Char Dham Yatra: ಕೇದಾರನಾಥ ಧಾಮ ಹಿಂದೂ ಭಕ್ತರಿಗೆ ಏಪ್ರಿಲ್ 25 ರಂದು ತೆರೆಯಲಿದೆ; ಹೆಲಿಕಾಪ್ಟರ್ ಸವಾರಿ ಲಭ್ಯ
ಉತ್ತರಾಖಂಡ ಪ್ರವಾಸೋದ್ಯಮ ಇಲಾಖೆಯ ಪ್ರಕಾರ, ಹೆಲಿಕಾಪ್ಟರ್ ಆನ್‌ಲೈನ್ ಬುಕ್ಕಿಂಗ್‌ ಮೂಲಕ ಕೇದಾರನಾಥ ಧಾಮಕ್ಕೆ ಪ್ರಯಾಣಿಸುವ ಹಿಂದೂ ಯಾತ್ರಾರ್ಥಿಗಳನ್ನೂ ಕರೆದೊಯ್ಯುವ ಅಧಿಕಾರವನ್ನು IRCTC ಗೆ ನೀಡಲಾಗಿದೆ.
ಕೇದಾರನಾಥ ಧಾಮದ (Kedarnath Dham) ಪೋರ್ಟಲ್‌ಗಳನ್ನು ಎಲ್ಲಾ ಭಕ್ತರಿಗೆ ಏಪ್ರಿಲ್ 25 ರಂದು ತೆರೆಯಲಾಗುವುದು ಎಂದು ಅಧಿಕಾರಿಗಳು ಬುಧವಾರ (April 5) ತಿಳಿಸಿದ್ದಾರೆ. ಭಕ್ತರು ಕಾಲ್ನಡಿಗೆಯ ಜೊತೆಗೆ ಹೆಲಿಕಾಪ್ಟರ್ (Helicopter) ಮೂಲಕ ಕೇದಾರನಾಥ ಧಾಮವನ್ನು ತಲುಪಲು ಸಾಧ್ಯವಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಉತ್ತರಾಖಂಡ ಪ್ರವಾಸೋದ್ಯಮ ಇಲಾಖೆಯ ಪ್ರಕಾರ, ಕೇದಾರನಾಥ ಧಾಮಕ್ಕೆ ಹೆಲಿಕಾಪ್ಟರ್ ಮೂಲಕ ಪ್ರಯಾಣಿಸುವ ಯಾತ್ರಾರ್ಥಿಗಳ ಅನುಕೂಲಕ್ಕಾಗಿ ಆನ್‌ಲೈನ್ ಬುಕಿಂಗ್ ಮಾಡಲು ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮ (IRCTC) ಗೆ ಅಧಿಕಾರ ನೀಡಲಾಗಿದೆ.
ಮುಂಬರುವ ಚಾರ್ಧಾಮ್ ಯಾತ್ರೆಯ ದೃಷ್ಟಿಯಿಂದ ಒಟ್ಟು 6.34 ಲಕ್ಷ ಭಕ್ತರು ನೋಂದಾಯಿಸಿಕೊಂಡಿದ್ದಾರೆ ಎಂದು ಉತ್ತರಾಖಂಡ ಪ್ರವಾಸೋದ್ಯಮ ಅಭಿವೃದ್ಧಿ ಮಂಡಳಿ ಮಾರ್ಚ್‌ನಲ್ಲಿ ತಿಳಿಸಿದೆ.
“ಇಲ್ಲಿಯವರೆಗೆ, 6.34 ಲಕ್ಷಕ್ಕೂ ಹೆಚ್ಚು ಭಕ್ತರು ಚಾರ್ ಧಾಮ್ ಯಾತ್ರೆಗೆ ನೋಂದಾಯಿಸಿಕೊಂಡಿದ್ದಾರೆ. ಈ ಪೈಕಿ ಕೇದಾರನಾಥ ಧಾಮಕ್ಕೆ 2.41 ಲಕ್ಷ ಮತ್ತು ಬದರಿನಾಥ ಧಾಮಕ್ಕೆ 2.01 ಲಕ್ಷ, ಯಮನೋತ್ರಿಗೆ 95,107 ಮತ್ತು ಗಂಗೋತ್ರಿ ಧಾಮಕ್ಕೆ 96,449 ನೋಂದಣಿ ಮಾಡಲಾಗಿದೆ”, ಉತ್ತರಾಖಂಡ ಪ್ರವಾಸೋದ್ಯಮ ಅಭಿವೃದ್ಧಿ ಮಂಡಳಿ ಹೇಳಿದ್ದರು.
ಚಾರ್ಧಾಮ್ ಯಾತ್ರೆಯ ವೇಳೆ ಆರೋಗ್ಯ ತಪಾಸಣೆಗಾಗಿ ಆರೋಗ್ಯ ಎಟಿಎಂ ಸ್ಥಾಪಿಸಲಾಗುವುದು, ಈ ಸೌಲಭ್ಯದಿಂದ ಭಕ್ತರಿಗೆ ಸಾಕಷ್ಟು ಅನುಕೂಲವಾಗಲಿದೆ ಎಂದು ಮುಖ್ಯಮಂತ್ರಿ ಧಾಮಿ ಹೇಳಿದ್ದರು. ಚಾರ್ ಧಾಮ್ ಯಾತ್ರೆಯಲ್ಲಿ ವೈದ್ಯಕೀಯ ಸೌಲಭ್ಯಗಳ ಬಲವರ್ಧನೆಗೆ ಇದು ಉತ್ತಮ ಹೆಜ್ಜೆಯಾಗಿದೆ
ಇದನ್ನೂ ಓದಿ: Hanuman Jayanti 2023: ಹನುಮನಿಗೆ ಈ ಸಿಹಿ ಪ್ರಸಾದ ಅರ್ಪಿಸಿ
ಇದಕ್ಕೂ ಮುನ್ನ ಮಾರ್ಚ್ 11 ರಂದು ರುದ್ರಪ್ರಯಾಗ ಜಿಲ್ಲಾಡಳಿತವು ಏಪ್ರಿಲ್ 22 ರಂದು ಪ್ರಾರಂಭವಾಗಲಿರುವ ಚಾರ್ಧಾಮ್ ಯಾತ್ರೆಗೆ ಸಿದ್ಧತೆಗಳನ್ನು ಪ್ರಾರಂಭಿಸಿತ್ತು. ಉತ್ತರಾಖಂಡದ ಚಾರ್ಧಾಮ್ ಯಾತ್ರೆಯು ಭಾರತದ ಅತ್ಯಂತ ಜನಪ್ರಿಯ ಹಿಂದೂ ತೀರ್ಥಯಾತ್ರೆಗಳಲ್ಲಿ ಒಂದಾಗಿದೆ. ಈ ತೀರ್ಥಯಾತ್ರೆಯು ನಾಲ್ಕು ಪವಿತ್ರ ಸ್ಥಳಗಳ ಪ್ರವಾಸವಾಗಿದೆ – ಬದರಿನಾಥ್, ಕೇದಾರನಾಥ, ಗಂಗೋತ್ರಿ ಮತ್ತು ಯಮುನೋತ್ರಿ – ಹಿಮಾಲಯದ ಎತ್ತರದಲ್ಲಿದೆ.
ಎತ್ತರದ ದೇವಾಲಯಗಳು ಪ್ರತಿ ವರ್ಷ ಸುಮಾರು ಆರು ತಿಂಗಳ ಕಾಲ ಮುಚ್ಚಲ್ಪಡುತ್ತವೆ, ಬೇಸಿಗೆಯಲ್ಲಿ (ಏಪ್ರಿಲ್ ಅಥವಾ ಮೇ) ತೆರೆಯುತ್ತವೆ ಮತ್ತು ಚಳಿಗಾಲದ (ಅಕ್ಟೋಬರ್ ಅಥವಾ ನವೆಂಬರ್) ಪ್ರಾರಂಭದೊಂದಿಗೆ ಮುಚ್ಚಲ್ಪಡುತ್ತವೆ.
Published On - 12:35 pm, Thu, 6 April 23
