Raksha Bandhan 2025: ರಕ್ಷಾ ಬಂಧನ ಹಬ್ಬದ ದಿನ ನಿಮ್ಮ ಪ್ರೀತಿಪಾತ್ರರಿಗೆ ಶುಭಾಶಯಗಳನ್ನು ತಿಳಿಸಲು ಇಲ್ಲಿವೆ ಸಂದೇಶಗಳು

ಪ್ರತಿವರ್ಷ ಶ್ರಾವಣ ಮಾಸದ ಹುಣ್ಣಿಮೆಯ ದಿನದಂದು ಅಂದರೆ ನೂಲ ಹುಣ್ಣಿಮೆಯ ದಿನದಂದು ರಕ್ಷಾ ಬಂಧನ (Raksha Bandhan) ಹಬ್ಬವನ್ನು ಆಚರಿಸಲಾಗುತ್ತದೆ. ಇದು ಸಹೋದರ ಸಹೋದರಿಯ ನಡುವಿನ ಬೆಸುಗೆ, ಬಂಧವನ್ನು ಬಲಪಡಿಸುವ ಶ್ರೇಷ್ಠ ಹಬ್ಬವಾಗಿದೆ. ಈ ದಿನ ಸಹೋದರಿಯರು ತಮ್ಮ ಸಹೋದರ ಕೈಗೆ ರಾಖಿ ಕಟ್ಟಿ, ಹಣೆಗೆ ತಿಲಕ ಹಚ್ಚಿ ಅವರ ದೀರ್ಘಾಯುಷ್ಯ, ಯಶಸ್ಸಿಗಾಗಿ ದೇವರಲ್ಲಿ ಪ್ರಾರ್ಥಿಸಿದರೆ, ಸಹೋದರರು ತಮ್ಮ ಎಂತಹದ್ದೇ ಪರಿಸ್ಥಿತಿಯಲ್ಲೂ ಸಹೋದರಿಯನ್ನು ರಕ್ಷಿಸುವ ಭರವಸೆಯನ್ನು ನೀಡುತ್ತಾರೆ. ಈ ಬಾರಿ ಆಗಸ್ಟ್‌ 09 ರಂದು ರಕ್ಷಾ ಬಂಧನ ಹಬ್ಬವನ್ನು ಆಚರಿಸಲಾಗುತ್ತಿದ್ದು, ಈ ರೀತಿಯಾಗಿ ನಿಮ್ಮ ಪ್ರೀತಿಪಾತ್ರರಿಗೆ ಸಂದೇಶಗಳನ್ನು (- Raksha Bandhan Wishes) ಕಳುಹಿಸಿ ಹಬ್ಬವನ್ನು ವಿಶೇಷವಾಗಿ ಆಚರಿಸಿ.

ರಕ್ಷಾ ಬಂಧನ ಹಬ್ಬದ ಶುಭ ಸಂದೇಶಗಳು:

• ಅಣ್ಣ ತಂಗಿಯರ ಈ ಬಂಧ, ಜನು ಜನುಮದ ಅನುಬಂಧ. ನನ್ನ ಪ್ರೀತಿಯ ಅಣ್ಣಂದಿಯರಿಗೆ ರಕ್ಷಾಬಂಧನ ಹಬ್ಬದ ಶುಭಾಶಯಗಳು.
• ಅಣ್ಣ ಎಂದರೆ ಬದುಕಿಗೆ ರಕ್ಷೆ, ದಾರಿ ದೀಪ. ನನ್ನ ಪ್ರೀತಿಯ ಅಣ್ಣನಿಗೆ ಈ ನಿನ್ನ ಮುದ್ದಿನ ತಂಗಿಯ ಕಡೆಯಿಂದ ರಕ್ಷಾ ಬಂಧನದ ಶುಭಾಶಯ.
• ನನ್ನ ನಗು ನೀನು, ನನ್ನ ಖುಷಿ ನೀನು, ನನ್ನೆಲ್ಲಾ ಆಯಸ್ಸು ನಿನ್ನದಾಗಲಿ. ನನ್ನ ಮುದ್ದಿನ ತಂಗಿಗೆ ರಕ್ಷಾಬಂಧನ ಶುಭಾಶಯಗಳು.
• ಒಡ ಹುಟ್ಟಿದವರು ಮಾತ್ರ ಅಣ್ಣತಂಗಿಯಲ್ಲ. ಮನಸ್ಸಿನ ಭಾವನೆಯಿಂದ ಕರೆಯುವ ಪ್ರತಿಯೊಬ್ಬರೂ ಅಣ್ಣ ತಂಗಿಯೇ. ನನ್ನೆಲ್ಲಾ  ಸಹೋದರ-ಸಹೋದರಿಯರಿಗೂ ರಕ್ಷಾ ಬಂಧನದ ಶುಭಾಶಯಗಳು.
• ಕಷ್ಟ-ಸುಖ ಹಂಚಿಕೊಳ್ಳಲು ಅಕ್ಕ ತಂಗಿ ಇರಬೇಕು. ಏನೇ ಕಷ್ಟ ಎದುರಾಗಲಿ ನಾನಿದ್ದೀನಿ ಎಂದು ಧೈರ್ಯ ತುಂಬುವುದಕ್ಕೆ ಅಣ್ಣ ತಮ್ಮ ಇರಬೇಕು. ಅಣ್ಣ-ತಂಗಿಯರ ಹಬ್ಬವಾದ ರಕ್ಷಾ ಬಂಧನದ ಶುಭಾಶಯಗಳು.
• ನಿನ್ನಂತ ಸಹೋದರಿಯನ್ನು ಪಡೆದ ನಾನೇ ಧನ್ಯ. ಪ್ರತಿಯೊಂದು ಹೆಜ್ಜೆಯಲ್ಲೂ ನನ್ನ ಬೆನ್ನೆಲುಬಾಗಿ ನಿಂತ, ತಾಯಿಯಂತೆ ನನ್ನನ್ನು ಸಲುಹಿದ ತನ್ನ ಪ್ರೀತಿಯ ಅಕ್ಕನಿಗೆ ರಕ್ಷಾ ಬಂಧನದ ಶುಭಾಶಯ.
• ನನ್ನ ಮುದ್ದಿನ ಕೂಸು ನೀನು, ನಿನ್ನನ್ನು ಕಾಪಾಡುವ ಕಣ್ ನಾನು. ನನ್ನ ಮುದ್ದು ತಂಗಿಗೆ ಅಣ್ಣ-ತಂಗಿಯರ ಹಬ್ಬದ ಶುಭಾಶಯ.
• ತಾಯಿಯಂತೆ ನನ್ನನ್ನು ಕಾಳಜಿ ವಹಿಸಿದ್ದಕ್ಕಾಗಿ, ನಾನು ಎಷ್ಟೇ ನೋವು ಕೊಟ್ಟರೂ ನನಗೆ ನಿಷ್ಕಲ್ಮಶ ಪ್ರೀತಿಯನ್ನು ತೋರಿದ್ದಕ್ಕಾಗಿ ಧನ್ಯವಾದ. ಹ್ಯಾಪಿ ರಕ್ಷಾ ಬಂಧನ.
• ಓ ನನ್ನ ಪ್ರೀತಿಯ ಅಣ್ಣ… ನಾನು ನಿನ್ನ ಜೊತೆ ಎಷ್ಟೇ ಕಿತ್ತಾಡಿದರೂ, ಕೋಪ ಮಾಡಿಕೊಂಡರೂ ನೀನೇ ನನ್ನ ಪ್ರಪಂಚ. ನನ್ನೆಲ್ಲಾ ಆಸೆ, ಆಕಾಂಕ್ಷೆಯನ್ನು ಈಡೇರಿಸಿದ ನನ್ನ ಪ್ರೀತಿಯ ಅಣ್ಣನಿಗೆ ರಕ್ಷಾ ಬಂಧನದ ಶುಭಾಶಯ.

ಇದನ್ನೂ ಓದಿ: ರಕ್ಷಾ ಬಂಧನದ ದಿನ ಹೆಣ್ಮಕ್ಕಳು ಸಹೋದರರಿಗಷ್ಟೇ ಅಲ್ಲ, ಯಾರಿಗೆಲ್ಲಾ ರಾಖಿ ಕಟ್ಟಬಹುದು?

ಇದನ್ನೂ ಓದಿ

ರಕ್ಷಾ ಬಂಧನದ ದಿನ ಹೆಣ್ಮಕ್ಕಳು ಯಾರಿಗೆಲ್ಲಾ ರಾಖಿ ಕಟ್ಟಬಹುದು?

ವರಮಹಾಲಕ್ಷ್ಮಿ ಹಬ್ಬದ ದಿನ ಮುತ್ತೈದೆಯರು ಹಸಿರು ಬಳೆಗಳನ್ನು ತೊಡುವುದೇಕೆ

ಮನೆಯಲ್ಲಿ ವರಮಹಾಲಕ್ಷ್ಮಿಯನ್ನು ಕೂರಿಸಿ ಆರಾಧಿಸುವ ಸರಳ ವಿಧಾನ ಇಲ್ಲಿದೆ

ರಾಖಿ ಕಟ್ಟುವಾಗ ಮೂರು ಗಂಟು ಹಾಕೋದು ಏಕೆ ಗೊತ್ತಾ?

• ನನ್ನ ನಗು ನೀನು, ನನ್ನ ಖುಷಿ ನೀನು, ನನ್ನೆಲ್ಲಾ ಆಯಸ್ಸು ನಿನ್ನದಾಗಲಿ. ಅಣ್ಣ-ತಂಗಿಯರ ದಿನದ ಶುಭಾಶಯಗಳು.
• ಹುಟ್ಟಿನಿಂದಲೇ ಬೆಸದ ಸಂಬಂಧವಿದು, ರಾಖಿ ಸೂತ್ರವು ಅದನು ಬಲಪಡಿಸುವುದು. ಹ್ಯಾಪಿ ರಕ್ಷಾ ಬಂಧನ.
• ಅಣ್ಣ ಎಂದರೆ ಅನುದಿನವೂ ಸ್ವರ್ಗ. ನನ್ನೆಲ್ಲಾ ಅಕ್ಕರೆಯ ಅಣ್ಣಂದಿರಿಗೆ ರಕ್ಷಾ ಬಂಧನದ ಶುಭಾಶಯ. ನಿಮ್ಮ ಶ್ರೀರಕ್ಷೆ ಸದಾ ಈ ಮುದ್ದು ತಂಗಿಯ ಮೇಲಿರಲಿ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ