Kannada News Latest news India vs Australia Test Series 2020: ಶಮಿಗೆ ಮೂಳೆ ಮುರಿತ, ಮಿಕ್ಕಿದ ಮೂರು ಟೆಸ್ಟ್ಗಳಿಂದ ಹೊರಗೆ

India vs Australia Test Series 2020: ಶಮಿಗೆ ಮೂಳೆ ಮುರಿತ, ಮಿಕ್ಕಿದ ಮೂರು ಟೆಸ್ಟ್ಗಳಿಂದ ಹೊರಗೆ

ಮೊದಲ ಟೆಸ್ಟ್ ಹೀನಾಯವಾಗಿ ಸೋತ ಭಾರತಕ್ಕೆ ಮತ್ತೊಂದು ಆಘಾತ ಎದುರಾಗಿದೆ. ಬ್ಯಾಟಿಂಗ್ ಮಾಡುವಾಗ ಕೈ ಮೂಳೆ ಮುರಿದುಕೊಂಡಿರುವ ವೇಗದ ಬೌಲರ್ ಮೊಹಮ್ಮದ್ ಶಮಿ ಸರಣಿಯಿಂದ ಹೊರಬಿದ್ದಿದ್ದಾರೆ.

ಕಮ್ಮಿನ್ಸ್ ಎಸೆತ ಶಮಿಯ ಕೈಗೆ ಅಪ್ಪಳಿಸುತ್ತಿದೆ

ಅರುಣ್ ಕುಮಾರ್ ಬೆಳ್ಳಿ

Updated on: Dec 19, 2020 | 10:19 PM

ಶನಿವಾರದಂದು ಕೊನೆಗೊಂಡ ಅಡಿಲೇಡ್ ಟೆಸ್ಟ್ನಲ್ಲಿ ಪ್ಯಾಟ್ ಕಮ್ಮಿನ್ಸ್ ಅವರ ಬೌನ್ಸರ್ ಒಂದರಿಂದ ಬಲಗೈ ಮೂಳೆ ಮುರಿದುಕೊಂಡಿರುವ ಭಾರತದ ವೇಗದ ಬೌಲರ್ ಮೊಹಮ್ಮದ್ ಶಮಿ ಉಳಿದ ಮೂರು ಟೆಸ್ಟ್ಗಳಿಂದ ಹೊರಬಿದ್ದಿದಾರೆ.

ಮೈದಾನದಲ್ಲಿ ಶಮಿ ಅನುಭವಿದ ಅಸಹನೀಯ ನೋವು ಮೂಳೆ ಮುರಿತದ ಪರಿಣಾಮ ಎಂದು ಟೀಮ್ ಇಂಡಿಯಾದ ಮೂಲದಿಂದ ಗೊತ್ತಾಗಿದೆ.

‘‘ಹೌದು, ಶಮಿಯ ಮೂಳೆ ಮುರಿದಿದೆ, ಹಾಗಾಗೆ ಅವರು ಬ್ಯಾಟನ್ನು ಹಿಡಿಯಲಾಗಲೀ ಎತ್ತಲಾಗಲೀ ಸಾಧ್ಯವಾಗಲಿಲ್ಲ, ಅವರು ಅನುಭವಿಸುತ್ತಿದ್ದ ನೋವು ಗಮನಿದಾಗಲೇ ನಮಗೆ ಗಂಭೀರವಾದ ಸಮಸ್ಯೆಯಿದೆ ಅಂತೆನಿಸಿತ್ತು. ನಮ್ಮ ಆತಂಕ ನಿಜವಾಗಿದೆ,’’ ಎಂದು ಮೂಲ ತಿಳಿಸಿದೆ.

ಇಂದು ಪಂದ್ಯ ಮುಗಿದ ನಂತರ ಟೀಮ್ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ, ಶಮಿಯ ಗಾಯ ಕುರಿತು ಮಾತಾಡುವಾಗ ಸ್ಕ್ಯಾನಿಂಗ್ ಮಾಡುವ ಸಾಧ್ಯತೆಯನ್ನು ಹೇಳಿದ್ದರು.

Arun Belly

ಹುಟ್ಟೂರು ಯಾದಗಿರಿ ಜಿಲ್ಲೆಯ ಗುರುಮಠಕಲ್. ಓದಿದ್ದು ಬಿಎಸ್ಸಿಯಾದರೂ ಮೆಡಿಕಲ್ ರಿಪ್ರಸೆಂಟೇಟಿವ್ ಆಗಿ ಕೆಲಸ ಮಾಡಿಕೊಂಡಿದ್ದ ನನ್ನನ್ನು ಖ್ಯಾತ ಪತ್ರಕರ್ತ ದಿವಂಗತ ರವಿ ಬೆಳಗೆರೆಯವರು ಪತ್ರಿಕೋದ್ಯಮಕ್ಕೆ ಎಳೆತಂದರು. ಮೊದಲು ಅವರ ಓ ಮನಸೇ ಪಾಕ್ಷಿಕದಲ್ಲಿ ಉಪ ಸಂಪಾದಕನಾಗಿ ಕೆಲಸ ಮಾಡಿದ ಬಳಿಕ ಲಂಕೇಶ್ ಪತ್ರಿಕೆ (ಸಹಾಯಕ ಸಂಪಾದಕ), ದುನಿಯಾ (ಕಾರ್ಯನಿರ್ವಾಹಕ ಸಂಪಾದಕ) ಮತ್ತು ಕ್ರಿಕೆಟ್ ಪಾಕ್ಷಿಕ ಪತ್ರಿಕೆಯ ಸಂಪಾದಕನಾಗಿ ಕೆಲಸ ಮಾಡಿದೆ. 2012 ರಲ್ಲಿ ಟಿವಿ9 ಸಂಸ್ಥೆಯ ಇಂಗ್ಲಿಷ್ ಚ್ಯಾನೆಲ್ ನಲ್ಲಿ ಸಹಾಯಕ ಸಂಪಾದಕನಾಗಿ ಸೇರಿ 8 ವರ್ಷ ದುಡಿದ ಬಳಿಕ 2020 ರಿಂದ ಟಿವಿ9 ಕನ್ನಡ ಡಿಜಿಟಲ್ ಗೆ ಹಿರಿಯ ಉಪ ಸಂಪಾದಕನಾಗಿ (ವಿಡಿಯೋ ಸುದ್ದಿ ವಿಭಾಗ) ಕಾರ್ಯನಿರ್ವಹಿಸುತ್ತಿರುವೆ.

Add TV9 Kannada As A Trusted Source