ಈ ವಸ್ತುಗಳನ್ನು ಬಳಸಿದರೆ ಅಡುಗೆ ಮನೆಯ ಸಿಂಕ್ ಸ್ವಚ್ಛಗೊಳಿಸುವುದು ಕಷ್ಟವೇನಲ್ಲ

ಇಂದಿನ ಮಾಡ್ರನ್ ಕಿಚನ್ ವ್ಯವಸ್ಥೆಯಿಂದಾಗಿ ಗೃಹಿಣಿಯರಿಗೆ ಸ್ವಲ್ಪ ಮಟ್ಟಿಗೆ ಆರಾಮದಾಯಕವಾಗಿದೆ. ಆದರೆ ಆಧುನಿಕ ಅಡುಗೆ ಮನೆಯಲ್ಲಿ ಸ್ವಚ್ಛತೆಯ ಬಗ್ಗೆ ಗಮನ ಕೊಡುವುದು ಮುಖ್ಯ. ಹೆಚ್ಚಿನವರ ಅಡುಗೆ ಮನೆಯಲ್ಲಿ ಸಿಂಕ್ ಇರುತ್ತದೆ. ಅಡುಗೆಯಾದ ಬಳಿಕ ಈ ಸಿಂಕ್ ನಲ್ಲಿಯೇ ಪಾತ್ರೆಗಳನ್ನು ಸ್ವಚ್ಛಗೊಳಿಸುತ್ತೇವೆ. ಪಾತ್ರೆತೊಳೆಯುವ ತರಾತುರಿಯಲ್ಲಿ ಬೇಡದ ಆಹಾರಗಳು ಸಿಂಕ್ ಒಳಗೆ ಹೋಗಿ ಬ್ಲಾಕ್ ಆಗುವುದೇ ಹೆಚ್ಚು. ಸರಿಯಾಗಿ ಸ್ವಚ್ಛಗೊಳಿಸದೇ ಹೋದರೆ ಸಿಂಕ್ ತುಂಬಾ ಕೊಳೆ ತುಂಬಿಕೊಳ್ಳುತ್ತದೆ. ಹೀಗಾಗಿ ಮನೆಯಲ್ಲಿ ಈ ಕೆಲವು ವಸ್ತುಗಳಿದ್ದರೆ ಸಿಂಕ್ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಬಹುದು.

* ಬಿಸಿ ನೀರನ್ನು ಬಳಸಿ : ಸಿಂಕ್ ಬ್ಲಾಕ್ ಆಗಿದ್ದರೆ ಬಿಸಿ ನೀರನ್ನು ಸಿಂಕ್ ಗೆ ಹಾಕುವುದರಿಂದ ಪೈಪ್ ಗೆ ಅಂಟಿಕೊಂಡಿರುವ ಅಂಶಗಳು ಹೋಗಿ, ಬ್ಲಾಕ್ ಅನ್ನು ತೆಗೆದುಹಾಕುತ್ತದೆ. ಆದರೆ ನಿಮ್ಮ ಸಿಂಕ್ ಸ್ಟೀಲಿನದಾಗಿದ್ದರೆ ಮಾತ್ರ ಬಿಸಿ ನೀರನ್ನು ಹಾಕಿ ಬ್ಲಾಕ್ ತೆಗೆಯಿರಿ.

* ಡ್ರೇನ್ ಸ್ನೇಕ್ ಇದ್ದರೆ ಬ್ಲಾಕ್ ತೆಗೆಯುವುದು ಸುಲಭ: ಸಿಂಕ್ ಬ್ಲಾಕ್ ಆಗಿದ್ದರೆ ಡ್ರೇನ್ ಸ್ನೇಕ್ ಕೇಬಲ್ ಅನ್ನು ಸಿಂಕ್ ನ ಪೈಪ್ ಒಳಗೆ ಹಾಕಿ ತಿರುಗಿಸುವುದರಿಂದ ಬ್ಲಾಕ್ ಆಗಿರುವ ವಸ್ತುಗಳು ಹೊರಗೆ ಹೋಗುತ್ತದೆ. ಆ ಬಳಿಕ ನೀರು ಹಾಕಿದರೆ ಸಿಂಕ್ ಹಾಗೂ ಪೈಪ್ ಸ್ವಚ್ಛವಾಗುತ್ತದೆ.

* ನಿಂಬೆಹಣ್ಣು ಬಳಸಿ ಸಿಂಕ್ ಸ್ವಚ್ಛಗೊಳಿಸಿ : ಎಲ್ಲರ ಅಡುಗೆ ಮನೆಯಲ್ಲಿ ಸದಾ ಲಭ್ಯವಿರುವ ನಿಂಬೆಹಣ್ಣನ್ನು ಬಳಸಿ ಸಿಂಕ್ ಸುಲಭವಾಗಿ ಸ್ವಚ್ಛಗೊಳಿಸಬಹುದು. ಕತ್ತರಿಸಿದ ನಿಂಬೆ ಹಣ್ಣಿಗೆ ಉಪ್ಪನ್ನು ಬೆರೆಸಿ ಉಜ್ಜಿದರೆ ಸಿಂಕ್ ಕೊಳೆ ಹೋಗಿ ಫಳ ಫಳನೇ ಹೊಳೆಯುತ್ತದೆ.

ಇದನ್ನೂ ಓದಿ: ಪರಿಮಳಯುಕ್ತ ಈ ಸೋಂಪು ಕಾಳಿನಲ್ಲಿದೆ ಹತ್ತಾರು ಆರೋಗ್ಯ ಪ್ರಯೋಜನಗಳು

* ವಿನೆಗರ್ ಮತ್ತು ಬೇಕಿಂಗ್ ಸೋಡಾ : ಒಂದು ವೇಳೆ ಸಿಂಕ್ ಬ್ಲಾಕ್ ಆದ ಸಿಂಕ್ ಅನ್ನು ಸ್ವಚ್ಛಗೊಳಿಸಲು ಬಿಳಿ ವಿನೆಗರ್ ಮತ್ತು ಸೋಡಾವನ್ನು ಬಳಸಬಹುದು. ಬೇಕಿಂಗ್ ಸೋಡಾ ಹಾಗೂ ಬಿಳಿ ವಿನೆಗರ್ ಹಾಕಿ ಸ್ವಲ್ಪ ಹೊತ್ತು ಹಾಗೆಯೇ ಬಿಡಬೇಕು.. ಆ ಬಳಿಕ ಸಿಂಕ್ ಗೆ ಬಿಸಿ ನೀರನ್ನು ಹಾಕಿ ತೊಳೆದರೆ ಸ್ವಚ್ಛವಾಗುತ್ತದೆ.

* ಬೇಕಿಂಗ್ ಸೋಡಾ : ನೀರಿಗೆ ಬೇಕಿಂಗ್ ಸೋಡಾ ಹಾಕಿ ಬೆರೆಸಿಕೊಂಡು ಸಿಂಕ್ ಗೆ ಹಾಕಿ ಸ್ವಲ್ಪ ಹೊತ್ತು ಬಿಟ್ಟು, ನೀರಿನಿಂದ ತೊಳೆದು ಹತ್ತಿ ಬಟ್ಟೆಯಿಂದ ಒರೆಸಿದರೆ ಸಿಂಕ್ ಹೊಳೆಯುತ್ತದೆ.

* ಆಲಿವ್ ಆಯಿಲ್ : ಸಿಂಕ್ ಕೊಳೆಯಿಂದ ಕೂಡಿದ್ದು ಬಣ್ಣಗೆಟ್ಟಿದ್ದರೆ, ಬಟ್ಟೆ ಮೇಲೆ ಸ್ವಲ್ಪ ಆಲಿವ್ ಆಯಿಲ್ ಅನ್ನು ಹಾಕಿ ಸಿಂಕ್ ಒರೆಸಿದರೆ, ಜಿಡ್ಡಿನ ಅಂಶಗಳು ಹೋಗುತ್ತವೆ. ಸ್ಟೀಲ್ ಸಿಂಕ್ ಫಳಫಳನೇ ಹೊಳೆಯುತ್ತದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ