Quick and Easy Recipe: ಕೇವಲ ಮೂರು ಪದಾರ್ಥ ಬಳಸಿ ತಯಾರಿಸುವ ಈ ಕ್ವಿಕ್ ರೆಸಿಪಿಯನ್ನು ನೀವೂ ಪ್ರಯತ್ನಿಸಿ
ಕೇವಲ ಈರುಳ್ಳಿ, ಟೊಮೆಟೊ ಮತ್ತು ಕೊತ್ತಂಬರಿ ಸೊಪ್ಪನ್ನು ಬಳಸಿಕೊಂಡು ರುಚಿಕರವಾದ ಅಡುಗೆಯನ್ನು ಮಾಡಬಹುದು. ಈ ಕುರಿತ ಇನ್ನಷ್ಟು ಮಾಹಿತಿ ಇಲ್ಲಿದೆ.
ಕೆಲವೊಮ್ಮೆ ಮನೆಯಲ್ಲಿ ತರಕಾರಿಗಳು ಇಲ್ಲದಂತಹ ಸಂದರ್ಭಗಳಲ್ಲಿ ಹಾಗೂ ಸಮಯದ ಅಭಾವವಿದ್ದಾಗ ಕ್ವಿಕ್ ಆಗಿ ಏನಾದರೂ ತಿಂಡಿ ಮಾಡಬೇಕೆಂದೆನಿಸಿದರೆ ಕೇವಲ ಈ ಮೂರು ವಸ್ತುಗಳನ್ನು ರುಚಿಕರವಾದ ಪಾಕವನ್ನು ತಯಾರಿಸಬಹುದು. ಎಲ್ಲರ ಮನೆಯಲ್ಲೂ ಈರುಳ್ಳಿ, ಟೊಮೆಟೊ, ಕೊತ್ತಂಬರಿ ಸೊಪ್ಪು ಇದ್ದೇ ಇರುತ್ತದೆ. ಈ ಕಡಿಮೆ ಸಾಮಾಗ್ರಿಗಳನ್ನು ಬಳಸಿಕೊಂಡು ತಯಾರಿಸಬಹುದಾದ ಸುಲಭ ಮತ್ತು ತ್ವರಿತ ಪಾಕ ವಿಧಾನಗಳ ಬಗ್ಗೆ ತಿಳಿಸಿಕೊಡುತ್ತೇವೆ.
ಟೊಮೆಟೊ-ಈರುಳ್ಳಿ ಸೂಪ್:
ಟೊಮೆಟೊ ಸೂಪ್ ತಯಾರಿಸುವುದು ಸುಲಭ ಪಾಕವಿಧಾನವಾಗಿದೆ. ಮೊದಲಿಗೆ ನೀವು ಕತ್ತರಿಸಿದ ಟೊಮೆಟೊ ಮತ್ತು ಈರುಳ್ಳಿಯನ್ನು ಹುರಿಯಿರಿ. ನಂತರ ಅದಕ್ಕೆ ಕೊತ್ತಂಬರಿ ಸೊಪ್ಪು, ಉಪ್ಪು ಕರಿಮೆಣಸು, ಉಪ್ಪು, ಬೆಣ್ಣೆ ಹಾಗೂ ನೀರನ್ನು ಸೇರಿಸಿ ಮಿಶ್ರಣ ಮಾಡಿ. ಈ ಸೂಪ್‌ನ್ನು ಕಡಿಮೆ ಸಮಯದಲ್ಲಿ ಮಾಡಬಹುದು.
ಟೊಮೆಟೊ ಈರುಳ್ಳಿ ಆಮ್ಲೆಟ್:
ಇದು ಆರೋಗ್ಯಕರವಾದ ಪಾಕ ವಿಧಾನವಾಗಿದೆ ನೀವು ಈರುಳ್ಳಿ, ಟೊಮೆಟೊ ಹಾಗೂ ಕೊತ್ತಂಬರಿ ಸೊಪ್ಪನ್ನು ನುಣ್ಣಗೆ ಕತ್ತರಿಸಿ ನಂತರ ಅದಕ್ಕೆ ಮೊಟ್ಟೆಯನ್ನು ಹಾಕಿ ಹಾಗೂ ಕರಿಮೆಣಸಿನ ಪುಡಿ, ಸ್ವಲ್ಪ ಉಪ್ಪುನ್ನು ಸೇರಿಸಿ ಚೆನ್ನಾಗಿ ವಿಪ್ ಮಾಡಿ ಬಿಸಿ ಪ್ಯಾನ್‌ನಲ್ಲಿ ಫ್ರೈ ಮಾಡಿ. ಕಡಿಮೆ ಸಮಯದಲ್ಲಿ ಈ ರುಚಿಕರವಾದ ಖಾದ್ಯವನ್ನು ತಯಾರಿಸಬಹುದು.
ಇದನ್ನೂ ಓದಿ: ಕರ್ನಾಟಕದಲ್ಲಿನ ಈ ಪ್ರಸಿದ್ಧ ಭಕ್ಷ್ಯಗಳನ್ನು ನೀವು ಮಿಸ್ ಮಾಡಲೇ ಬೇಡಿ
ಟೊಮೆಟೊ ಸಾಲ್ಸಾ:
ಮೆಕ್ಸಿಕನ್ ಪಾಕಪದ್ಧತಿಯಾಗಿರುವ ಈ ಟೊಮೆಟೊ ಸಾಲ್ಸಾವನ್ನು ತಯಾರಿಸುವುದು ಬಲು ಸುಲಭವಾಗಿದೆ. ನೀವು ಮೊದಲಿಗೆ ಟೊಮೆಟೊ, ಈರುಳ್ಳಿ, ಕೊತ್ತಂಬರಿ ಸೊಪ್ಪನ್ನು ನುಣ್ಣಗೆ ಕತ್ತರಿಸಿ ಅದಕ್ಕೆ ನಿಂಬೆ ರಸ ಮತ್ತು ಉಪ್ಪನ್ನು ಸೇರಿಸಿ ಮಿಶ್ರಣ ಮಾಡಿ ಇಟ್ಟುಕೊಳ್ಳಿ. ಇದನ್ನು ನೀವು ನ್ಯಾಚೋಸ್ ಜೊತೆಗೂ ತಿನ್ನಬಹುದು ಅಥವಾ ಬ್ರೆಡ್ ಟೋಸ್ಟ್ ಜೊತೆಗೆ ಹರಡಿ ಕೂಡಾ ತಿನ್ನಬಹುದು.
ಮೆಕ್ಸಿಕನ್ ರೈಸ್:
ನೀವು ಸಾಲ್ಸಾದ ಜೊತೆಗೆ ಮೆಕ್ಸಿಕನ್ ರೈಸ್‌ನ್ನು ಕೂಡಾ ಮಾಡಿ ತಿನ್ನಬಹುದು. ಇದಕ್ಕಾಗಿ ನೀವು ಮಾಡಬೇಕಾದುದು ಏನೆಂದರೆ ಅನ್ನವನ್ನು ಕತ್ತರಿಸಿದ ಈರುಳ್ಳಿ ಮತ್ತು ಟೊಮೆಟೊದೊಂದಿಗೆ ಹುರಿಯಿರಿ. ಅದಕ್ಕೆ ಉಪ್ಪು, ನಿಂಬೆ ರಸ ಮತ್ತು ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಸೇರಿಸಿ ಬೆರೆಸಿ. ಈ ರುಚಿಕರವಾದ ಭಕ್ಷ್ಯವನ್ನು ಮನೆಯಲ್ಲಿಯೇ ತಯಾರಿಸಿ ಸವಿಯಬಹುದು.
ಕರಿ:
ಇದು ಅತ್ಯಂತ ಸುಲಭವಾದ ಭಾರತೀಯ ಪಾಕವಿಧಾನವಾಗಿದೆ. ಇದನ್ನು ನೀವು ಅನ್ನ, ಚಪಾತಿ, ರೋಟಿ ಹೀಗೆ ಎಲ್ಲದರೊಂದಿಗೆ ಸೇರಿಸಿ ಸಮಿಯಬಹುದು. ಈ ಗ್ರೇವಿಯ ರುಚಿಯನ್ನು ಹೆಚ್ಚಿಸಲು ನೀವು ನಿಮ್ಮ ಆಯ್ಕೆಯ ಪನೀರ್, ಮೊಟ್ಟೆ ಅಥವಾ ತರಕಾರಿ ಯಾವುದನ್ನಾದರೂ ಸೇರಿಸಬಹುದು. ಈ ಕರಿಯನ್ನು ಮಾಡಲು ನೀವು ಮೊದಲು ಈರುಳ್ಳಿಯನ್ನು ಹುರಿದು ನಂತರ ಅದಕ್ಕೆ ಟೊಮೆಟೊ, ಜೀರಿಗೆ, ಕೊತ್ತಂಬರಿ, ಕೆಂಪು ಮೆನಸಿನಕಾಯಿ, ಉಪ್ಪು ಹಾಗೂ ಇನ್ನಿತರ ಮಸಾಲೆಗಳನ್ನು ಸೇರಿಸಿ ರುಬ್ಬಿ. ನಂತರ ತಯಾರಾದ ಗ್ರೇವಿಯನ್ನು ಎಣ್ಣೆ ಬಿಡುವವರೆಗೆ ಪ್ಯಾನ್‌ನಲ್ಲಿ ಬೇಯಿಸಿ. ನಂತರ ಕೊತ್ತಂಬರಿ ಸೊಪ್ಪಿನೊಂಗೆ ಅಲಂಕರಿಸಿದರೆ ಗ್ರೇವಿ ಸವಿಯಲು ಸಿದ್ಧ.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: