎಂದು ಹೇಳಿ ಇನ್ನೊಂದು ಚೆಕ್​ ಪಡೆದುಕೊಂಡಿದ್ದ. ಆ ಚೆಕ್​​ ಮೂಲಕ 12 ಲಕ್ಷ ರೂಪಾಯಿ ಎಗರಿಸಿದ್ದಾನೆ ಎಂದು ನವೀದಾ ಆರೋಪ ಮಾಡಿದ್ದಾರೆ.

ನವೀದಾ ಅನಾರೋಗ್ಯದಿಂದ ಬಳಲುತ್ತಿದ್ದು ಆಸ್ಪತ್ರೆಗೆ ಹೋಗಿ, ಚಿಕಿತ್ಸೆ ಪಡೆಯಲು ಹಣವಿಲ್ಲದೆ ಪರದಾಡುತ್ತಿದ್ದಾರೆ. ಬಡಾವಣೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಹಸು-ಎಮ್ಮೆಗಳ ಕಳ್ಳತನಕ್ಕೆ ಕಂಗೆಟ್ಟ ಕಲಬುರಗಿ ರೈತರು